Amǝ Afisu 6:9 - Maləmce Məfele mala Ɓakuli: Kurcau Məbəshe

⁹ Wun amǝtala-ɓala, wu pakki aguro gbal anggo kǝla mǝnana à banggia wia ama ɓǝa kǝ pang nǝ wun ngga. Wu kǝa pea wia ɓangciu ɗang. Wu sǝlǝ ama wun kat wunǝia ka, mǝtala-ɓala ma'wun na a kuli, mǝnana kǝ tàrban raka.

Amǝ Afisu 6:9 ပူးပေါင်းရင်းမြစ်များ

Amǝ Kolosi 3:25

Sǝ ɓǝ̀ wu kǝ pak turo ɓealɓikea ka, à nǝ̀ mbwe wun nǝ tangnakusǝu mǝkwanbanì. Acemǝnana ɓashi mala Ɓakuli aban aɓwana kat mǝ'mwashati na.

Amǝ Mishan 10:34

Pǝlǝa Bitǝrus tita na cau ama: Ado ka ǝn sǝlǝna ama ɓafo na Ɓakuli ka earce kǝɓwa kuti ɓe ɗang.

Amǝ Roma 2:11

Mǝnia ka nda acemǝnana Ɓakuli ka, kǝ tàrban ɗang.

Luka 6:31

Pakki aɓwana gir mǝnana a kǝ earce ama ɓǝa pakko ka.

Matiu 7:12

Aɓa gir kat ka, pakki aɓwana agir mǝnana a earkiyice ama ɓǝa pakko ka. Mǝnia ka nda ɓa Nggurcau mala Musa andǝ kanigir mala amǝ'ɓangna mala Ɓakuli.

Jemis 2:13

Ɓǝ̀ yiua pak ɓashi ka, à pà nǝ̀ sǝn mǝsǝswatǝr mala aɓwana mǝnana à kǝ lǝmndǝ mǝsǝswatǝr aban acilia aɓwana raka ɗang; sǝ ɓwa mǝnana kǝ lǝmndǝ mǝsǝswatǝr ka Ɓakuli nǝ̀ lǝmndǝì wi mǝsǝswatǝr a pwari ɓashi!

Jemis 2:8

Ɓǝ̀ ɓafo na wu bwalǝna mǝnia yì nggurcau mala murǝm Ɓakuli, mǝnana à gilǝì aɓa Malǝmce ka, ama “Wu earce ɓio-mǝ'njarmurkala kǝla mǝnana a earce ɓamuro ka,” wu nǝ̀ nggǝ pak mǝɓoarne.

1 Amǝ Korinti 1:2

À tasǝi aban ká aban ikǝlisiya mala Ɓakuli mana a Korinti, yia aɓwana mǝnana à tària ɓǝa duk aɓwana mala Ɓakuli aɓa Kǝrǝsti Yesu ka. Yia andǝ aɓwana kat arǝ aban kat mǝnana à kǝ tunǝ lullǝ Mǝtalabangŋo Yesu mǝnana nda Mǝtalea andǝ Mǝtala sǝm ngga.

Yohana 13:13

Wu kǝ tunǝam ama Malǝm, sǝ Mǝtalabangŋo. Sǝ wu ɓwarki ɗang, anggo sǝ ǝn pa.

Jemis 5:4

Wu sǝni! Aɓwana mǝnana à pakka wun turo a ɓaban sǝ wu ginǝ mbwea ace ɓǝmbǝriban ma'wun ngga, ɓua malea bwalǝna ban Ɓakuli. Aɓwana mǝnana à pakka wun turo pwan girɓaban ngga, ɓua malea warina a kir Mǝtalabangŋo mǝnana Karban kat ka.

1 Amǝ Korinti 7:22

Ɗenyi ama ɓǝ̀ a nda guro ɗiɗyal sǝ Ɓakuli tunǝo wu duk mǝkwaɗi ka, Mǝtalabangŋo panzǝkino aɓa bu kùrban mala Shetan. Anggo gbal, ɓǝ̀ a ndá doɓamuro, sǝ Ɓakuli tunǝo wu duk mǝ kwaɗi ka, a dumǝna guro mala Kǝrǝsti, sǝ pup a nǝ nggǝ pak gir mǝnana Kǝrǝsti banggo ka.

Matiu 24:51

Nǝ̀ yia kwe nǝ̀ kasǝki wi anpenye, sǝ nǝ̀ ramte ata amǝ'kunɓarina, abanì sǝ à nǝ̀ nggǝ ɓua à nǝ̀ nggǝ nǝmnggi munabuia.

Matiu 24:48

Sǝ ɓǝ̀ guro mǝno ka mǝɓealɓikea na, sǝ ne ɓamuri ama, “Mǝtala-ɓala mem pà nǝ̀ yiu tu ɗang.”

Matiu 22:10

Nda amuna-ɓala man puro à o arǝ agauwata anjarɓala sǝ à tunǝki aɓwana kat mǝnana à kum ngga, amǝɓane andǝ amǝɓoarne. À yì lumsǝ ɓala isǝban.

Matiu 22:8

Pǝlǝa tunǝ amuna-ɓala male sǝ nea wia ama, “Girbunda kat mala pakiɗire isǝban ngga à malǝna pe. Sǝ aɓwana mǝnana ǝn tunǝia ka à kārǝa à nǝ̀ yiu aban isǝban ɗang.

Amǝ Kolosi 4:1

Wun amǝtala-ɓala, wu bwal aguro ma'wun nǝ mǝsǝcau, wu kǝ pakkia wia mǝɓoarne. Wu ɗenyi ama wun gbal ka wu ndanǝ mǝtala-ɓala akano a kuli.