Amǝ Filipi 2:13 - Maləmce Məfele mala Ɓakuli: Kurcau Məbəshe

¹³ Ɓakuli ka, nda rǝ pak turo aɓalǝ wun, ɓǝ̀ pà wun rǝcandǝa andǝ ɓabum mala pak gir mǝnana nǝ̀ pwasǝbumi ka.

Amǝ Filipi 2:13 ပူးပေါင်းရင်းမြစ်များ

Luka 12:32

Domwan mǝkyauwe, ɓangciu ɓǝ̀ kǝa pakka wun ɗang, acemǝnana Tar wun ngga ban kǝ ɓoari wi ɓǝ̀ pa wun agir mǝɓoarne mala Domurǝm male.

Luka 2:14

“Nokiban aban Ɓakuli akano a kuli, sǝ a ɓanza ka dorǝpwala aban aɓwana mǝnana à kǝ pwasǝ ɓabumi ka!”

Yohana 3:27

Pǝlǝa Yohana na ama: Ɓakuli na kǝ pe ɓwa turo mǝnana nǝ̀ pak ka.

Yohana 6:45

Kǝla mǝnana à gilǝì aɓa Malǝmce mala amǝ'ɓangna ka: ‘Yia kat ka, Ɓakuli na nǝ̀ kania wia gir ka.’ Lǝmndǝ ama, ɓwa mǝnana kat kǝ kwaki kiri arǝ Ɓakuli Tarrû sǝ kǝ kànì abani ka, nǝ̀ yiu abanam.

Yohana 6:65

Pǝlǝa nea wia ama, “Mǝnia ka nda gir mǝnana tsǝa sǝ ǝn na wun ama, kǝɓwa pà nǝ̀ gandǝ yiu abanam ɗang, she ɓǝ̀ Tárram earǝnì wi ka.”

Amǝ Mishan 11:21

Rǝcandǝa mala Mǝtalabangŋo ka nda tea, sǝ aɓwana mala aɓea anzali pas à earnǝ Cau Amsǝban à paɓamuria aban Mǝtalabangŋo.

Amǝ Roma 12:3

Nǝ ɓwamuru mǝnana à pam ngga, ǝn nggǝ zǝmbǝi koyan ata wun ngga, ɓǝ̀ kǝa twal ɓamuri kǝrkǝr ɓǝ̀ kuti bancame male ɗang. Ɓǝ̀ ɗenyicau mala koya ɓwa ka, ɓǝ̀ karǝ arǝ paɓamuru male mǝnana Ɓakuli pe wi ka.

Amǝ Roma 9:11

Sǝ lang Rabeka málá nǝ̀ gbashi amǝnia yì apasa ka, Ɓakuli ne wi ama, “Muna-dǝmbǝa nǝ̀ do aɓata ɓwamǝkyauwe.” Ɓakuli bang mǝnia ka kaniama à nǝ̀ ɓǝlia, sǝ kaniama à nǝ̀ surǝ mǝɓoarne ko mǝɓane ka. Mǝnia ka lǝmndǝ ama Ɓakuli ka, nda rǝ pak gir mǝnana ɓabumi kànì nǝ̀ pe ka, twal a tite; pa ace ɓe kǝgir mǝnana amuna mǝnia pak ka ɗang, nda ace gir mǝnana Ɓakuli earce sǝ twal ka.

Amǝ Roma 9:16

Ace mani ka, Ɓakuli na twalkiyi ɓwa mǝnana nǝ̀ lǝmndǝì wi ɓwamuru ka. Sǝ twalban male ka kǝ kpata gir mǝnana aɓwana earce ko à ɓariki pe ka ɗang.

1 Amǝ Korinti 12:6

Anjargula turo nakam ɗàngɗáng, sǝa ma kǝ Ɓakuli mǝ'mwashati na kǝ pak turo nǝ sǝm kat ka.

1 Amǝ Korinti 15:10

Ɓǝ̀ mana gir nì mǝ nda ado ka, nda acemǝnana ɓwamuru mala Ɓakuli nǝ̀ cem sǝ ǝn duk gir nì, sǝ mǝnia yì ɓwamuru à lǝmndǝam ngga yi duk ɓà ɗang. Yale ǝn pak turo ǝn kuti koyan ata amǝ'mishan ngga, sǝ mǝnia ka sǝlǝpe mem na ɗang, ko bǝti, ɓwamuru mala Ɓakuli mana nda atam ngga, nǝ̀ pak mani kat.

2 Amǝ Korinti 3:5

Sǝm pa aban bang ama sǝm karǝna a mala pak mǝnia yì turo aɓa rǝcandǝa ma'sǝm ɗang. Kārǝa ma'sǝm ngga, pur nǝban Ɓakuli.

Amǝ Afisu 1:11

Sǝ acemǝnana à dapina sǝm sǝnǝa Kǝrǝsti ka, sǝm angŋǝna liɓala a bu Ɓakuli, acemǝnana ak dǝmbǝa tàr sǝm ɓǝ̀ sǝm duk amale aɓa kpata kane male, sǝ yì nǝ nggearǝì ka kǝ tsǝk koya gir ka ɓǝ̀ pa kǝla mǝnana ɓabumi earkiyice ka.

Amǝ Afisu 1:5

Ɓakuli ak dǝmbǝa ɗiɗyal kànì a bumi ama, nǝ̀ pa sǝm bancame mala duk amuni nǝ bu Yesu Kǝrǝsti. Mǝnia ka nda earkiyi ce, sǝ ban kǝ ɓoari wi a rǝì ka.

Amǝ Afisu 1:9

Adyan ngga, Ɓakuli lǝmndǝna sǝm kane male mǝnana lǝmndǝi aban kǝɓwa ɗiɗyal raka, mǝnana kani ace lumsǝ banɓoarnado male nǝ bu Kǝrǝsti ka.

Amǝ Afisu 2:8

Ɓwamuru mala Ɓakuli na amsǝ wun ngga, nǝ paɓamuru ma'wun abani. Mǝnia ka, pe ma'wun na ɗang, ɓoro mala Ɓakuli na,

2 Amǝ Tasalonika 1:11

Nda gir mǝnana tsǝa koya pwari ka, sǝm nggǝ pakka wun hiwi. Sǝm nggǝ zǝmbǝi Ɓakuli ɓǝ̀ tsǝk wun, ɓǝ̀ wu dukdo mǝnana karǝ arǝ ulang do mǝnana tunǝ wun ace ka, sǝ ɓǝ̀ pa wun rǝcandǝa mala lumsǝ pakki agir mǝɓoarne kat mǝnana paɓamuru ma'wun tsǝk wun a pě ka.

2 Timoti 1:9

Ɓakuli amsǝ sǝm, sǝ tunǝ sǝm ɓǝ̀ sǝm duk aɓwana male amǝ fele. Pa ace aturo mǝnana sǝm pak ka ɗang, nda àkǝ̀ ce male yì kani mana pusǝ sǝm ace ka, andǝ ɓwamuru male. Pa sǝm mǝnia yì ɓwamuru ka nǝ bu Kǝrǝsti Yesu sǝ yi kwakita ɓanza.

1 Bitǝrus 1:3

Ɓwangsǝban kat ka, ɓǝa pe Ɓakuli, Tár Mǝtala sǝm Yesu Kǝrǝsti! Ace mǝsǝswatǝr male mǝgule ka yina nǝ sǝm aɓa bǝsa ɓǝlban. Sǝm kum mǝnia yì bǝsa ɓǝlban ngga acemǝnana Ɓakuli loasǝ Yesu Kǝrǝsti a ɓembe ka. Ado ka sǝm ndanǝ do tsǝkɓalǝu mǝyilǝmui,