Amǝ Afisu 3:9 - Maləmce Məfele mala Ɓakuli: Kurcau Məbəshe

⁹ Ɓakuli mǝnana pusǝ agir kat sǝ cia aɓa sǝmbǝrǝa a tite ka, taram ɓǝn bǝlkì koya ɓwa, mǝnia yì gir sǝmbǝrǝa aɓa kane male ka.

Amǝ Afisu 3:9 ပူးပေါင်းရင်းမြစ်များ

Matiu 10:27

Acau mǝnia ǝn nggǝ na wun a pǝndǝa ka wu kya nea a banfana. Cau mǝnana ǝn sherǝa wun a kir wun ngga, wu hamnǝ ce amur akurǝm.

Matiu 13:35

Pak mǝnia ka ace mǝnana ɓǝa lumsǝ cau mana mǝɓangna mala Ɓakuli bangŋa ama, “Mǝ nǝ mǝn kunam nǝ kanicau, Mǝ nǝ arkia wia ɓalǝ agir mana à nda aɓa sǝmbǝrǝa pur a tita ɓanza ka.”

Matiu 25:34

Sǝ Murǝm nǝ̀ ne aman a bui mǝli ka ama, “Wu yiu, wun aɓwana mana tsǝkbu mala Tárram na mur wun ngga. Wu yi ak Domurǝm mana à gilǝki ace wun pur a tita ɓanza ka.

Matiu 28:19

Ace mǝno ka, wu kyane aban ɓwapǝndǝa arǝ anzali kat, wu yinǝia ɓǝa pǝlǝ amǝkpatam. Wu pakkia wia batisǝma aɓa lullǝ Ɓakuli Tarrû, andǝ mala Muni, andǝ mala Bangŋo Mǝfele.

Luka 24:47

Sǝ cau mala pwanzali a mala vwaki bu arǝ cauɓikea, andǝ twalban cauɓikea ka, à nǝ̀ hamnǝi aɓa lullǝi, arǝ anzali kat, à nǝ̀ tite a Urǝshalima.

Yohana 10:30

Mim sǝnǝ Tárram ka sǝm nda mwashat.

Yohana 5:17

Yesu banggia wia ama, “Ko aya pwari ka Tárram na mur turo, ace mani ka dumǝna púp ama, mim gbal ka mǝ nǝ pak turo.”

Yohana 5:19

Yesu earia wia ama: Ən nggǝ na wun mǝsǝcau, pà mǝ nǝ pak kǝgir aɓa ɓamuram ɗang. Kǝ gir mǝnana ǝn sǝn Tárram Ɓakuli pak ka, nda ǝn pakkiyi ka. Gir mǝnana kat Tárram pak ka, nda mana ǝn pakkiyi ka.

Amǝ Mishan 15:18

Mǝnia ka Mǝtalabangŋo nǝ̀ bangŋa, yì ɓwa mana pusǝ amǝnia yì agir a banfana ɗiɗyal ka.”

Amǝ Roma 11:25

Wun amǝ'eamrǝarǝu, Ən nggǝ earce ɓǝ̀ wu surǝ mǝnia yì cau mana nda ɓa sǝmbǝrǝa ɗiɗyal sǝ adyan ngga, Ɓakuli pusǝni a banfana ka, ace mǝnana wu kǝa dum nǝ twalɓamuru raka. Murcanda mǝnia yipi amǝ Isǝrayila ka, nǝ̀ ngga malâ, ɓǝ̀ lakki mala aɓwana mǝnana amǝ Isǝrayila na raka, mǝnana à nǝ̀ kum amsǝban mala Ɓakuli, yi lumsǝna ka.

1 Amǝ Korinti 2:7

Sǝlǝe mǝnana sǝm nggǝ hamnǝi ka, sǝlǝe mala Ɓakuli na, mǝnana sǝmbǝrǝi ɗiɗyal ka. Sǝ mǝnia yì sǝlǝe ka, Ɓakuli pe ace ɓoaro ma'sǝm, twal a share ta ɓanza.

Amǝ Afisu 1:4

Kaniama nǝ̀ pak ɓanza ka, Ɓakuli ak tadǝmbǝa tàr sǝm, ɓǝ̀ sǝm duk amale, aɓa kpapi ma'sǝm sǝnǝa Kǝrǝsti, ace mǝnana ɓǝ̀ sǝm tar ɓamur sǝm aceì, ɓe sǝm duk aɓwana amǝ ɗwanyi cau a rǝǔ abani, sǝ ɓǝ̀ sǝm dukdo earcearǝu.

Amǝ Afisu 3:2

Ɓafo, wu ongŋǝna ama Ɓakuli, aɓa ɓwamuru male ka, panam mǝnia yì turo, mǝ̀ pe ace wun.

Amǝ Afisu 6:19

Wu pak hiwi acem gbal. Wu zǝmbǝi Ɓakuli, ɓǝ̀ pam cau mǝnana mǝ nǝ na ka, ɓǝ̀ ǝn mǝn kunam mǝ nǝ bǝlki ɓa mǝsǝcau mǝnana Ɓakuli lǝmndǝa sǝmi aɓa Cau Amsǝban ngga.

Amǝ Kolosi 1:23

Sǝa ma dumǝna púp wu nǝ̀ lidǝmbǝa nǝ earnǝ mǝno yì mǝsǝcau ka, andǝ tamsǝ kusǝ wun kàngkàng amuri. Wu kǝa tusǝ kusǝ wun arǝ tsǝkɓalǝu mǝnana wu oe aɓa Cau Amsǝban ngga ɗang. Mǝnia yì Cau Amsǝban ngga à hamǝna nǝi a koya bum-ban a ɓanza, sǝ àkǝ̀ ce sǝ mim Bulǝs ka, ǝn duk guro mala Ɓakuli, ace hamnǝi.

Amǝ Kolosi 1:26

Mǝnia yì cau ka à sǝmbǝrǝ ce arǝ apǝlǝa ɓara-ɓara andǝ anza mǝno à kutikina ka, sǝ adyan ngga à pusǝni aban aɓwana mala Ɓakuli, ɓǝa sǝlǝ ce.

Amǝ Kolosi 3:3

Acemǝnana wun ngga, wu wunî doɓanza man, sǝ mǝsǝrǝ yilǝmi wun ngga à sǝmbǝrǝni ata Kǝrǝsti aban Ɓakuli.

Amǝ Kolosi 4:3

Wu pakka sǝm hiwi gbal ama ɓǝ̀ Ɓakuli pa sǝm dǝmbǝu mala bang cau male, ɓǝ̀ sǝm hamnǝ cau-ɓa-sǝmbǝrǝa male mǝnana amur Kǝrǝsti ka. Àkǝ̀ ce mǝnia yì cau ka, sǝ mǝ nda a ndàkurban ado.

2 Amǝ Tasalonika 2:13

Sǝ sǝm ngga, ndanǝ ɓoaro ɓǝ̀ sǝm nggǝ pakki Ɓakuli yàwá ace wun, wun amǝ'eamrǝarǝu mǝnana Mǝtalabangŋo earkiyi acea raka. Ɓakuli ka tarki wun kǝla aɓǝla agir mǝdǝmbe ace amsǝ wun, ɓǝ̀ wu duk aɓwana male, nǝ rǝcandǝa mala Bangŋo male, sǝ nǝ paɓamuru ma'wun arǝ mǝsǝcau ka.

1 Timoti 3:16

Kǝ̀ makgir pà kàm ɗang, gir ɓa-sǝmbǝrǝa mala cau paɓamuru ma'sǝm ngga lim kǝkǝr: Kǝrǝsti ka, yi pur aɓa nggūrǝ ɓwapǝndǝa, sǝ à lǝmndǝi mǝ'cauɓoarna na nǝ bu Bangŋo mala Ɓakuli. Amǝturonjar sǝni, sǝ à hamnǝ cê aban aɓwana mala aɓea anzali. Aɓwana a ɓanza paɓamuria abani, sǝ à twali à um nǝi a kuli aɓa ɓoarɓwa.

2 Timoti 1:9

Ɓakuli amsǝ sǝm, sǝ tunǝ sǝm ɓǝ̀ sǝm duk aɓwana male amǝ fele. Pa ace aturo mǝnana sǝm pak ka ɗang, nda àkǝ̀ ce male yì kani mana pusǝ sǝm ace ka, andǝ ɓwamuru male. Pa sǝm mǝnia yì ɓwamuru ka nǝ bu Kǝrǝsti Yesu sǝ yi kwakita ɓanza.

2 Timoti 4:17

Sǝa ma Mǝtalabangŋo na atam sǝ pam rǝcandǝa ace mǝnana ɓǝ̀ ǝn hamnǝ Cau Amsǝban kat ace aɓwana mana amǝ Yahudi na raka ɓǝa oe. Nyar ɗǝm ngga, amsǝam a bu lú, a kuna im mǝnana ɓǝ́ à nǝ̀ turam aɓalǝia ka.

Titus 1:2

Mǝno yì paɓamuru andǝ sǝlǝe ka, nda mǝnana kǝ pea wia tsǝkɓalǝu ama à nǝ̀ kum yilǝmu mǝnana málá male pà kàm raka, yì yilǝmu mǝnana Ɓakuli mana kǝ na nyir raka, bangŋa a shareta ɓanza ama nǝ̀ pea wia ka.

1 Bitǝrus 1:20

Kaniama à nǝ̀ kwakita ɓanza ka, Ɓakuli tarrì, ci male ɗang. Sǝ aɓa mǝnia yì masǝlǝata apwari ka, à yì lǝmndǝni a banfana àkǝ̀ ace wun.

Sǝna 13:8

Aɓwana kat mǝnana à ndanǝ do a ɓanza ka, à nǝ̀ peri aban nyamɓikea, yì aɓwana mǝnana tite a share ɓanza ka, lullǝia pà kàm a gilǝe aɓa Malǝmce raka, yì Malǝmce Yilǝmu mala Mǝgam mǝnana à pwan meali ka.

Sǝna 14:6

Pǝlǝa ǝn sǝn ɓe mǝturonjar mala Ɓakuli aban yale ɓong-ɓong a bumkuli. Ndarǝ yiu nǝ Cau Amsǝban mǝnana masǝlǝate pà kàm raka, ace mǝnana nǝ̀ yia hamnǝi aban aɓwana a ɓanza, aban koya nzali, andǝ tau, andǝ kun, andǝ ɓwapǝndǝa ka.

Sǝna 17:8

Mǝno yì nyamɓikea a sǝni ka, ndakam ɗiɗyal nǝ yilǝmu, ado ka pà kàm ɗang, sǝ banì pà nǝ̀ sau ɗang ndo nǝ ngga puro aɓa tuli-tàtǝkǝtè, sǝ nǝ̀ kutio nǝ̀ ká lú mǝnana málá male pà kàm raka. Aɓwana mǝnana à ndanǝ do a ɓanza, amǝnana pur a share ɓanza ka, à gilǝ lullǝia aɓa Malǝmce Yilǝmu raka, à nǝ̀ ndali nǝ nyare-yiu mala man yì nyamɓikea mǝnana wú ɗiɗyal ka.

Sǝna 4:11

“A karǝna, We Mǝtalabangŋo Ɓakuli ma'sǝm. A karǝna ɓǝa ɓwangsǝo, ɓǝa po gulo, sǝ wu ak rǝcandǝa. Acemǝnana a nda mana a pusǝ agir kat ka. Kani mala ɓabumo na sǝ a pusǝia, sǝ do malea gbal ka, kani mala ɓabumo na.”