Amǝ Filipi 1:4 - Maləmce Məfele mala Ɓakuli: Kurcau Məbəshe

⁴ Hiwi mem ace wun kat ko aya pwari ka, ǝn nggǝ pê nǝ bumpwasǝa,

Amǝ Filipi 1:4 ပူးပေါင်းရင်းမြစ်များ

Markus 5:5

Du andǝ pwari ndaban gali a nreka aɓembe andǝ mur ankono, kǝ makki'zwalo, sǝ kǝ canggi rǝì nǝ atali.

Luka 15:10

Ən nggǝ na wun ama anggo gbal, bumpwasǝa nakam aban amǝturonjar mala Ɓakuli ace mǝ'cauɓikea mwashat mǝnana ginǝki acauɓikea male, nyare aban Ɓakuli ka.

Luka 15:7

Ən nggǝ na wun ama, anggo gbal a kuli ka bumpwasǝa na kam kǝrkǝr ace mǝ'cauɓikea mwashat mǝnana nying acauɓikea male nyare aban Ɓakuli ka. Mǝno yì bumpwasǝa ka kuti mana ndakam amur amǝ'cauɓoarna mǝnana lumi-tongno-nong-ine nǝ mǝsǝi tongno-nong-ine mana à ɓwarki tanjar raka.

Amǝ Roma 1:9

Ɓakuli mǝnana ǝn nggǝ pakki wi turo nǝ ɓabumam kat, aɓa hamnǝ Cau Amsǝban mala Muni ka, nda mǝ'nakunam ama ǝn nggǝ pak hiwi ace wun tutu.

Amǝ Filipi 2:2

Ace mani ka wu ciem ɓǝ̀ banɓoarnado mem lumsǝo! Wu earnǝ rǝarǝ wun. Wu lǝmndǝì arǝ wun earcearǝu. Wu do aɓa kpapi ɓamuru aɓa ɗenyicau ma'wun, kǝla wu nda mwashat ɓǝrɓǝr.

Amǝ Filipi 3:18

Kǝla mǝnana ǝn nunkir wun tutu ɗiɗyal ka, sǝ adyan ngga, mǝ nda ban ɓǝsǝlǝa wunì ɗǝm nǝ mǝrǝm a mǝsǝam, ama aɓwana pas ka, aɓia amǝbura mala nggun-gangndi mala Kǝrǝsti na.

Amǝ Filipi 4:1

Ace mani ka, wun amǝ'eambǝam, wu cam kàngkàng aɓa kpata Mǝtalabangŋo. Wun mǝnana ǝn earkiyi earce wun raka, sǝ ɓabumam kǝ pi ace sǝn wun ngga, wu nda ka banɓoarnado mem andǝ mbulan-gulo mem.

Amǝ Kolosi 2:5

Ko ɓǝ̀ do ama ǝn pa ata wun aɓa nggūrǝu raka, mǝ nda ata wun aɓa bangŋo. Sǝ ban kǝ ɓoaram arǝ gya a tarǝu ma'wun, andǝ came mala paɓamuru ma'wun nǝ rǝcandǝa aban Kǝrǝsti.

1 Amǝ Tasalonika 1:2

A koya pwari ka, sǝm nggǝ pakki Ɓakuli yàwá ace wun, sǝ sǝm nggǝ pak hiwi tutu ace wun kat.

Filimon 1:7

Earcearǝu mo panam banɓoarnado kǝrkǝr andǝ girikiban, mǝ'eambǝam, acemǝnana pe mǝɓoarne mo yina nǝ bumpwasǝa aban aɓwana mala Ɓakuli kat.

2 Yohana 1:4

Banɓoaram kǝrkǝr, yi mǝnana ǝn kum aɓea amunio aban do aɓa mǝsǝcau, kǝla mǝnana Ɓakuli Tarrû tsǝka sǝmi ka.