Amǝ Afisu 3:3 - Maləmce Məfele mala Ɓakuli: Kurcau Məbəshe

³ Kǝla mǝnana ǝn ak dǝmbǝa ǝn gilǝa wun cau amuri mgbeatuk ka, Ɓakuli nǝ nggearǝì, nǝ̀ mǝnggiam ɓa kane male mǝnana nda aɓa sǝmbǝrǝa ka.

Amǝ Afisu 3:3 ပူးပေါင်းရင်းမြစ်များ

Amǝ Mishan 22:17

Anzǝm man ngga ǝn nyare a Urǝshalima, sǝ mǝ nda ban pak hiwi aɓa Ndàmǝgule mala Ɓakuli ka, kara ǝn sǝn sǝna aɓa bangŋo.

Amǝ Mishan 22:21

Pǝlǝa Mǝtalabangŋo nam ama, “Kyane, acemǝnana mǝ nǝ turo kuko aban aɓwana mǝnana amǝ Yahudi na raka.”

Amǝ Mishan 23:9

Loasǝban lo kǝrkǝr a rǝarǝia, sǝ aɓea amalǝm nggurcau mǝnana à nda ata amǝ Farisi ka, à lo, à kutia makgir mǝcande. À bangŋa ama: “Sǝm sǝn kǝgir mǝɓane mǝnana ɓwa man pe ka ɗang! Ear ka bangŋo, ko mǝturonjar na ne wi cau ka!”

Amǝ Roma 11:25

Wun amǝ'eamrǝarǝu, Ən nggǝ earce ɓǝ̀ wu surǝ mǝnia yì cau mana nda ɓa sǝmbǝrǝa ɗiɗyal sǝ adyan ngga, Ɓakuli pusǝni a banfana ka, ace mǝnana wu kǝa dum nǝ twalɓamuru raka. Murcanda mǝnia yipi amǝ Isǝrayila ka, nǝ̀ ngga malâ, ɓǝ̀ lakki mala aɓwana mǝnana amǝ Isǝrayila na raka, mǝnana à nǝ̀ kum amsǝban mala Ɓakuli, yi lumsǝna ka.

Amǝ Roma 16:25

Ɓǝ̀ sǝm pe Ɓakuli gulo! Acemǝnana nǝ̀ gandǝ tsǝk wun, wu nǝ̀ cam nǝ rǝcandǝa aɓa paɓamuru ma'wun, kǝla mǝnana ǝn nggǝ hamnǝi aɓa Cau Amsǝban ngga. Mǝnia yì cau amur Yesu Kǝrǝsti ka, yi lǝmndǝ kane male Ɓakuli, yì kane male mǝnana à sǝmbǝrǝ ce ɓara-ɓara.

2 Amǝ Korinti 12:1

Dumǝnam ama mǝ nggori, ko kat andǝ amani ama pà nǝ̀ pur kǝgir raka. Sǝ ado ka, mǝ nǝ na cau amur asǝnsǝna andǝ acausǝna mǝnana Mǝtalabangŋo lǝmndǝamia ka.

Amǝ Galati 1:12

Ən ak cau mem a bu ɓwapǝndǝa ɗang, sǝ kǝɓwa nǝ̀ kaniam gbal ɗang. Mǝnia yì cau ka, Yesu Kǝrǝsti nǝ̀ mǝnmbam ɓālǝi nǝ ɓamuri.

Amǝ Afisu 1:17

Ən nggǝ zǝmbǝi Ɓakuli mǝgulo, yì Tár Mǝtala sǝm Yesu Kǝrǝsti, ɓǝ̀ pa wun sǝlǝe mala Bangŋo mala Ɓakuli andǝ sǝngir, ace mǝnana ɓǝ̀ wu surǝ Ɓakuli kam kpǝm.

Amǝ Afisu 3:4

Ɓǝ̀ wu ɓal gir mǝnana ǝn gilǝ ka, wu nǝ̀ gandǝ bwalta sǝlǝe mǝnana mǝ ndanǝi aɓa mǝnia yì kane amur Kǝrǝsti ka. Yì kane mǝnana Ɓakuli sǝmbǝrǝ ce ɗiɗyal,

Amǝ Afisu 3:6

Sǝ mǝnia ka, nda kànì mala Ɓakuli, mana sǝmbǝrǝ ce ɗiɗyal ka. Aɓwana mala acilia anzali andǝ amǝ Yahudi, mǝnana à ak Cau Amsǝban nǝ ɓabumia kat ka, à ndanǝ kāmbe mǝ'mwashati aɓa kum liɓala nǝ atsǝkbu mǝnana Ɓakuli pàcau ace aban amuna male kat ka. Yia kǝm ngga, abare nggūrǝu mǝ'mwashati na, sǝ yia kǝm, aɓa kpapi malea andǝa Kǝrǝsti Yesu ka, Ɓakuli nǝ̀ pea wia agir mǝnana bangŋa ama nǝ̀ pa ka.

Amǝ Afisu 3:9

Ɓakuli mǝnana pusǝ agir kat sǝ cia aɓa sǝmbǝrǝa a tite ka, taram ɓǝn bǝlkì koya ɓwa, mǝnia yì gir sǝmbǝrǝa aɓa kane male ka.

Amǝ Afisu 6:19

Wu pak hiwi acem gbal. Wu zǝmbǝi Ɓakuli, ɓǝ̀ pam cau mǝnana mǝ nǝ na ka, ɓǝ̀ ǝn mǝn kunam mǝ nǝ bǝlki ɓa mǝsǝcau mǝnana Ɓakuli lǝmndǝa sǝmi aɓa Cau Amsǝban ngga.

Amǝ Kolosi 2:2

Ən nggǝ pak mǝnia ace mǝnana ɓǝa kum ɓak ɓabum, sǝ ɓǝa duk mwashat aɓa earcearǝu. Ən nggǝ earce nǝma ɓǝa kum lumsǝo mala ɓabumcandǝa ama à bwalǝna ta kane mala Ɓakuli mana sǝmbǝrǝ ce ɗiɗyal ka, yì Kǝrǝsti nǝ ɓamuri.

Amǝ Kolosi 4:3

Wu pakka sǝm hiwi gbal ama ɓǝ̀ Ɓakuli pa sǝm dǝmbǝu mala bang cau male, ɓǝ̀ sǝm hamnǝ cau-ɓa-sǝmbǝrǝa male mǝnana amur Kǝrǝsti ka. Àkǝ̀ ce mǝnia yì cau ka, sǝ mǝ nda a ndàkurban ado.

Amǝ Ibǝru 13:22

Ən nggǝ zǝmbǝa wun, wun amǝ'eamrǝarǝu, wu tsǝk ɓalǝ wun arǝ mǝnia yì gbǝlǝm cau ɓakɓabum ǝn gilǝa wun ngga.

1 Bitǝrus 5:12

Nǝ́ bu Silas mǝnana ǝn earnǝi kǝla mǝ'eamrǝarǝu mǝ'mǝsǝcau nì ka, sǝ ǝn nggǝ gilǝa wun mǝnia yì cau gbǝlǝm ngga. Ən nggǝ earce mǝ ɓak ɓabum wun, sǝ mǝ na wun ama, mǝnia yì gir wu nda ɓālǝi ado ka, ɓwamuru mala Ɓakuli na kat ace wun. Wu cam kàngkàng a ɓalǝi.

2 Bitǝrus 3:15

Wu ɗenyi ama, munyi mala Mǝtalabangŋo ka, nda rǝ pe ɓwapǝndǝa dǝmbǝu ɓǝ̀ kum amsǝban. Mǝnia ka, nda gir mǝnana mǝ'eamrǝarǝu Bulǝs gbal ka gilǝa wun nǝ sǝlǝe mǝnana Ɓakuli pe wi ka.