Amǝ Afisu 4:1 - Maləmce Məfele mala Ɓakuli: Kurcau Məbəshe

¹ Ace mani ka, mim mǝnana mǝ nda a kùrban ace turo mala Mǝtalabangŋo Yesu ka, ǝn nggǝ zǝmbǝa wun ɓǝ̀ ɓeal wun, ɓǝ̀ kārǝa andǝ do mǝnana Ɓakuli earkiyi ce arǝ aɓwana mǝnana tària ɓǝa duk male ka.

Amǝ Afisu 4:1 ပူးပေါင်းရင်းမြစ်များ

Amǝ Mishan 9:31

Anggo sǝ ikǝlisiya aɓa nzali Yahudi kat, andǝ Galili andǝ Samariya ka, dum nǝ rǝpwala. Nǝ́ pa gbasha mala Bangŋo Mǝfele, amǝkwaɗi kum rǝcandǝa, sǝ à kǝ lakki, à do nǝ ɓanggi Mǝtalabangŋo.

Amǝ Roma 11:29

Acemǝnana Ɓakuli ka nggaɗikiyi ma ɗenyicau male arǝ aɓoro male aban aɓwana, mana nǝ̀ ea a rǝia ɗǝm ngga ɗang, sǝ aɓwana mana tunǝia sǝ tària ka, pà nǝ̀ ginǝkia ɗang.

Amǝ Roma 12:1

Ace mani ka, wun amǝ'eambǝam, ǝn nggǝ ɓuakia rǝ wun, nǝ ɓwamuru mala Ɓakuli, wu pa rǝwun aban Ɓakuli, kǝla aɓoro mǝyilǝmui, mǝnana wu nǝ̀ duk amale, sǝ nǝ̀ pwasǝbumi ka. Mǝnia ka nda peri ma'wun mǝɓafoe abani.

1 Amǝ Korinti 4:16

Ace mani ka, ǝn nggǝ zǝmbǝa wun, wu twal kusǝam.

2 Amǝ Korinti 10:1

Mim Bulǝs ǝn nggǝ zǝmbǝa wun ace nongsǝmuru andǝ ɓukɓuka mala Kǝrǝsti, ǝn sǝlǝna wu kǝ twali ama, ɓǝ̀ mǝ nda aban wun ngga, ǝn loasǝki kunam ɗang, sǝ ɓǝ̀ mǝ nda zak ka, ǝn nggǝ na wun cau nǝ rǝcandǝa aɓalǝ acautera.

2 Amǝ Korinti 5:20

Ace mani ka, sǝm nda ka mǝ'pwantu mala Kǝrǝsti; Ɓakuli na rǝ ɓuaki arǝ wun nǝ kun sǝm ama wu kwaki kir wun arǝ cau ma'sǝm. Sǝm nggǝ ɓuaki arǝ wun a kuni Kǝrǝsti ama, wu gilǝki nre wun wunǝa Ɓakuli.

2 Amǝ Korinti 6:1

Acemǝnana sǝm nda ɓituro sǝnǝa Ɓakuli ka, sǝm nggǝ zǝmbǝa wun, wu kǝa ak ɓwamuru mala Ɓakuli mǝnana pa wun ngga ɓa, wu pangŋǝna turo nǝi ɗang.

Amǝ Galati 4:12

Wun amǝ'eamrǝarǝu, ǝn nggǝ zǝmbǝa wun, wu do ulang do mem, do gapitarǝu nǝ amǝnia yì agir ka. Nggearǝ mim ngga, ǝn pǝlǝna kǝla wun, wun aɓwana mǝnana wu nda ka amǝ Isǝrayila raka, mǝnana sǝm pa aɓata anggurcau raka. A dǝmbe mǝnana ǝn hamnǝ Cau Amsǝban aban wun ngga, wu pakkam kǝgir mǝɓane ɗang.

Amǝ Afisu 2:10

Sǝm nda ka aturobu mǝgule mala Ɓakuli. Yì ka, pusǝ sǝm abǝshe aɓa kpapi ma'sǝm sǝnǝa Kǝrǝsti Yesu, ace pakki aturo mǝɓoarne mǝnana ak dǝmbǝa cia ace sǝm ngga.

Amǝ Afisu 3:1

Ace mǝnia, sǝ mim Bulǝs ka mǝ nda a kùrban ace Kǝrǝsti Yesu, ace wun, wun aɓwana mana wu ndaka amǝ Yahudi raka.

Amǝ Afisu 4:17

Aɓa rǝcandǝa mala Mǝtalabangŋo sǝ ǝn nggǝ na mǝnia yì cau ka: Wu kǝa nyare wu duk ulang do mala amǝ ɗwanyi surǝ Ɓakuli, mǝnana aɗenyicau malea ka, kǝgir mǝɓoarne pa a ɓalǝi raka ɗang.

Amǝ Afisu 4:4

Sǝm kat ka sǝm nda aɓa nggūrǝu mǝ'mwashati, sǝ Bangŋo mala Ɓakuli ka nda mwashat, kǝla mǝnana à pa wun tsǝkɓalǝu mǝ'mwashati mala tunǝban mana Ɓakuli tunǝ wun ɓǝ̀ wu duk aɓwana male ka.

Amǝ Afisu 5:2

Do ma'wun ngga, ɓǝ̀ lumsǝ nǝ earcearǝu, kǝla mana Kǝrǝsti earce sǝm, sǝ pa yilǝmi duk gir'nkila ace sǝm, mǝnana duk ɓoro mǝɓoarne mana pwasǝbum Ɓakuli ka.

Amǝ Filipi 1:27

Ado ka, gir mǝnana ɓoaribanì ka, nda mǝnana ama wu do kǝla aɓwana mala Kǝrǝsti, nǝ bwal ɓamur rǝ wun aɓa njar mala Cau Amsǝban. Sǝ ko ɓǝ̀ ǝn yiu ɗǝm a sǝn wun, ko ǝn yiu raka, mǝ nǝ ok ce came ma'wun kàngkàng aɓa Bangŋo andǝ ɓabum mǝ'mwashati andǝ ɓariki a tarǝ wun ace paɓamuru ma'wun arǝ Cau Amsǝban.

Amǝ Filipi 3:14

Ən pa rǝcandǝa arǝ ɓangmire aban ká masǝlǝate, ace mǝnana mǝ kum tangnakusǝu a kuli, mǝnana Ɓakuli tunǝam ace nǝ̀ pam aɓa Kǝrǝsti Yesu ka.

Amǝ Kolosi 1:10

Sǝm nggǝ pak hiwi mǝnia ka acemǝnana ɓǝ̀ do ma'wun, ɓǝ̀ gusǝlǝ Mǝtalabangŋo, ɓǝ̀ pwasǝ bumi a koya njar, nǝ pak koya turo mǝɓoarne. Anggo sǝ wu nǝ̀ nggǝ gulo aɓa surǝ Ɓakuli pepe.

Amǝ Kolosi 2:6

Sǝ adyan ngga, kǝla mǝnana wu angŋǝna Kǝrǝsti Yesu, dumǝna mǝtala wun ngga, wu lidǝmbǝa nǝ kpate.

Amǝ Kolosi 4:12

Abafǝras, mǝnana ɓi'wun na aɓa dotarǝu mala amǝ'eamrǝarǝu akana aban wun, sǝ ɗǝm ngga guro mala Kǝrǝsti Yesu na ka, kǝ makka wun kun. Ko aya pwari ka kǝ pak hiwi ace wun nǝ mǝsǝcau, kǝ zǝmbǝi Ɓakuli ɓǝ̀ pa wun rǝcandǝa, sǝ ɓǝ̀ wu lumsǝ nǝ mǝsǝ'kang'kangŋa, mǝnana wu nǝ̀ nggǝ kpata kani mala Ɓakuli kat ka.

1 Amǝ Tasalonika 2:12

Sǝm ɓuakia arǝ wun, sǝm ɓakɓabum wun, sǝ sǝm kwarkir wun ama, wu duk ulang do mǝnana ban nǝ̀ ɓoari Ɓakuli a rǝì, yi mana nda ɓwa mǝnana tunǝ wun ɓǝ̀ wu yi do aɓata domurǝm andǝ gulo male ka.

2 Amǝ Tasalonika 1:11

Nda gir mǝnana tsǝa koya pwari ka, sǝm nggǝ pakka wun hiwi. Sǝm nggǝ zǝmbǝi Ɓakuli ɓǝ̀ tsǝk wun, ɓǝ̀ wu dukdo mǝnana karǝ arǝ ulang do mǝnana tunǝ wun ace ka, sǝ ɓǝ̀ pa wun rǝcandǝa mala lumsǝ pakki agir mǝɓoarne kat mǝnana paɓamuru ma'wun tsǝk wun a pě ka.

2 Timoti 1:9

Ɓakuli amsǝ sǝm, sǝ tunǝ sǝm ɓǝ̀ sǝm duk aɓwana male amǝ fele. Pa ace aturo mǝnana sǝm pak ka ɗang, nda àkǝ̀ ce male yì kani mana pusǝ sǝm ace ka, andǝ ɓwamuru male. Pa sǝm mǝnia yì ɓwamuru ka nǝ bu Kǝrǝsti Yesu sǝ yi kwakita ɓanza.

Titus 2:10

ko à nǝ̀ nggǝ iki agir a rǝia ɗang. Yia ka dumǝna púp à nǝ̀ dum nǝ ɓealɓoarna, mǝnana nǝ̀ tsǝa à nǝ̀ earnǝia ka. Anggo sǝ aɓwana kat nǝ̀ lǝmndǝ pagulo arǝ kanigir amur Ɓakuli Mǝ'amsǝ sǝm.

Amǝ Ibǝru 3:1

Ace mani ka, wun amǝ'eamrǝarǝu mǝnana Ɓakuli tária ɓǝa duk amale, sǝ à kum tunǝban mǝ'mwashati ata aɓwana male ace ká kuli ka, ɓǝ̀ sǝm nyesǝ ɗenyicau ma'sǝm aban Yesu. Yì nda ɓwa mǝnana Ɓakuli tasǝi ɓǝ̀ yì duk Pǝris Mǝgule mala paɓamuru mǝnana sǝm bangŋǝna ama nda sǝm kpakiyi ate ka.

1 Bitǝrus 2:11

Wun amǝ'eamrǝarǝu mǝnana ǝn earkiyi acea raka, wun mǝnana wu nda ka amǝgya-kutio andǝ abǝri a ɓanza ka, ǝn nggǝ kwarkir wun, wu gapita re wun nǝ anpel mala nggūrǝu, mǝnana à kǝ munǝo arǝ yilǝmi wun ngga.

1 Bitǝrus 3:9

Wu kǝa wu mbweban nǝ ɓealɓikea a kun ɓealɓikea ɗang. Ɓǝ̀ aɓwana sanggi wun ngga, ce wu nyesǝia wia nǝ sanggiban ɗang; a kun mani ka wu tsǝkia wia bu, acemǝnana nda àkǝ̀ ce mani sǝ Ɓakuli tunǝ wun, ama ɓǝ̀ wu kum tsǝkbu.

1 Bitǝrus 5:10

Ɓakuli ka nda mǝtala ɓwamuru kat. Yì nda mana tunǝ wun aɓa gulo male mǝnana málá male pà kàm raka, aɓa Kǝrǝsti Yesu. Anzǝm mǝnana wu nuna tanni aɓalǝ apwari bǝti ka, nǝ̀ nyesǝ wun aban came mǝɓoarne, nǝ̀ pa'wun gbasha, andǝ rǝcandǝa. Ɗǝm ngga nǝ̀ dumsǝ wun aɓa lidǝmbǝa mana pà wu nǝ̀ dǝurǝ raka.

2 Bitǝrus 1:3

Ɓakuli aɓa rǝcandǝa male ka pana sǝm koyagir mǝnana ɓoaro ɓǝ̀ sǝm pang nǝi ace do yilǝmu andǝ do ɓanggi Ɓakuli ka. Amǝnia yia agir ka Ɓakuli pà sǝmia kat lang sǝm yì surǝ Yesu mǝnana tunǝ sǝm ɓǝ̀ sǝm kum kāmbe aɓa gulo andǝ ɓoaro male ka.

2 Yohana 1:5

Adyan ngga, we Nggeaka amuna, ǝn nggǝ zǝmbǝo, ɓǝ̀ sǝm earce rǝarǝ sǝm. Mǝnia ka bǝsa nzongcau na ǝn nggǝ gilǝa wun ngga ɗang; nda kǝ nzongcau mǝnana sǝm ndanǝi a tite ka.