Amǝ Filipi 1:12 - Maləmce Məfele mala Ɓakuli: Kurcau Məbəshe

¹² Ado ka ǝn nggǝ earce ɓǝ̀ wu sǝlǝa, wun amǝ'eamrǝarǝu, ama agir mǝnana à kumam kani ka, à nda à tsǝk Cau Amsǝban akiban ngga.

Amǝ Filipi 1:12 ပူးပေါင်းရင်းမြစ်များ

Luka 21:13

Mǝnia ka nǝ̀ pa wun dǝmbǝu hamnǝ Cau Amsǝban mem.

Amǝ Mishan 8:4

Amǝkwaɗi mǝnana à mesǝki ka, à camarǝ hamnǝ Cau Amsǝban a koya ban mǝnana à wari kam ngga.

Amǝ Roma 8:28

Sǝ sǝm sǝlǝna ama Ɓakuli kǝ tsǝk agir kat ɓǝa pang nǝ ɓoaro, ace lidǝmbǝa mala aɓwana mǝnana à kǝ earce ka, aɓwana male mǝnana tunǝia ace kpata kane male ka.

Amǝ Roma 8:37

Awo! Aɓalǝ amǝnia yì agir kat ka sǝm kuti amǝ limurǝm, nǝ bu Kǝrǝsti mǝnana earce sǝm ngga!

Amǝ Filipi 1:5

acemǝnana wu pam gbasha aɓa hamnǝ Cau Amsǝban mala Kǝrǝsti, twalo a bu-pwari mǝnana wu tita oe ka, yi puro adyan.

Amǝ Filipi 1:7

Ɓǝ̀ ǝn twal wun kat anggo ka, ǝn ɓwarki ɗang, acemǝnana ɓabumam na arǝ wun. Wun kat ka wu nda atam, wu nda arǝ bwalam arǝ mǝnia yì turo Ɓakuli pam aɓa ɓwamuru male ka, kat aɓa kùrban mem, andǝ bǝl ɓa Cau Amsǝban, andǝ lǝmndǝì aɓwana mǝsǝcau mǝnana a ɓalǝi ka.

Amǝ Filipi 2:22

Sǝ Timoti ka, wu sǝlǝna ama lǝmndǝna ɓamuri ama karǝna ɓwa. Pangŋǝna turo atam kǝla muna andǝ tarrí. Yì ka, bwalam nggam aɓa turo hamnǝ Cau Amsǝban.

Amǝ Filipi 4:15

Wun amǝ Filipi ka, wu sǝlǝna ama aɓalǝ anonggeo mala tita turo hamnǝ Cau Amsǝban mem, lang ǝn nying Masǝdoniya ka, kǝ wu nda, kǝ ikǝlisiya mǝnana bwalam nggam, aɓa pa ɓoro ka. Kǝ ɓe ikǝlisiya pa kàm anggo ɗang.

Amǝ Filipi 4:3

E, ǝn nggǝ zǝmbǝo gbal, we ɓiam mǝturo mǝɓafoe. Bwali amamǝna mǝnia ka. Yia ka à pak turo kǝrkǝr atam aban hamnǝ Cau Amsǝban, a tarǝ sǝm sǝnǝa Kǝlemen andǝ acili aɓiam amǝturo, mǝnana alullǝia ka, a nda aɓa Malǝmce mala Yilǝmu ka.

1 Timoti 2:8

A koya ban peri ka, ǝn nggǝ earce aburana mǝnana à pana ɓamuria aban Ɓakuli ka, ɓǝa pak hiwi nǝ loasǝ abuia mǝfele a kuli nǝ ɓabum mǝɓoarnsari, bumlulla andǝ makgir pà kàm ɗang.

2 Timoti 2:9

Sǝ acemǝnana ǝn nggǝ hamnǝ mǝnia yì Cau Amsǝban ngga, mǝ ndya ǝn nggǝ tanni, à kùrram nǝ ansolo kǝla ɓwa mǝnana mǝɓealɓikea na ka. Sǝa ma cau mala Ɓakuli ka, à kùrrì ɗang.

2 Timoti 4:17

Sǝa ma Mǝtalabangŋo na atam sǝ pam rǝcandǝa ace mǝnana ɓǝ̀ ǝn hamnǝ Cau Amsǝban kat ace aɓwana mana amǝ Yahudi na raka ɓǝa oe. Nyar ɗǝm ngga, amsǝam a bu lú, a kuna im mǝnana ɓǝ́ à nǝ̀ turam aɓalǝia ka.