Amǝ Filipi 2:16 - Maləmce Məfele mala Ɓakuli: Kurcau Məbəshe

¹⁶ Sǝ aɓa doe anggo ɓǝ̀ wu kǝ bwal kàngkàng arǝ cau mǝnana pākiyi yilǝmu ka. Ɓǝ̀ wu kǝ pa anggo ka, a pwari mǝnana Kǝrǝsti nǝ̀ nyar nǝi ka, mǝ nǝ nggori nǝ wun, sǝ mǝ nǝ sǝlǝ gbal ama turo mem andǝ ɓariki mem ngga, à pà ɓà ɗang.

Amǝ Filipi 2:16 ပူးပေါင်းရင်းမြစ်များ

Matiu 10:27

Acau mǝnia ǝn nggǝ na wun a pǝndǝa ka wu kya nea a banfana. Cau mǝnana ǝn sherǝa wun a kir wun ngga, wu hamnǝ ce amur akurǝm.

Luka 12:8

Ən nggǝ bangga wun, ɓwa mǝnana kat bang paɓamuru male a rǝam a ɓadǝmbǝ aɓwana ka, mim Muna mala Ɓwa ka mǝ nǝ bangce gbal ama yì ka, mem na a ɓadǝmbǝ amǝturonjar mala Ɓakuli.

Yohana 6:63

Bangŋo mala Ɓakuli na pākiyi yilǝmu ka; ɓariki mala ɓwapǝndǝa pa nǝ̀ pà yilǝmu ɗang. Acau mǝnana ǝn bangga wun ngga a mala bangŋo na andǝ yilǝmu.

Yohana 6:68

Shiman Bitǝrus eari wi ama, “Mǝtala sǝm, aban yan sǝ sǝm nǝ̀ ká le? A nda mǝnana nǝ cau mala pà yilǝmu mǝnana pà nǝ̀ mal raka.

Amǝ Mishan 13:26

Ado ka wun amǝ'eambǝam amǝ Isǝrayila, amǝ kau mala Ibǝrayim, andǝ aɓwana mala acili anzali mǝnana à kǝ ɓanggi Ɓakuli ka, aban sǝm sǝ à turban nǝ mǝnia yì cau amsǝban ngga!

1 Amǝ Korinti 1:8

Yì ka, nǝ̀ bwala wun nggam, wu nǝ̀ dum nǝ rǝcandǝa ba masǝlǝate, ace mǝnana ɓǝa kǝa kum wun nǝ ɓe kǝ cau arǝ wun a pwari yiu mala Mǝtala sǝm Yesu Kǝrǝsti ɗang.

1 Amǝ Korinti 9:26

Nda gir mǝnana tsǝa sǝ ǝn nggǝ ɓangmire nǝ mǝsǝam jik aban ká masǝlǝate ka; mǝ nda kǝla mǝ'ta dambe mǝnana kǝ tāban ɓà raka.

2 Amǝ Korinti 1:14

Sǝ kǝla mǝnana ado ka wu surǝna sǝm bǝti ka, wu nǝ̀ ngga surǝ sǝm pepe, ace mǝnana a pwari yiu mala Mǝtala sǝm Yesu ka, wu nǝ̀ nggori nǝ sǝm, kǝla mǝnana sǝm nǝ̀ ngga nggori nǝ wun ngga.

Amǝ Galati 2:2

Ən wari kano, acemǝnana Ɓakuli nǝ̀ lǝmndǝam ama ɓǝ̀ ǝn kyane. Akano ka, sǝm nggea do nǝ murǝ sǝm, sǝnǝ aɓwana mǝnana à twalia ama à nda ka aɓwana-mǝgule mala Ikǝlisiya ka. Pǝlǝa ǝn bǝlia wia ɓa Cau Amsǝban mǝnana ǝn nggǝ hamnǝi aban aɓwana mala acili anzali ka. Eare mem nda mǝnana kun sǝm ɓǝ̀ duk mwashat, ace mǝnana ɓǝ̀ turo mem mǝnana ǝn pangŋǝni andǝ mǝnana ado mǝ nda rǝ pe ka, ɓǝa kǝa ue ɓa ɗang.

Amǝ Galati 4:11

Wu kǝ pam ɓangciu, ɓǝa kǝa na ama nggea gandǝa mem mana arǝ wun ngga nda ɓa ɗang.

Amǝ Filipi 1:10

Acemǝnana ǝn nggǝ earce ama, ɓǝ̀ wu bwalta gir mǝnana ɓoaro kutibanì wu nǝ̀ twal ka, sǝ anggo ka wu nǝ̀ dukdo ɓoarnsari andǝ ɗwanyi cau a rǝǔ, ace Pwari nyare mala Kǝrǝsti.

Amǝ Filipi 1:6

Mim ngga, mǝ ndanǝ makɓalǝu ama Ɓakuli mǝnana tita mǝnia yì turo mǝɓoarne aɓalǝ wun ngga, nǝ̀ lidǝmbǝa nǝi aban ká masǝlǝe a Pwari mǝnana Kǝrǝsti Yesu nǝ̀ nyar nǝi ka.

1 Amǝ Tasalonika 2:19

Ɓǝ̀ mǝno na raka, mana ɗe nda tsǝkɓalǝu ma'sǝm, andǝ banɓoarnado ma'sǝm, ko mana nda mbulan mǝnana sǝm nǝ̀ jali nǝi a ɓadǝm Mǝtala sǝm Yesu a pwari yiu male? Kǝ wu nda re?

1 Amǝ Tasalonika 3:5

Ace mani ka, lang ǝn sǝni, pa mǝ nǝ gandǝ twal gandǝa ɗǝm raka, nda sǝ ǝn tasǝ Timoti, ɓǝ̀ yiu ɓǝ̀ yi sǝn tà wun aɓa do paɓamuru ma'wun aban Yesu. Ɓangciu pakkam ama, ce wu earǝ́nì mǝkarǝkiban, yì Shetan swarkina wun, wu ɗekina kpata Yesu, sǝ turo mala Ɓakuli mǝnana sǝm pe aɓalǝ wun ngga, uena ɓà!

Amǝ Ibǝru 4:12

Cau mala Ɓakuli ka, ndanǝ yilǝmu, sǝ ndanǝ rǝcandǝa. Cyauwe kuti koya ulang ya nggeabyau mǝnana kuni ɓari ka. Kǝ soaban, kǝ kutia ban gakya mala bangŋe ɓwa andǝ yilǝmi. Kǝ kutio aban kpakǝri mala mú andǝ girɓamu. Kǝ pusǝta mana nda mǝɓoarne andǝ mǝɓane arǝ ɗenyicau andǝ kani mala ɓabum ɓwa.

1 Bitǝrus 1:23

Wun ngga, à ɓǝsǝlǝna ɓǝl wun a bǝshe, sǝ mǝnia yì bǝsa ɓǝlban ngga, pur aɓa mǝsǝɓeale mǝnana kǝ kìɗìkì ka ɗang, pur aɓa mǝsǝɓeale mala cau mǝyilǝmuì mala Ɓakuli, yì cau male mana te malkiyi raka.

1 Yohana 1:1

Sǝm hamba wun cau amur ɓwa mǝnana ndakam a tite ka. Yì nda mǝnana kir sǝm ongŋǝni, sǝ mǝsǝ sǝm sǝnǝni ka. Sǝm pelǝkini sǝ sǝm jeni nǝ abu sǝm. Yì ka, nda Cau mala Yilǝmu.

Sǝna 22:17

Bangŋo mala Ɓakuli andǝ Manfela, à kǝ na ama, “Yiu!” Ɓwa mǝnana kat ok mǝnia yì cau ka, ɓǝ̀ na ama “Yiu!” Ɓǝ̀ mǝsamur wal kǝɓwa ka, ɓǝ̀ yiu! Ɓwa mǝnana earce ka, ɓǝ̀ yi nu mur yilǝmu ɓà.