Amǝ Filipi 1:5 - Maləmce Məfele mala Ɓakuli: Kurcau Məbəshe

⁵ acemǝnana wu pam gbasha aɓa hamnǝ Cau Amsǝban mala Kǝrǝsti, twalo a bu-pwari mǝnana wu tita oe ka, yi puro adyan.

Amǝ Filipi 1:5 ပူးပေါင်းရင်းမြစ်များ

Amǝ Mishan 2:42

Pǝlǝa yia ka à paɓamuria aban ak kanigir aban amǝ'mishan, andǝ do a tarǝia, andǝ ligirlina a tarǝia, andǝ pakki ahiwi.

Amǝ Roma 11:17

Ɓakuli ginǝkina pas ata amǝ Yahudi kǝla mǝnana à kǝ kpalǝki abu nggun ngga. Sǝ wun aɓwana mǝnana amǝ Yahudi na raka, wun mǝnana Ɓakuli angŋǝna wun ngga, wu nda kǝla abu-nggun muru-bondo mǝnana à zwaɓia arǝ nggun-ɓala ka. Wu angŋa ban came mala aɓea bu-nggun mǝnana à kpalǝkia arǝ nggun-muru-ɓala ka. Ace mani ka, wu ongŋǝna banɓoarna tsǝkbu mala Ɓakuli mǝnana pa ace Ibǝrayim andǝ amǝkè ka.

Amǝ Roma 12:13

Wu kǝ gau gir ma'wun ace bwalia aɓwana mala Ɓakuli mǝnana à nda aɓa tǝle ka; wu kànì ak abǝri.

Amǝ Roma 15:26

Acemǝnana amǝkpata Ɓakuli mǝnana a Masǝdoniya andǝ Akaya ka, à pa ɓoro nǝ banɓoarnado, ɓǝa kya pea amǝtǝr mǝnana à nda aɓalǝ amǝkpata Ɓakuli a Urǝshalima ka.

1 Amǝ Korinti 1:9

Ɓakuli mǝnana tunǝ wun aɓa dotarǝu wunǝa Muni Yesu Kǝrǝsti, Mǝtala sǝm ngga, mǝ mǝsǝcau na.

2 Amǝ Korinti 8:1

Wun amǝ'eamrǝarǝu, sǝm nggǝ earce ɓǝ̀ wu surǝ gir mǝnana Ɓakuli, aɓa ɓwamuru male ka, pè aɓalǝ a'ikǝlisiya mǝnana a nzali Masǝdoniya ka.

Amǝ Afisu 3:6

Sǝ mǝnia ka, nda kànì mala Ɓakuli, mana sǝmbǝrǝ ce ɗiɗyal ka. Aɓwana mala acilia anzali andǝ amǝ Yahudi, mǝnana à ak Cau Amsǝban nǝ ɓabumia kat ka, à ndanǝ kāmbe mǝ'mwashati aɓa kum liɓala nǝ atsǝkbu mǝnana Ɓakuli pàcau ace aban amuna male kat ka. Yia kǝm ngga, abare nggūrǝu mǝ'mwashati na, sǝ yia kǝm, aɓa kpapi malea andǝa Kǝrǝsti Yesu ka, Ɓakuli nǝ̀ pea wia agir mǝnana bangŋa ama nǝ̀ pa ka.

Amǝ Filipi 1:12

Ado ka ǝn nggǝ earce ɓǝ̀ wu sǝlǝa, wun amǝ'eamrǝarǝu, ama agir mǝnana à kumam kani ka, à nda à tsǝk Cau Amsǝban akiban ngga.

Amǝ Filipi 1:16

Amǝnia yia ɓwana nǝ nzǝmo ka, à kǝ hama ace earcearǝu mǝnana à ndanǝi a rǝam ngga. Acemǝnana à sǝlǝna ama Mǝtalabangŋo twalam ace bǝl ɓa Cau Amsǝban.

Amǝ Filipi 1:27

Ado ka, gir mǝnana ɓoaribanì ka, nda mǝnana ama wu do kǝla aɓwana mala Kǝrǝsti, nǝ bwal ɓamur rǝ wun aɓa njar mala Cau Amsǝban. Sǝ ko ɓǝ̀ ǝn yiu ɗǝm a sǝn wun, ko ǝn yiu raka, mǝ nǝ ok ce came ma'wun kàngkàng aɓa Bangŋo andǝ ɓabum mǝ'mwashati andǝ ɓariki a tarǝ wun ace paɓamuru ma'wun arǝ Cau Amsǝban.

Amǝ Filipi 1:7

Ɓǝ̀ ǝn twal wun kat anggo ka, ǝn ɓwarki ɗang, acemǝnana ɓabumam na arǝ wun. Wun kat ka wu nda atam, wu nda arǝ bwalam arǝ mǝnia yì turo Ɓakuli pam aɓa ɓwamuru male ka, kat aɓa kùrban mem, andǝ bǝl ɓa Cau Amsǝban, andǝ lǝmndǝì aɓwana mǝsǝcau mǝnana a ɓalǝi ka.

Amǝ Filipi 2:12

Wun agyajam mem mǝnana ǝn earkiyi acea raka, mǝnana mǝ ndá aban wun ngga, wu kǝ ok kiru pwari-pwari. Sǝ ado mǝnana ǝn pâ aban wun raka, ɓoaro ɓǝ̀ okiru ma'wun ɓǝ̀ kuti mǝno. Wu pak turo mala amsǝban ma'wun nǝ ɓangciu andǝ rǝɓǝla.

Amǝ Filipi 2:22

Sǝ Timoti ka, wu sǝlǝna ama lǝmndǝna ɓamuri ama karǝna ɓwa. Pangŋǝna turo atam kǝla muna andǝ tarrí. Yì ka, bwalam nggam aɓa turo hamnǝ Cau Amsǝban.

Amǝ Filipi 4:3

E, ǝn nggǝ zǝmbǝo gbal, we ɓiam mǝturo mǝɓafoe. Bwali amamǝna mǝnia ka. Yia ka à pak turo kǝrkǝr atam aban hamnǝ Cau Amsǝban, a tarǝ sǝm sǝnǝa Kǝlemen andǝ acili aɓiam amǝturo, mǝnana alullǝia ka, a nda aɓa Malǝmce mala Yilǝmu ka.

Filimon 1:17

Ace mani ka, ɓǝ̀ a twalam kǝla ɓio mǝturo ka, e, kǝla mǝnana a nǝ em ngga.

Amǝ Ibǝru 3:14

Ɓǝ̀ sǝm bwal kàngkàng arǝ guliarǝu ma'sǝm mana sǝm tinate nǝi sǝ kya bik masǝlǝate ka, gir mǝnana kat mala Kǝrǝsti na ka, sǝm nǝ̀ kumi ate.

2 Bitǝrus 1:1

Makkun mǝnana pur nǝ bu Shiman Bitǝrus, guro sǝ mǝ'mishan mala Yesu Kǝrǝsti. Aban ká aban aɓwana mǝnana à kumǝna paɓamuru mǝɓoarne kǝla mǝnana sǝm ndanǝi ka, ata cau mala pémǝɓoarne mala Ɓakuli andǝ Mǝ'amsǝ sǝm Yesu Kǝrǝsti.

1 Yohana 1:3

Sǝm nggǝ na wun ce gir mǝnana mǝsǝ sǝm sǝni, sǝ kir sǝm oe ka, ace mǝnana wun gbal ka ɓǝ̀ wu kum dotarǝu nǝ sǝm. Sǝ dotarǝu ma'sǝm ngga, sǝm nda andǝ Ɓakuli Tarrû, andǝ Muni, Yesu Kǝrǝsti.

1 Yohana 1:7

Sǝa ma ɓǝ̀ sǝm gya aɓa tǎlaban, kǝla mǝnana yì ka, nda aɓa tǎlaban ngga, lǝmndǝ ama sǝm ndanǝ dotarǝu nǝ rǝarǝ sǝm, sǝ nkila mala Muni Yesu kǝ lak sǝm arǝ acauɓikea kat.