Amǝ Filipi 1:26 - Maləmce Məfele mala Ɓakuli: Kurcau Məbəshe

²⁶ Sǝ ɓǝ̀ ǝn yina aban wun ɗǝm ngga, wu nǝ̀ nggori nǝ Kǝrǝsti Yesu kǝrkǝr ace gir mǝnana kǝ pe a ɓalǝam ngga.

Amǝ Filipi 1:26 ပူးပေါင်းရင်းမြစ်များ

2 Amǝ Korinti 1:14

Sǝ kǝla mǝnana ado ka wu surǝna sǝm bǝti ka, wu nǝ̀ ngga surǝ sǝm pepe, ace mǝnana a pwari yiu mala Mǝtala sǝm Yesu ka, wu nǝ̀ nggori nǝ sǝm, kǝla mǝnana sǝm nǝ̀ ngga nggori nǝ wun ngga.

2 Amǝ Korinti 5:12

Sǝm pà aban ɓariki ɗǝm ama sǝm nǝ̀ ɓwangsǝ ɓamur rǝ sǝm aban wun ɗang. Awo, sǝm nda ban pà wun tǝ́r gir mǝnana wu nǝ̀ jali nǝ sǝm nǝi ka, ace mǝnana ɓǝ̀ wu kum cau mǝnana wu nǝ̀ ne aɓwana mana à kǝ nggori nǝ puro mala ɓwa aɓa nggūrǝu sǝ à fali nǝ ɓealǝia raka.

Amǝ Filipi 4:4

Wu dum nǝ banɓoarnado aɓa dotarǝu ma'wun wunǝa Mǝtalabangŋo, a koya pwari ka. Nyare mǝ nǝ na wun ɗǝm: Wu pak banɓoarnado!

Amǝ Filipi 3:3

Sǝm mǝnana sǝm nggǝ peri aban Ɓakuli aɓa Bangŋo ka, sǝm ndaka aɓwana mǝnana à kasǝa sǝm ɓatau aɓa mǝsǝcau ka. Sǝm ngga, sǝm nggǝ nggori nǝ Kǝrǝsti Yesu, sǝm guli arǝ agir mǝnana à pe aɓa nggūrǝu ka ɗang,

Amǝ Filipi 4:10

Ban kǝ ɓoaram kǝrkǝr nǝ Mǝtalabangŋo, ama wu lǝmndǝna ɗenyinǝban ma'wun acem ɗǝm. Ən sǝlǝna ama wu kǝ ɗenyi nǝ mim koya pwari, sǝ banì sauwuna bǝti mǝnana wu kum dǝmbǝu mala bwalam nggam raka.

Amǝ Filipi 3:1

A masǝlǝate ka, wun amǝ'eambǝam, ɓǝ̀ ban ɓoara wun ama, wu nda ka mala Mǝtalabangŋo. Ɓǝsǝlǝ gilǝ agir mǝnana ǝn gilǝa wunia a dǝmbǝa ka, kwan rǝam ɗang. Nda ace yal paɓamuru ma'wun.

2 Amǝ Korinti 7:6

Sǝ Ɓakuli mǝnana kǝ giriki amǝ ɓabum ɓunggia ka, nda yi giriki sǝm nǝ yiu mala Titus ka.

Yohana 16:24

Yale ado ka wu malaká zǝm kǝgir aɓa lullǝam ɗang: wu zǝmbǝa sǝ à nǝ̀ pà wun, sǝ bumpwasǝa ma'wun nǝ̀ lumsǝo.

Yohana 16:22

Anggo sǝ wu pa: Adyan ngga wu ndanǝ bumkiɗikea, sǝ ǝn nggǝ na wun ama, mǝ nǝ ngga sǝn wun ɗǝm, sǝ ɓabum wun ngga nǝ̀ pakiɗire, ulang bumpwasǝa mǝnana kǝɓwa pà nǝ̀ é arǝ wun raka.

2 Amǝ Korinti 7:4

Mǝ ndanǝ mǝsǝkang-kangŋa arǝ wun, sǝ ǝn nggǝ nggori nǝ wun. Wu ɓàngnà ɓabumam kǝrkǝr; aɓalǝ atanni ma'sǝm kat ka ǝn lumsǝ nǝ banɓoarnado kǝrkǝr.

2 Amǝ Korinti 7:14

Ən bangŋǝni wi nǝma, ǝn nggǝ nggori nǝ wun, sǝ ado ka wu pam kǝsǝkya ɗang. Sǝ kǝla mǝnana ko man kat sǝm bangga wun ngga mǝsǝcau na ka, anggo gbal sǝ nggori ma'sǝm aban Titus ka, dumǝna mǝsǝì!

Amǝ Galati 6:4

Kárǝ́kí turo mo nǝ nggearǝo wu sǝni, anggo sǝ a nǝ sǝlǝa ko turo mǝɓoarne na a pak ka, sǝ anggo ka a pà nǝ kani rǝo arǝ kǝɓwa ɗang.