Amǝ Filipi 2:14 - Maləmce Məfele mala Ɓakuli: Kurcau Məbəshe

¹⁴ Wu pusǝ nggwani andǝ makgir aɓalǝ agir mǝnana kat wu pakkiyi ka.

Amǝ Filipi 2:14 ပူးပေါင်းရင်းမြစ်များ

Matiu 20:11

Lang à angŋǝna boalo ka, à tita nggwani arǝ mǝtala ɓaban.

Markus 14:5

Acemǝnana mǝnia yì muru ka à nǝ̀ gandǝ me amur gir mǝnana kuti boalo dinari gbǝman tārú, sǝ boale ka à nǝ̀ gakia amǝtǝr!” À munǝki arǝ mɓwama mǝno kǝrkǝr.

Markus 9:14

Lang à nyarǝna aban acili alaggana ka, à sǝn ɓwapǝndǝa kǝrkǝr rambǝa a rǝia, sǝ aɓea amalǝm Nggurcau mala Musa na aban makgir andǝia.

Luka 5:30

Sǝ aɓea amǝ Farisi andǝ amalǝm Nggurcau malea nggwani aban alaggana mala Yesu ama, “Palang sǝ wu kǝ lili, wu kǝ nuki agir wunǝ amǝ'ak boalo-cemi andǝ amǝ'cauɓikea, aɓwana mǝnana à kǝ kpata Nggurcau mala Musa raka.”

Amǝ Mishan 15:2

Bulǝs andǝ Barnabas ka à earnǝ mǝnia yì kanigir ka ɗang, à makgir kǝrkǝr andǝ amǝno yì amǝ Yahudi ka. A masǝlǝate ka, à yì eare ama ɓǝa tasǝ Bulǝs, sǝ Barnabas, andǝ aɓea amǝkwaɗi ɓǝa kya Urǝshalima ɓǝa kya kum amǝ'mishan andǝ aɓwana-mǝgule amur ikǝlisiya, ɓǝa ok kunia amur mǝnia yì cau ka.

Amǝ Mishan 15:39

Kunia ɓua amur mǝnia yì cau kǝrkǝr, gandǝa à gau njar, à ginggia rǝia ɗàngɗáng. Barnabas twal Yohana Markus, a kutio a waru à o a luran Sayipǝrus.

Amǝ Mishan 15:7

Anzǝm naki acau pas ka, Bitǝrus lo came, sǝ nea wia ama: Wun amǝ'eamrǝarǝu, wu sǝlǝna ama aɓea apwari mǝno a kuti ka, Ɓakuli twalam aɓalǝ wun mǝ hamnǝ Cau Amsǝban aban aɓwana mana amǝ Yahudi na raka. Ɓakuli tasǝam ace mǝnana yia gbal ka, ɓǝa o, ɓǝa paɓamuria aban Yesu.

Amǝ Mishan 6:1

Aɓalǝ amǝno yì anonggeo, lang lakki mala amǝkpata Yesu nǝ̀ nggǝ lidǝmbǝa ka, nggwani kutio a nre ka amǝ Yahudi mǝnana à kǝ na kun Gǝrik, andǝ amana à kǝ na kun Ibǝru ka. Amǝnana à kǝ na kun Gǝrik ka, à na ama à kǝ tsǝkir aman-lú malea aban gau girlina mala koya pwari ka ɗang.

Amǝ Roma 12:18

Ɓǝ̀ nǝ̀ gandǝ pa ka, wu dukdo aɓa dorǝpwala wunǝ aɓwana kat.

Amǝ Roma 14:1

Mǝkwaɗi mǝnana pànǝ rǝcandǝa aɓa paɓamuru male aban Ɓakuli raka, wu é, sǝ wu kǝa kutia makgir andǝi amur agir mǝnana aɓwana kat sǝ à eare amuri raka ɗang.

Amǝ Roma 16:17

Ən nggǝ zǝmbǝa wun ɗǝm, wun amǝ'eambǝam, wu tsǝk kir wun arǝ aɓwana mǝnana à kǝ yinǝ gakia aɓalǝ wun, sǝ à nǝ̀ tsǝk wun a ɓwarki tanjar, nǝ akanigir mǝnana à nda ɗàng andǝ mǝnana à kania wun ngga. Wu nyia zak, ce wu sung abania ɗang!

1 Amǝ Korinti 10:10

Ɓǝ̀ sǝm ngga nggwani, kǝla mǝnana aɓea aɓwana atea pa, sǝ Mǝturonjar mala lú, yi twaltea ka ɗang.

2 Amǝ Korinti 12:20

Ɓangciu kǝ pakkam ama ɓǝ̀ ǝn yiu ka, yakǝla mǝ nǝ yia kum wun pà kǝla mǝnana mǝ nǝ earce ɓǝ̀ wu pak ka ɗang, sǝ wun ngga, yakǝla wu kumam pa kǝla mǝnana wu nǝ̀ earcem mǝ pak ka ɗang. Ɓangciu kǝ pakkam ama, mǝ nǝ yia kum kúnɓuana, andǝ mɓali, andǝ bumlulla, andǝ earce-ɓamuru, andǝ kiɗikiɓwa, andǝ twal-lullǝu, andǝ candǝmuru, andǝ zuriki nre-rǝarǝu.

Amǝ Galati 5:15

Sǝ ɓǝ̀ akuni lǝmndǝì arǝ wun earcearǝu, wu camarǝ munǝo andǝ loasǝban a rǝarǝ wun ngga, wu parkir wun, ɓǝ̀ a na raka wu nǝ̀ kiɗiki rǝarǝ wun.

Amǝ Galati 5:26

Ɓǝ̀ sǝm ngga gusǝlǝ mur sǝm, ko ɓǝ̀ sǝm nggǝ altacau arǝarǝ sǝm, ko ɓǝ̀ sǝm nggǝ pak mɓali arǝarǝ sǝm ɗang.

Amǝ Filipi 2:3

Gir mǝnana kat wu nǝ̀ pè ka, wu kǝa pe nǝ earce-ɓamuru, ko twalɓamuru ɗang; wu nongsǝ ɓamur rǝ wun, wu twal aɓi wun kǝla à kuti wun.

1 Amǝ Tasalonika 5:13

Wu dǝmbǝri cea kǝrkǝr aɓa earcearǝu ace turo mǝnana à pakkiyi ka. Wu dumnǝ rǝpwala a rǝarǝ wun.

1 Amǝ Tasalonika 5:15

Wu kǝa eari kǝɓwa aɓalǝ wun ɓǝ̀ mbwe kǝɓwa nǝ pe mǝɓike a kun mǝɓike ɗang. Ɓǝ̀ do ama a koya pwari ka, wu kǝ ɓariki wu kǝ pakki arǝ wun pe mǝɓoarne andǝ aɓwana kat.

Amǝ Ibǝru 12:14

Wu ɓariki wu dukdo rǝpwala wunǝ aɓwana andǝ do mǝfele; aɓwana mǝnana à kǝ dukdo mǝfele raka, à pà nǝ̀ sǝn Mǝtalabangŋo ɗang.

Jemis 1:20

Acemǝnana ɓǝ̀ bumo lul ka a pà nǝ gandǝ pak gir mǝɓoarne mǝnana Ɓakuli earce ɓǝa pe ka ɗang.

Jemis 3:14

Sǝ ɓǝ̀ wu lumsǝ nǝ mɓali, andǝ ɓinǝmuru, andǝ earce ɓamuru a ɓabum wun ngga, wu ɗeki nggori, wu kǝa gìr mǝsǝcau nǝ nyir ɗang.

Jemis 5:9

Wun amǝ'eamrǝarǝu, wu kǝa nggwani arǝarǝ wun ɗang, acemǝnana Ɓakuli ɓǝ̀ kǝa ɓasha wun ɗang. Wu sǝni! Mǝɓashi na aban came a kunkurǝm!

1 Bitǝrus 3:11

Dumǝna púp, nǝ̀ pǝlǝ nzǝmi arǝ ɓealɓikea sǝ nǝ̀ pak mǝɓoarne; dumǝna púp, nǝ̀ alta dorǝpwala, sǝ nǝ̀ ɓangŋa ate.

1 Bitǝrus 4:9

Wu ak rǝarǝ wun arǝ aɓala ma'wun, nggwani ɓǝ̀ kǝa pàk kàm ɗang.

Yahuda 1:16

Amǝnia yì aɓwana ka, amǝ sǝn ɓwarkio mala aɓwana na andǝ amǝ'nggwani, à kǝ pakki agir mǝɓike mǝnana kat à earkiyice ka. Yia ka, amǝ nggori na, andǝ amǝ'swarban nǝ kunɓoarna ace kum gir mǝnana à earkiyice ka, a bu aɓwana.