Amǝ Afisu 5:8 - Maləmce Məfele mala Ɓakuli: Kurcau Məbəshe

⁸ Ɗiɗyal ka, wu nda aɓa pǝndǝa, sǝ a dyan ngga, wu kumǝna tǎlaban a bu Mǝtalabangŋo. Ace mani ka, wu dukdo mala aɓwana mǝnana à nda aɓa tǎlaban ngga.

Amǝ Afisu 5:8 ပူးပေါင်းရင်းမြစ်များ

Matiu 3:8

Wu pak agir mǝnana à nǝ̀ lǝmndǝ ama wu pwana'nzali, wu ɗekina acauɓikea ma'wun ngga.

Matiu 4:16

Aɓwana mǝnana à do a pǝndǝa ka, à sǝna tǎlaban mǝgule. Yì aɓwana mǝnana à do a yinggǝli lú ka, tǎlaban sulǝna a bania.”

Luka 1:79

ace pà tǎlaban aban aɓwana mǝnana à do aɓa pǝndǝa andǝ yinggǝli lú ka, ace yal kusǝ sǝm aɓa ká tanjar mala dorǝpwala.

Luka 16:8

Mǝtala-ɓala ɓwangsǝ mǝɗenyi nǝ agirkuma mǝ'ɗwanyi mǝsǝcau nì mǝno ace kutan male. Acemǝnana aɓwana amǝkpata ɓanza mǝnia ka à ndanǝ kutan aɓa do malea a rǝarǝia à kuti aɓwana mǝnana amǝkpata Ɓakuli na ka.

Yohana 1:9

Tǎlaban mǝ'mǝsǝcau nì, mǝnana kǝ ta aban ɓwapǝndǝa kat ka, ndo kǝ yiu a ɓanza ka.

Yohana 12:35

Yesu earia wia ama, “Tǎlaban ngga nda aban wun ado, sǝ banì pà nǝ̀ sau ɗang. Wu gya aɓa mǝnia yì tǎlaban ado mǝnana nda aban wun ngga, ace mǝnana ɓǝ̀ pǝndǝa ɓǝ̀ kǝa gir amur wun ɗang. Aɓwana mǝnana à kǝ gya aɓa pǝndǝa ka, à kǝ gandǝ sǝn ban mǝnana à káki kam ngga ɗang.

Yohana 12:36

Wu guli arǝ tǎlabanì ado mǝnana nda aban wun ngga, ace mǝnana ɓǝ̀ wu duk amuna mala tǎlaban.” Anzǝm mana Yesu naná man yì cau ka, pǝlǝa upia wia, à sǝni ɗǝm ɗang.

Yohana 12:46

Ən yiu kǝla tǎlaban ace pa tǎlaban aɓa pǝndǝa mala ɓanza man, ace mǝnana ɓwa mana kat pà ɓamuri abanam ngga, ɓǝ̀ kǝa ueo aɓa pǝndǝa ɗang.

Yohana 8:12

Yesu nyar ɗǝm banggi aɓwana ama, “Mǝ nda tǎlaban mala ɓanza! Ɓwa mǝnana kat kpatam ngga, pà nǝ̀ gya a pǝndǝa ɗang, nǝ̀ kum tǎlaban mala yilǝmu.”

Amǝ Mishan 17:30

Adó-ɗwanyi surǝ Ɓakuli mana ɗiɗyal ka, Ɓakuli tsǝk kir cea ɗang, sǝ a dyan ngga, kǝ bangŋa ama tsǝngŋǝna nzongcau, ɓǝa ɓwana kat a koya aban, ɓǝa nying acauɓikea malea, ɓǝa pwanzali abani.

Amǝ Mishan 26:18

ace mǝnana wu mǝnbia wia mǝsǝia, ɓǝa puri ɓa pǝndǝa, ɓǝa yiu aɓa tǎlaban ngga. Mǝ ndarǝ túrǒ abania ace mǝnana ɓǝa pǝlǝa ɓǝa puri ɓata parban mala Shetan, sǝ ɓǝa yiu aban Ɓakuli. Anggo ka à nǝ̀ twalia wia ban acauɓikea malea, sǝ nǝ́ paɓamuru malea abanam ngga, à nǝ̀ kum ban-do aɓalǝ aɓwana mǝnana Ɓakuli tàrria ɓǝa duk amale ka.”

Amǝ Roma 1:21

E, à surǝna Ɓakuli, sǝ à ɓinǝ peri abani kǝla Ɓakuli, à kǝ pakki wi yàwá ɗang. A kun mani ka, ɗenyicau malea pǝlǝ mǝɓane, sǝ ɓabumia do a pǝndǝa.

Amǝ Roma 13:12

Du málá nǝ̀ mala; ban málá nǝ̀ kwaro. Ɓǝ̀ sǝm nying pakki agir mala pǝndǝa, ɓǝ̀ sǝm oasǝ agirbura mala tǎlaban.

Amǝ Roma 2:19

A ndanǝ sǝlǝe kàngkàng ama a nda mǝbwalgara mala ante, sǝ a nda tǎlaban mala aɓwana mǝnana à do aɓa pǝndǝa ka.

1 Amǝ Korinti 1:30

Àkǝ̀ ce gir mǝnana Ɓakuli pe ka sǝ wu kum kpapi wunǝa Kǝrǝsti Yesu, yì mǝnana Ɓakuli tsǝngŋǝni nda sǝlǝe ma'sǝm, sǝ yì nda ɓwa mǝnana gilǝki nre sǝm andǝa Ɓakuli, sǝ tàr sǝm, sǝm duk amale, sǝ yi akmúr sǝm aɓalǝ acauɓikea ma'sǝm ngga.

2 Amǝ Korinti 3:18

Sǝm mǝnana kat sǝm panǝ lagir a ɓamǝsǝ sǝm raka, sǝ sǝm ndarǝ lǝmndǝ ta mala ɓoarɓwa mala Ɓakuli ka, à nda rǝ nggaɗi sǝm ɓǝ̀ sǝm pa kǝla yì, nǝ ɓoarɓwa mǝnana kǝ ká nǝ ká a dǝmbǝa ka. Mǝnia yì ɓoarɓwa ka pur nǝban Mǝtalabangŋo mǝnana nda Bangŋo ka.

2 Amǝ Korinti 4:6

Ɓakuli mǝnana na ama, “Ɓǝ̀ tǎlaban ta aɓa pǝndǝa” ka, tana a ɓabum sǝm ace pà sǝm tǎlaban mala surǝ ɓoarɓwa mala Ɓakuli mǝnana à nǝ̀ sǝni a ɓamǝsǝ Yesu Kǝrǝsti ka.

2 Amǝ Korinti 6:14

Wu kǝa kpapi ɓamur rǝ wun wunǝ aɓwana mǝnana à pa ɓamuria aban Kǝrǝsti raka ɗang. Mana dapi ɓealɓoarna andǝ ɓealɓikea? Sǝ tǎlaban ngga, lang sǝ à nǝ̀ do andǝ pǝndǝa?

Amǝ Galati 5:25

Ɓǝ̀ sǝm nda ban do aɓata Bangŋo mala Ɓakuli ka, sǝm nǝ̀ kwaɗi lǝmndǝbu mala Bangŋo aɓa do ma'sǝm kat.

Amǝ Afisu 2:2

Amǝno yia apwari ka, wu kǝ dukiado ma'wun aɓa cauɓikea kǝla mǝnana acili amǝ ɓanza kǝ pa, aban kpata Shetan, mana ginggi nǝ ɓanza mana à sǝnggiyi raka, sǝ bangŋo male na kǝ pak turo aɓalǝ aɓwana mǝnana à kǝ oki Ɓakuli raka.

Amǝ Afisu 4:18

Ɓabumia ka lumsǝ nǝ pǝndǝa; à pa aɓa yilǝmu mǝnana Ɓakuli kǝ pa ka ɗang, ace ɗwanyi sǝlǝe andǝ murcandǝa malea.

Amǝ Afisu 5:2

Do ma'wun ngga, ɓǝ̀ lumsǝ nǝ earcearǝu, kǝla mana Kǝrǝsti earce sǝm, sǝ pa yilǝmi duk gir'nkila ace sǝm, mǝnana duk ɓoro mǝɓoarne mana pwasǝbum Ɓakuli ka.

Amǝ Afisu 6:12

Acemǝnana munǝo ma'sǝm ngga, pa arǝ ɓwapǝndǝa ɗang. Munǝo ma'sǝm ngga, nda arǝ amurǝma ɓa bangŋo mǝɓike andǝ amǝ'yalmuru mǝɓike mala ɓanza mǝnana à sǝnggiyi raka, andǝ arǝcandǝa mala abangŋo ɓa pǝndǝa mǝnana à ginggi nǝ ɓanza man, andǝ akukwar mǝɓike mǝnana nǝ bumkuli ka.

Amǝ Kolosi 1:12

Ko aya pwari ka wu nǝ̀ nggǝ pakki Tar sǝm Ɓakuli yàwá. Yì na tsǝa sǝ wu duk aɓwana mǝnana wu karǝna wu nǝ̀ kum kāmbe ma'wun aɓa liɓala ata aɓwana male mǝnana à do aɓa tǎlaban ngga.

Amǝ Kolosi 1:13

Acemǝnana amsǝna sǝm aɓata parban mala Shetan, sǝ yina nǝ sǝm aɓa Domurǝm mala Muni mǝnana earkiyi ace raka,

Titus 3:3

Sǝm ɗiɗyal gbal ka, sǝm ndaka aɓwana anggo sǝm kwar ɗang, amǝ'ɗwanyi okiru, à swarki sǝm, sǝm duk aguro mala gyata asuno andǝ anpel ɗàngɗáng mala nggūrǝu. Sǝm do aɓa bumkpǝmna andǝ mɓali. Aɓwana ɓinǝmǝsǝ sǝm, sǝ sǝm ɓinǝmǝsǝ arǝ sǝm.

1 Yohana 1:7

Sǝa ma ɓǝ̀ sǝm gya aɓa tǎlaban, kǝla mǝnana yì ka, nda aɓa tǎlaban ngga, lǝmndǝ ama sǝm ndanǝ dotarǝu nǝ rǝarǝ sǝm, sǝ nkila mala Muni Yesu kǝ lak sǝm arǝ acauɓikea kat.