Amǝ Afisu 5:3 - Maləmce Məfele mala Ɓakuli: Kurcau Məbəshe

³ Nongginǝban, andǝ koya ulang ɓe kǝgir mǝɓeami, ko nzumon ka, ɓǝa kǝa kumia aɓalǝ wun ɗang. Acemǝnana amǝnia yì agir ka, à kārǝa arǝ do mala aɓwana mala Ɓakuli ɗang.

Amǝ Afisu 5:3 ပူးပေါင်းရင်းမြစ်များ

Matiu 15:19

Àkǝ̀ ɓabum ɓwa sǝ aɗenyicau mǝɓane kǝ puro; wal-lú, nongnǝban a nza nǝ doɓala, gyagung, ǝn'i, kumsǝkun, sǝ zalǝban.

Luka 12:15

Pǝlǝa ne ɓwabunda ama, “Wu parkir wun, wu yal rǝ wun arǝ koya ulang kikil ka, acemǝnana lakki mala agirkuma mala ɓwa ka, nda yilǝmi ɗang.”

Luka 16:14

Sǝ yia amǝ Farisi mǝnana amǝ earce boalo na ka, à nǝ̀ ok mǝnia yì acau ka, à sonzǝkì Yesu ngge.

Amǝ Mishan 15:20

Gir mana kutibanì ka, sǝm nǝ̀ gilǝ cautera, sǝm nǝ̀ banggia wia ama ɓǝa kǝa li girlina mana à pea alú ata ankúl ka ɗang. Ɓǝa puri ɓa kìɗìkì mala nongginǝban. Ɓǝa kǝa li nyam girkusǝu mana à pūrǝ meali nǝ pūrǝo ka ɗang, sǝ ɓǝa kǝa li nkila ɗang.

Amǝ Mishan 20:33

Ən sham ma kǝ boalo mala ɓwa ko agir-nggurǝu male ɗang.

Amǝ Roma 1:29

Yia ka, do malea lumsǝ nǝ koya ulang turo ɓealɓikea, andǝ mɓali, andǝ ɓinǝmuru andǝ mwararǝu, andǝ walki-alú, andǝ munǝki-amunǝo, andǝ swarkiban, andǝ ce'shiria, andǝ twal lullǝú.

Amǝ Roma 16:2

Wu gingsǝi, wu é aɓa lullǝ Mǝtalabangŋo, kǝla mǝnana ɓoaro ɓǝa pakki mǝkpata Ɓakuli ka. Wu bwali wi kam aɓa gir mǝnana kat nǝ̀ earce ka. Acemǝnana yì ka, nggea gbasha mǝgule na aban ɓwapǝndǝa a là, sǝ nggearǝ mim ngga pangŋǝnam mǝɓoarne.

Amǝ Roma 6:13

Wu kǝa pà abare nggurǝ wun aban cauɓikea ɓǝa duk agirturo mala ɓealɓikea ɗang. A kun mani ka, wu pe Ɓakuli rǝwun, kǝla aɓwana mǝnana à loasǝnia a lú à kumǝna yilǝmu ka; sǝ wu pà abare wun aban Ɓakuli ɓǝa duk agirturo ace turo cauɓoarna.

1 Amǝ Korinti 10:8

Ɓǝ̀ sǝm ngga eare, ɓǝ̀ sǝm kutia pakki acauɓikea nongginǝ rǝarǝu, kǝla mǝnana aɓea ɓwana atea pak ka ɗang; nda gir mǝnana tsǝa sǝ aɓa nongŋo mwashat, aɓwana aɓalǝia, á-lumi-ɓari-nong-tārú, à wu kat ka.

1 Amǝ Korinti 5:1

À bangŋǝnam ce ama mǝsǝcau kìɗìkì mala nonggi nǝ rǝarǝu na kam aɓalǝ wun, ulang mǝnana ko aɓwana mǝnana à surǝ Yesu Kǝrǝsti raka, à kǝ pak ulang gir nî ɗang, mǝnana à bangŋa ama ɓeɓwa na aɓalǝ wun kǝ nong nǝ mālá tarrí ka!

1 Amǝ Korinti 6:13

“Girlina ka nda ace bum, sǝ bum ngga nda ace girlina.” Sǝ yia kǝm ngga Ɓakuli nǝ̀ kiɗikia. Nggūrǝu ka pà ace do kìɗìkì mala nonggi nǝ rǝarǝu ɗang, nda ace pakki Mǝtalabangŋo turo; sǝ Mǝtalabangŋo ka kǝ ɗenyi nǝ nggūrǝu.

1 Amǝ Korinti 6:18

Wu ɓanggi aturo mala kìɗìkì mala nongginǝ rǝarǝu. Acemǝnana acilia acauɓikea mana kat ɓwa kǝ pea ka, à kumsǝ nggūrǝi ɗang, sǝ ɓwa mǝnana kat pak cauɓikea nongginǝ rǝarǝu ka, pangŋǝni nggūrǝi cauɓikea.

2 Amǝ Korinti 12:21

E, ɓangciu kǝ pakkam ama ɓǝ̀ ǝn yiu aban wun ɗǝm ngga, Ɓakuli mem nǝ̀ kyauwikiam a ɓadǝm wun. Sǝ ɗǝm ngga ǝn nggǝ ɓangŋa ama mǝ nǝ kum bumkiɗikea amur aɓwana pas ata wun. Aɓwana mǝnana à malaká nying buia arǝ acauɓikea mǝ'e malea mala pǝndǝki rǝarǝu, andǝ kiɗìkì mala nongginǝ-rǝarǝu, andǝ do-kiɗìkì mala gyatarǝu raka.

Amǝ Afisu 5:12

Nggearǝ gir kǝsǝkya na ɓǝa na cau mala agir mǝnana amǝno yì aɓwana pakkiyi aɓa sǝmbǝrǝa ka.

Amǝ Afisu 5:5

Wu nǝ̀ gandǝ sǝlǝ kàngkàng ama ɓwa mana kat mǝ nongginǝban na, ko mǝ pakki agir ɓeami na, ko mǝ nzumon na ka, pà nǝ̀ kum kutio a Domurǝm mala Kǝrǝsti andǝ Ɓakuli ɗang. Acemǝnana nzumon ka, ndá mwashat andǝ peri aban agirkuncau.

Amǝ Filipi 1:27

Ado ka, gir mǝnana ɓoaribanì ka, nda mǝnana ama wu do kǝla aɓwana mala Kǝrǝsti, nǝ bwal ɓamur rǝ wun aɓa njar mala Cau Amsǝban. Sǝ ko ɓǝ̀ ǝn yiu ɗǝm a sǝn wun, ko ǝn yiu raka, mǝ nǝ ok ce came ma'wun kàngkàng aɓa Bangŋo andǝ ɓabum mǝ'mwashati andǝ ɓariki a tarǝ wun ace paɓamuru ma'wun arǝ Cau Amsǝban.

Amǝ Kolosi 3:5

Ace mani ka, wu wal lu koya ɓeal wun mala pakki agirɓana mala ɓanza. Yì aɓealǝu kìɗìkì mala nongginǝ rǝarǝu, andǝ do-pǝndǝkya, andǝ nshawari, andǝ suno mǝɓane, andǝ shamgir mala ɓwa (acemǝnana shamgir mala ɓwa ka ɓe njari mala peri ata nkul na).

1 Amǝ Tasalonika 4:3

Mǝnia ka nda kani mala Ɓakuli aban wun, ama ɓǝ̀ wu tàr ɓamur rǝ wun aɓa do aceì, wu ɓanggi ɓealǝu mala kìɗìkì mala nongginǝ rǝarǝu.

1 Amǝ Tasalonika 4:7

Ɓakuli ka, tunǝ sǝm ace do ɓa pǝndǝkya ɗang, tunǝ sǝm ace do tar ɓamuru ace Ɓakuli.

1 Timoti 2:10

Gilǝkirǝu malea ɓǝ̀ duk pakki agir-ɓoarna mǝnana dupi amamǝna mana à bang ama à kǝ ɓanggi Ɓakuli ka.

1 Timoti 3:3

Yì ka, pà nǝ̀ duk mǝ'nuki agir andǝ wal-wale ɗang, pà nǝ̀ duk mǝ lullo ɗang, nǝ̀ pak ɓukɓuk, pà nǝ̀ earce loasǝkiaban ɗang, sǝ pà nǝ̀ duk mǝ rufi ata boalo ɗang.

1 Timoti 6:10

Acemǝnana rufi ata boalo ka, nda nlerǝ koya ɓealɓikea. Aɓea aɓwana mana bumia kǝ pi ace alta gǝna ka, gandǝa à kpana, à ɗekina paɓamuru malea aban Ɓakuli, à soana ɓabumia nǝ agir bumkiɗikea.

2 Timoti 3:2

Ɓwapǝndǝa nǝ̀ duk amǝ earce ɓamuria, amǝ rufi ata boalo, amǝ nggori andǝ amǝ twalɓamuru. À nǝ̀ duk amǝ ɓǝsǝki Ɓakuli, andǝ amǝ mgbikiru aban atárria andǝ anggea, andǝ amǝ ɗwanyi pak yàwá, à pà nǝ̀ fali nǝ Ɓakuli ɗang.

Titus 1:11

Amǝnia yia aɓwana ka, ɓǝa tamsǝia arǝ kani amǝkwaɗi gìr, acemǝnana nǝ akanigir mǝɓane malea ka, à nda ban tsǝk amǝɓala kat ɓǝa nying kpata kanigir mǝnana nda pepe ka. Tǝ́r kanigir mala amǝnia yì aɓwana ka, nda ace alta boalo mǝnana à nǝ̀ kumo a ɓalǝi ka.

Titus 1:7

Sǝ acemǝnana ɓwamǝgule amur ikǝlisiya ka, Ɓakuli panì wi turo ɗenyi nǝ aɓwana male yì Ɓakuli ka, dumǝna púp ama nǝ̀ dukdo ɗwanyi cau a rǝǔ. Pà nǝ̀ gulǝsǝmuru andǝ kaurǝ pak bumlulla ɗang. Pà nǝ̀ duk mǝ'nu'mba andǝ mǝ'munǝki amunǝo ɗang, sǝ pà nǝ̀ duk mǝ rufi ata kume ɗang.

Titus 2:3

Anggo gbal, kanî amamǝna mǝnana à gulna ka ɓǝa duk nǝ aɓealǝu mǝnana nǝ̀ pè Ɓakuli gulo ama à ndaka male ka. Ɓǝa kǝa duk amǝ naki acau mala kìdìki lullǝ aɓwana ɗang, sǝ ɓǝa kǝa duk aguro mala mba ɗang. Ɓǝa kǝ kani aɓwana gir mǝnana nda pepe ka.

Amǝ Ibǝru 12:16

Wu tsǝkir wun, ce à kum kǝɓwa ata wun nǝ ɓealǝu kiɗìkì mala nonggi nǝ rǝarǝu, ko mǝnana kǝ ɓanggi Ɓakuli raka kǝla Isǝwa, mǝnana mak gulo ɓǝlban male ace kwar girlina ka.

1 Bitǝrus 5:2

Wu yal domwan mala Ɓakuli mǝnana tsǝk wun a yale ka. Wu tsǝk mǝsǝ wun a rǝì nǝ eare ma'wun, kǝla mǝnana Ɓakuli earce ka, pa kǝla à tsǝk wun púp ɗang. Wu pak ture sǝ wu kǝa tsǝk ɓalǝ wun arǝ gir mǝnana wu nǝ̀ kumo a ɓalǝi ka ɗang, wu pe acemǝnana wu ndanǝ rǝɓǝla mala pakki Ɓakuli turo ka.

2 Bitǝrus 2:10

Nggeamurǝmi ka, nǝ̀ ɓashi amǝ gyata kìɗìkì mala anpel mala nggūrǝu, andǝ amǝ burice yalban mala Ɓakuli amuria. Acemǝnana amǝnia yì amǝkanigir mǝ'nyirì ka à ndanǝ gusǝlǝ-ɓamuru, andǝ candǝ-ɓamuru ɗǝm ngga, ko ɓangciu kǝ pakkia wia arǝ na mǝɓane amur amǝturonjar a kuli, mǝnana Ɓakuli pea wia tǎ aɓa ɓoarɓwa ka ɗang.

2 Bitǝrus 2:14

Rǝia kǝ ɓǝla nǝ suno nong nǝ amamǝna ko aburana mǝnana à pà doɓala andǝia raka, sǝ ko à kǝ aulǝ nǝ pak cauɓikea ɗang. À kǝ swár aɓwana mǝnana kusǝia cam raka aban ká pak cauɓikea. Ɓabumia kwár aɓa nzumon. Yia ka aɓwana na aɓata suban mala Ɓakuli.

2 Bitǝrus 2:3

Nzumon malea nǝ̀ cea à nǝ̀ yiu nǝ acau swarkiban aɓa kutan, à nǝ̀ ɓǝmbǝri wun. Ɓakuli angŋǝna dǝmbǝa ɗiɗyal kasǝnia ɓashi, sǝ kiɗikea malea ka, ceì nong ɗang.

Sǝna 2:14

Sǝa ma mǝ ndanǝ agir bǝti mǝnana ǝn ɓinǝmǝsǝia a rǝo ka: A kǝ earnǝ aɓea aɓwana a ɓalǝo mǝnana à bwal kanigir mala Balaam, yì ɓwa mǝnana lǝmndǝì Balak njargula mǝnana nǝ̀ tsǝk amǝ Isǝrayila ɓǝa ɓwarki tanjar ka. Yi kania wia, ɓǝa li girlina mǝnana à ci ata ankúl ka, sǝ ɓǝa pak cauɓikea nongginǝ-rǝarǝu.

Sǝna 2:21

Ən kundǝ a rǝì ɓǝ̀ pwanzali ɓǝ̀ pǝlǝ nzǝmi arǝ acauɓikea male, sǝ eare ama nǝ̀ pǝlǝa nǝ̀ nying kìɗìkì mala nongginǝ rǝarǝu male ɗang.

Sǝna 21:8

Sǝ mǝnia ka nda gir mǝnana nǝ̀ kum aɓwana mǝnana amǝ'ɓangciu na, andǝ amǝ pakki agir monzǝo, andǝ amǝ ɗwanyi earnǝ mim, andǝ amǝ pakki agirɓana, andǝ amǝ walki alú, andǝ amǝ do kiɗikì mala nongginǝ-rǝarǝu na ka. Yia kat andǝ amǝ peri aban ankúl andǝ alú, andǝ aɓwana kat mǝnana amǝ na'nyir na ka, à nǝ̀ ramtea aɓa garang mala bǝsa mǝnana kǝ li nǝ atali ear-bǝsa ka. Mǝnia ka, nda ɓaria lú.

Sǝna 22:15

A nza nǝ nggeala ka à ndaka amǝ do kiɗìkì kǝla anvwa, andǝ amǝ pakkia gir monzǝo, andǝ amǝ pak cauɓikea nonggi nǝ rǝarǝu, andǝ amǝ walki-alú, andǝ amǝ peri aban ankúl andǝ alú, andǝ aɓwana kat mǝnana à kǝ earce pak turo nyir, sǝ amǝ swarkiban na ka.

Sǝna 9:21

Sǝ ɗǝm ngga à ginǝ pwanzali à nǝ̀ pǝlǝ nzǝmia arǝ pakkiagir malea mala walki-alú, andǝ kpata agirmonzǝo, andǝ kìɗìkì mala nongginǝ rǝarǝu, andǝ iki'an'i.