Amǝ Filipi 2:17 - Maləmce Məfele mala Ɓakuli: Kurcau Məbəshe

¹⁷ Paɓamuru andǝ aturo ma'wun aɓa kpata Mǝtalabangŋo ka, à ndà kǝla pa ɓoro abani. Sǝ ko ɓǝ̀ yi do ama à nda rǝ ɗarǝ yilǝmem kǝla gir-ɗarǝa amur mǝnia yì ɓoro mala paɓamuru ma'wun ngga, bumam nǝ̀ pwasǝo, sǝm nǝ̀ pak banɓoarnado a tarǝ sǝm kat.

Amǝ Filipi 2:17 ပူးပေါင်းရင်းမြစ်များ

Amǝ Mishan 20:24

Sǝ amur mani ka, ǝn twal yilǝmem a kun ɓe kǝgir ɗang. Mim ngga, gir mǝnana ǝn tsǝk muram a rǝì ka nda mǝnana ama ɓǝ̀ ǝn mal turo mǝnana Mǝtalabangŋo Yesu pam ɓǝ̀ ǝn pe ka, yì turo hamnǝ Cau Amsǝban mala ɓwamuru mala Ɓakuli.

Amǝ Mishan 21:13

Sǝ yì ka, na ama, “Mana wu pakkiyi anggo, wu tsǝk mǝrǝm a mǝsǝ wun, wu nǝ̀ ɓunggi ɓabumam? Yale kùrban na ǝn nakiyi ce ka ɗang, ko nggearǝ lú ka ǝn earǝna mǝ nǝ ngga wu, acau mala Mǝtalabangŋo Yesu.”

Amǝ Roma 12:1

Ace mani ka, wun amǝ'eambǝam, ǝn nggǝ ɓuakia rǝ wun, nǝ ɓwamuru mala Ɓakuli, wu pa rǝwun aban Ɓakuli, kǝla aɓoro mǝyilǝmui, mǝnana wu nǝ̀ duk amale, sǝ nǝ̀ pwasǝbumi ka. Mǝnia ka nda peri ma'wun mǝɓafoe abani.

Amǝ Roma 15:16

mǝ duk mǝturo mala Kǝrǝsti Yesu aban aɓwana mala acili anzali ka. Ɓakuli twalam ace mǝnana mǝ pak turo kǝla pǝris, aban hamnǝ bǝsa Cau Mǝɓoarne male. Sǝ aɓa mǝno anggo ka aɓwana mala acilia nzali ka ɓǝa duk ɓoro mǝnana gir-á na aban Ɓakuli, yia aɓwana mǝnana Bangŋo Mǝfele tarnia ace Ɓakuli ɓǝa duk amale ka.

2 Amǝ Korinti 12:15

Ace mani ka, bumam nǝ pwasǝo mǝ kiɗiki koya gir nani mǝ ndanǝi ka, andǝ nggearǝ ɓamuram, ace yilǝmi wun. Sǝ nggearǝì ka, acemǝnana ǝn earce wun kpǝm ngga nda tsǝa sǝ wu earcem bǝti ka le?

2 Amǝ Korinti 4:12

Mǝnia ka lǝmndǝ ama sǝm amǝ'mishan ngga, sǝm nda aɓa wara sǝnǝa lú, sǝa ma mǝno ka ndarǝ yinǝ wun aɓa kum yilǝmu.

2 Amǝ Korinti 6:10

Kat andǝ amani ama à tsǝk sǝm aɓa bumkiɗikea ka, sǝm nda aɓa bumpwasǝa ko aya pwari. Ko ɓǝ̀ ndo ama sǝm nda ka amǝtǝr ka, sǝm nggǝ tsǝk aɓwana pas à duk amǝkume. Mǝsǝcau na ama sǝm pànǝ kǝgir ɗang, sǝa ma girbunda kat ka ma'sǝma.

2 Amǝ Korinti 7:4

Mǝ ndanǝ mǝsǝkang-kangŋa arǝ wun, sǝ ǝn nggǝ nggori nǝ wun. Wu ɓàngnà ɓabumam kǝrkǝr; aɓalǝ atanni ma'sǝm kat ka ǝn lumsǝ nǝ banɓoarnado kǝrkǝr.

Amǝ Filipi 1:20

Ən nggǝ sǝn dǝmbǝa nǝ tsǝkɓalǝu ama pà mǝ nǝ nu kǝsǝkya ɗang ko bǝti. A kuni ka mǝ nǝ kum mǝsǝkang-kangŋa pepe, acemǝnana ado, kǝla mǝnana a koya pwari ka, Kǝrǝsti nǝ̀ kum gulo a ɓalǝam, ko nǝ yilǝmu ko aɓa lú.

Amǝ Filipi 2:18

Wun gbal ka, ban nǝ̀ ɓoara wun, wu nǝ̀ pakiɗire atam.

Amǝ Filipi 2:30

Acemǝnana api lú bǝti aban pakki Kǝrǝsti turo. Twal yilǝmi a kun kǝgir ɗang aɓa pakkam turo mǝnana ɓǝ́ wu nda wu nǝ̀ pakkam ngga.

Amǝ Filipi 4:18

Ado ka, ǝn kumǝna agir kat mǝnana ǝn earkiyi cea ka, yale nǝ mur amuri. Ən lumsǝna nǝ agirbunda kǝrkǝr nǝ aɓoro mǝnana wu tasǝam ban nǝia nǝ bu Apafuroditus ka. À nda kǝla aɓoro mǝɓoarne mǝnana agir'a na aban Ɓakuli sǝ à kǝ pwasǝbumi ka.

Amǝ Kolosi 1:24

Sǝ ado ka ban kǝ ɓoaram arǝ tanni mǝnana ǝn nggǝ nu ace wun ngga. Acemǝnana aɓa tanni mem a nggūrǝu ka, mǝ nda ban ɓariki mǝ lumsǝkun gir mǝnana ueo aɓa tanni mala Kǝrǝsti ace nggūrǝi, yì amǝkpate.

1 Amǝ Tasalonika 2:8

Ace earcearǝu mǝkǝrkǝr nì mǝnana sǝm ndanǝi arǝ wun ngga, rǝ sǝm kǝ ɓǝla arǝ na wun bǝsa Cau Mǝɓoarne mala Ɓakuli nǝmurǝì ɗang, sǝm ndanǝ earce gbal sǝm nǝ̀ pa yilǝmi sǝm ace wun. Acemǝnana ce wun kǝ kwan sǝm kǝrkǝr!

2 Timoti 4:6

Ma mem ngga, pwari karǝna ɓǝ̀ ǝn pa yilǝmem kǝla ɓoro mǝnana a pe Ɓakuli ka. Pwari nying ɓanza mem karǝna.

1 Bitǝrus 2:5

Sǝ wun ado ka wu ndaka tali mǝyilǝmuì, mǝnana Ɓakuli na arǝ ɓak ɓala male aɓa bangŋo nǝ wun ngga. Aɓa mǝnia yì ɓala ka, wu nǝ̀ duk apǝris mala Ɓakuli ace pà aɓoro mala bangŋo, mǝnana agir'a na abani, nǝ bu Yesu Kǝrǝsti ka.

1 Yohana 3:16

Ani sǝ sǝm nǝ̀ surǝ mana nda earcearǝu, yi mǝnana Kǝrǝsti pa yilǝmi ace sǝm ngga. Sǝm gbal ka, ɓoaro ɓǝ̀ sǝm pa yilǝmi sǝm ace amǝ'eam sǝm.