Amǝ Afisu 5:7 - Maləmce Məfele mala Ɓakuli: Kurcau Məbəshe

⁷ Wu kǝa oasǝki abu wun aɓalǝ agir mǝnana amǝnia yì aɓwana pakkiyi ka ɗang.

Amǝ Afisu 5:7 ပူးပေါင်းရင်းမြစ်များ

2 Amǝ Korinti 6:14

Wu kǝa kpapi ɓamur rǝ wun wunǝ aɓwana mǝnana à pa ɓamuria aban Kǝrǝsti raka ɗang. Mana dapi ɓealɓoarna andǝ ɓealɓikea? Sǝ tǎlaban ngga, lang sǝ à nǝ̀ do andǝ pǝndǝa?

Amǝ Afisu 3:6

Sǝ mǝnia ka, nda kànì mala Ɓakuli, mana sǝmbǝrǝ ce ɗiɗyal ka. Aɓwana mala acilia anzali andǝ amǝ Yahudi, mǝnana à ak Cau Amsǝban nǝ ɓabumia kat ka, à ndanǝ kāmbe mǝ'mwashati aɓa kum liɓala nǝ atsǝkbu mǝnana Ɓakuli pàcau ace aban amuna male kat ka. Yia kǝm ngga, abare nggūrǝu mǝ'mwashati na, sǝ yia kǝm, aɓa kpapi malea andǝa Kǝrǝsti Yesu ka, Ɓakuli nǝ̀ pea wia agir mǝnana bangŋa ama nǝ̀ pa ka.

Amǝ Afisu 5:11

Wu cam zak, wu kǝa oasǝ abu wun aɓalǝ aturo mǝɓane andǝ amǝ ɓealɓike mǝnana aɓwana kǝ pea aɓa pǝndǝa ka ɗang. A kun mani ka, wu pusǝtea.

1 Timoti 5:22

Ce a kaurǝa ata pe ɓwa gulo aɓa ikǝlisiya ɗang. Sǝ kǝa wu oasǝ ɓamuro aɓalǝ acauɓikea mala aɓea aɓwana ɗang. Yal ɓamuro aɓa doɓoarnsari.

Sǝna 18:4

Pǝlǝa ǝn ok ɓe giu pur nǝ kuli kǝ na ama: “Wu puri ɓālǝi, wun aɓwana mem. Wu kǝa oasǝ bu wun aɓalǝ acauɓikea male ɗang, ɓǝ̀ ana raka, wu nǝ̀ nutanni ate arǝ agirtanni mǝnana à nǝ̀ sulǝo amuri ka.