Amǝ Afisu 4:3 - Maləmce Məfele mala Ɓakuli: Kurcau Məbəshe

³ Wu ɓariki, wu dapi mur wun mwashat aɓa Bangŋo mala Ɓakuli, wu kur rǝarǝ wun abanɓwáná nǝ dorǝpwala.

Amǝ Afisu 4:3 ပူးပေါင်းရင်းမြစ်များ

Markus 3:24

Nzali murǝm mǝnana aɓwana male gakia à kǝ munǝo a rǝarǝia ka, pa nǝ̀ cam ɗang.

Yohana 13:34

Sǝ ace mǝno ka mǝ ndarǝ pa wun bǝsa nzongcau: Wu earce rǝarǝ wun. Kǝla mǝnana ǝn earce wun ngga, anggo sǝ wu nǝ̀ dum nǝ earcea rǝ wun.

1 Amǝ Korinti 1:10

Ən nggǝ zǝmbǝa wun, wun amǝ'eambǝam, aɓa lullǝ Mǝtalabangŋo Yesu Kǝrǝsti, wu oaki arǝ wun, sǝ wu kǝa duk do gakitarǝu ɗang; a kun mani ka wu duk mwashat aɓalǝ wun andǝ ɗenyicau ma'wun.

2 Amǝ Korinti 13:11

A masǝlǝate ka, wun amǝ'eamrǝarǝu, ǝn nggǝ tsǝk wun a ndà nǝ amǝnia yì acau ka: Wu dum nǝ bumpwasǝa. Wu gulo wu kya bwal ban mǝnana wu karǝna ɓwa ka. Wu earnǝ rǝarǝ wun. Wu do aɓa rǝpwala. Anggo ka, sǝ Ɓakuli mǝ'earcearǝu nì andǝ mala dorǝpwala ka, nǝ̀ do ata wun.

Amǝ Afisu 4:13

Mǝnia yì turo ka, nǝ̀ lidǝmbǝa, she ɓǝ̀ sǝm kat, sǝm kya bwalǝna ban-do mǝ'mwashati aɓa paɓamuru andǝ surǝ Muna mala Ɓakuli ka; she ɓǝ̀ sǝm gulna, sǝm bwalǝna bancame andǝ lumsǝo mala Kǝrǝsti kǝla mǝnana Ɓakuli earce ka.

Amǝ Afisu 4:4

Sǝm kat ka sǝm nda aɓa nggūrǝu mǝ'mwashati, sǝ Bangŋo mala Ɓakuli ka nda mwashat, kǝla mǝnana à pa wun tsǝkɓalǝu mǝ'mwashati mala tunǝban mana Ɓakuli tunǝ wun ɓǝ̀ wu duk aɓwana male ka.

1 Amǝ Tasalonika 5:13

Wu dǝmbǝri cea kǝrkǝr aɓa earcearǝu ace turo mǝnana à pakkiyi ka. Wu dumnǝ rǝpwala a rǝarǝ wun.

Amǝ Ibǝru 12:14

Wu ɓariki wu dukdo rǝpwala wunǝ aɓwana andǝ do mǝfele; aɓwana mǝnana à kǝ dukdo mǝfele raka, à pà nǝ̀ sǝn Mǝtalabangŋo ɗang.