Amǝ Filipi 2:11 - Maləmce Məfele mala Ɓakuli: Kurcau Məbəshe

¹¹ Sǝ koya lasǝu ka, nǝ̀ bang bwāng ama, “Yesu Kǝrǝsti ka Mǝtalabangŋo na,” ace gusǝlǝ Ɓakuli Tarrû.

Amǝ Filipi 2:11 ပူးပေါင်းရင်းမြစ်များ

Matiu 10:32

Ɓwa mǝnana bang paɓamuru male a rǝam a dǝmbǝ aɓwana ka, mǝ nǝ twalce gbal ama yì ka, memna a ɓadǝm Tárram mǝnana a kuli ka.

Luka 2:11

Yalung aɓa nggeala mala Dauda ka, à ɓǝlǝ́na wun Mǝ'amsǝban; yì nda Kǝrǝsti Mǝtalabangŋo.

Yohana 12:42

Kat andǝ amani ama pas ata aɓwana-mǝgule mala amǝ Yahudi, pà ɓamuria aban Yesu ka, à bang ce aban aɓwana bwāng ɗang, acemǝnana à kǝ ɓanggi amǝ Farisi ɓǝa kǝa pǝria aɓa ndakpapi ɗang.

Yohana 13:13

Wu kǝ tunǝam ama Malǝm, sǝ Mǝtalabangŋo. Sǝ wu ɓwarki ɗang, anggo sǝ ǝn pa.

Yohana 13:14

Sǝ mǝnana mim Mǝtala wun andǝ Mǝkania wun gir, ǝn lakka wun akusǝ wun ngga, wun gbal ka dumǝna amur wun, wu nǝ̀ lakki arǝ wun akusǝu.

Yohana 14:13

Sǝ mǝ nǝ pak gir mǝnana kat wu zǝmbǝa aɓa lullǝam ngga, acemǝnana Muna ka ɓǝ̀ yinì Tarrí nǝ gulo.

Yohana 14:23

Yesu eari wi ama: Ɓwa mǝnana kat earcem ngga, nǝ̀ kpata kanigir mem, Tárram nǝ̀ earce, sǝ mim sǝnǝ Tárram ka, sǝm nǝ̀ yiu abani sǝm nǝ̀ do ate.

Yohana 17:1

Anzǝm mǝnana Yesu malǝna naki acau mǝnia ka, pǝlǝa loasǝ mǝsǝì a kuli, sǝ pak hiwi ama: Dâ, adyan ngga bu-pwarî yina. Gusǝlǝ Munio ace mǝnana ɓǝ̀ Munio po gulo mo ka.

Yohana 20:28

Toma pǝlǝa eari Yesu ama, “Mǝtalem andǝ Ɓakuli mem!”

Yohana 5:23

ace mǝnana ɓǝ̀ aɓwana kat pam gulo kǝla mǝnana à pe Tárram Ɓakuli ka. Ɓwa mǝnana kat pam gulo raka, pà aban pê Tárram mǝnana tasǝam ngga gulo ɗang.

Yohana 9:22

Atarrí andǝ ngge ka à na mǝnia yì cau ka anggo acemǝnana à kǝ ɓanggi aɓwana-mǝgule mala amǝ Yahudi. Amǝnia yì aɓwana-mǝgule ka à bangŋǝna a dǝmbǝa ama, ɓwa mǝnana earnǝ Yesu ama nda Kǝrǝsti Mǝ'amsǝban ngga, à nǝ̀ pǝri pà nǝ̀ nggǝ yiu aɓa ndakpapi ɗǝm ɗang.

Amǝ Mishan 10:36

Wu surǝna cau mǝnana Ɓakuli tasǝnaban nǝi aban amǝ Isǝrayila, kǝ nea wia Cau Amsǝban andǝ dorǝpwala nǝban Yesu Kǝrǝsti, yi mǝnana nda Mǝtalabangŋo kat ka.

Amǝ Mishan 2:36

Ace mani ka, aɓwana mala amǝ Isǝrayila kat, ɓǝa sǝlǝa nǝ mǝsǝcau ama, Yesu mǝnana wu gballì amur nggun-gangndi ka, nda ɓwa mǝnana Ɓakuli ci ɓǝ̀ do nda Mǝtalabangŋo, sǝ nda Kǝrǝsti, Mǝ'amsǝban ngga!

Amǝ Roma 14:11

Malǝmce bangŋa ama, “ ‘Mǝtalabangŋo kǝ na ama, Kǝla mǝnana kàngkàng mǝ ndakam nǝ yilǝmu ka,’ ‘koya nkūnu ka, nǝ̀ ɓun a ɓadǝmbǝam, sǝ koya lasǝu ka nǝ̀ bangŋa ama Mǝ nda Ɓakuli.’ ”

Amǝ Roma 14:9

Nda àkǝ̀ ce mǝnia sǝ Kǝrǝsti wú, sǝ lo nǝ yilǝmu, acemǝnana ɓǝ̀ duk Mǝtalabangŋo amur aɓwana mǝnana à wuna ka, andǝ aɓwana mǝnana à ndanǝ yilǝmu ka.

Amǝ Roma 15:9

Ɗǝm ngga Kǝrǝsti pak ture ace mǝnana aɓwana mala acili anzali ka, à nǝ̀ ɓwangsǝ Ɓakuli ace ɓwamuru male. Malǝmce ka bangŋǝna ama, “Ace mǝnia ka mǝ nǝ ɓwangsǝo aɓalǝ aɓwana mala acili anzali. Mǝ nǝ tukia anggyal ɓwangsǝ lullǝo.”

1 Amǝ Korinti 12:3

Ace mani ka, ǝn nggǝ earce nǝma ɓǝ̀ wu sǝlǝ ama, kǝɓwa pà kàm nǝ́ Bangŋo mala Ɓakuli a rǝì, sǝ nǝ̀ pur a kuni ama, “Suban na amur Yesu” ɗang. Sǝ kǝɓwa pà nǝ̀ na gbal ama, “Yesu ka Mǝtalabangŋo na” ɗang she nǝ Bangŋo Mǝfele.

1 Amǝ Korinti 15:47

Adamu, ɓwa mǝdǝmbe ka, pur nǝ nzali, à pe nǝ dǝɓang; Kǝrǝsti, yì ɓaria Ɓwa ka, sulǝ nǝ kuli.

1 Amǝ Korinti 8:6

Ma'sǝm ngga, kǝ Ɓakuli na mwashat sǝm nggǝ peri abani, yì Tarrû mǝnana abani sǝ agir puro, sǝ àkǝ̀ ce sǝ sǝm pak ka. Mǝtalabangŋo ka nda mwashat, yì Yesu Kǝrǝsti, mǝnana nǝ bui sǝ agir kat puro, sǝ nǝ yì sǝ sǝm pa.

1 Bitǝrus 1:21

Nǝ́ bani yì Kǝrǝsti, sǝ wu pa ɓamur wun aban Ɓakuli, mǝnana loasǝi a ɓembe, sǝ pe wi nggea gulo ka; ace mani ka paɓamuru ma'wun, andǝ tsǝkɓalǝu ma'wun ngga, à kwakina amur Ɓakuli.

1 Yohana 4:15

Ɓwa mǝnana kat bang bwāng ama, Yesu ka Muna mala Ɓakuli na ka, nda aɓa dotarǝu andǝa Ɓakuli, sǝ Ɓakuli na aɓa dotarǝu andǝi.

1 Yohana 4:2

Ani sǝ wu nǝ̀ sǝlǝa ko à ndanǝ Bangŋo mala Ɓakuli: Ɓwa mǝnana kat eare ama Yesu Kǝrǝsti yiu aɓa nggūrǝu ka, ndanǝ Bangŋo mǝnana pur nǝban Ɓakuli ka.

2 Yohana 1:7

Ən bang mǝnia ka acemǝnana amǝ swarkiban pas mana à ear ama Yesu Kǝrǝsti yiu aɓa nggūrǝu raka, à kutina a ɓanza. Ɓwa kǝla ulang amǝno ka, mǝswarkiban na sǝ ɓimǝbura mala Kǝrǝsti na.

Sǝna 3:5

Ɓwa mǝnana limurǝm ngga mǝ nǝ oasǝi wi daura pwasǝa a rǝì kǝla mǝno, sǝ pà mǝ nǝ kasǝ lullǝi ɗang aɓa Malǝmce Yilǝmu. Mǝ nǝ bang ce a ɓadǝm Tárram andǝ amǝturonjar male ama yì ka, mem na.