Amǝ Afisu 3:5 - Maləmce Məfele mala Ɓakuli: Kurcau Məbəshe

⁵ sǝ à pusǝì a banfana aban aɓwana arǝ anza mǝno à kutikina raka. Sǝa ma adyan a nza man ngga, yi pusǝni a banfana aban amǝ'mishan andǝ amǝ'ɓangna mala Ɓakuli, nǝ bu Bangŋo male.

Amǝ Afisu 3:5 ပူးပေါင်းရင်းမြစ်များ

Matiu 13:17

Ən nggǝ bangga wun mǝsǝcau, amǝ'ɓangna mala Ɓakuli andǝ aɓwana mala Ɓakuli pas pak nzal sǝn gir mana wu kǝ sǝn ngga, sǝ à kumo à sǝn ɗang. À earǝna ce oe, sǝ à kumo à ok ɗang.

Matiu 20:7

À eari wi ama, “Kǝ ɓwa pa sǝm turo mǝnana sǝm nǝ̀ pak ka ɗang.” Pǝlǝa nea wia ama, “Wu kyan gbal a turo a ɓaban mem.”

Matiu 23:34

Ace mani ka mǝ ndo mǝ nǝ tura wun ban nǝ amǝ'ɓangna, andǝ amǝ'sǝle, andǝ amǝkanigir. Aɓea atea ka wu nǝ̀ walia, wu nǝ̀ gballia a nggun; sǝ acilia ka wu nǝ̀ kwea aɓalǝ andakpapi sǝ wu nǝ̀ pǝrtea arǝ ala, wu nǝ̀ pea wia tanni.

Luka 10:24

Ən nggǝ na wun ama, amǝ'ɓangna mala Ɓakuli andǝ amurǝma ka, à kǝ earce ama à nǝ̀ sǝn gir mǝnana wu kǝ sǝni ka, sǝ à kumo à sǝni ɗang. À kǝ̀ earce ok cau mǝnana wu kǝ oe ka, sǝ à kumo à oe ɗang!”

Luka 11:49

Mǝnia ka nda cau mǝnana Ɓakuli bangŋa amur wun ngga, “Mǝ nǝ tura wun ban nǝ amǝ'ɓangna andǝ amǝ'mishan, aɓea ka wu nǝ̀ wal-luia sǝ acilia ka wu nǝ̀ pea wia tanni.”

Yohana 14:26

Sǝ Mǝ pa wun gbasha, yì Bangŋo Mǝfele, mǝnana Tárram nǝ̀ tasǝi aɓa lullǝam ngga, nǝ̀ yia kania wun agirbunda kat, sǝ nǝ̀ kasǝ ɓalǝ wun arǝ agir mǝnana kat, ǝn bangga wun ngga.

Yohana 16:13

Sǝ ɓǝ̀ Bangŋo, mǝnana kǝ lǝmndǝ mǝsǝcau amur Ɓakuli, yina ka, nǝ̀ yia kania wun ɓǝ̀ wu surǝ mǝsǝcau kat mǝnana kǝ pur aban Ɓakuli ka. Pà nǝ̀ ɓun cau a ɓamuri ɗang, kǝgir mǝnana o a kun Ɓakuli ka, kǝ nda nǝ̀ bang ngga. Sǝ nǝ̀ bangga wun ce agir mǝnana à malaká yiu peatu raka.

Amǝ Mishan 10:28

Pǝlǝa nea wia ama, “Wun ngga wu sǝlǝna ama, nggurcau ma'sǝm eare ama ɓwa Yahudi ɓǝ̀ kutio a ɓala mala aɓwana mana amǝ Yahudi na raka, ko ɓǝ̀ kǝgir dapia ɗang. Sǝ Ɓakuli lǝmndǝam ama, mǝ ngga tunǝ kǝɓwa ama ɓwa mǝɓane ko mǝɓeami ka ɗang.

Amǝ Roma 16:25

Ɓǝ̀ sǝm pe Ɓakuli gulo! Acemǝnana nǝ̀ gandǝ tsǝk wun, wu nǝ̀ cam nǝ rǝcandǝa aɓa paɓamuru ma'wun, kǝla mǝnana ǝn nggǝ hamnǝi aɓa Cau Amsǝban ngga. Mǝnia yì cau amur Yesu Kǝrǝsti ka, yi lǝmndǝ kane male Ɓakuli, yì kane male mǝnana à sǝmbǝrǝ ce ɓara-ɓara.

1 Amǝ Korinti 2:10

Sǝ Ɓakuli ka, lǝmndǝna sǝm mǝnia nǝ Bangŋo male. Sǝ Bangŋo mala Ɓakuli ka, nda sǝnggiyi ɓalǝ agir kat ka, ko nggearǝ acau mǝlime mala Ɓakuli.

Amǝ Afisu 2:20

Sǝm dapi kat ka, sǝm dumǝna ɓala male, mǝnana à ɓè amur kusǝɓa mala amǝ'mishan andǝ amǝ'ɓangna mala Ɓakuli ka. Sǝ nggea tali mǝnana kùr kusǝɓǎ ka, nda Kǝrǝsti Yesu nǝ nggearǝì.

Amǝ Afisu 3:9

Ɓakuli mǝnana pusǝ agir kat sǝ cia aɓa sǝmbǝrǝa a tite ka, taram ɓǝn bǝlkì koya ɓwa, mǝnia yì gir sǝmbǝrǝa aɓa kane male ka.

2 Bitǝrus 3:2

Ən nggǝ earce nǝma ɓǝ̀ wu ɗenyi nǝ acau mǝnana amǝ'ɓangna mǝfele mala Ɓakuli bangŋi a pwaryan, sǝ ɓalǝ wun ɓǝ̀ kǝa lorǝ nzongcau mǝnana Mǝtalabangŋo, Mǝ'amsǝban pá nǝ bu amǝ'mishan ma'wun ngga ɗang.

Yahuda 1:17

Sǝ wun, agyajam mem ngga, wu ɗenyi nǝ agir mǝnana amǝ'mishan mala Mǝtala sǝm Yesu Kǝrǝsti bang ɗiɗyal ama à nǝ̀ yia kumban ngga.