Amǝ Afisu 3:1 - Maləmce Məfele mala Ɓakuli: Kurcau Məbəshe

¹ Ace mǝnia, sǝ mim Bulǝs ka mǝ nda a kùrban ace Kǝrǝsti Yesu, ace wun, wun aɓwana mana wu ndaka amǝ Yahudi raka.

Amǝ Afisu 3:1 ပူးပေါင်းရင်းမြစ်များ

Luka 21:12

Sǝ kaniama amǝnia yì agir nǝ̀ kumban ngga, à nǝ̀ bwalki wun, à nǝ̀ pa wun tanni. À nǝ̀ ká nǝ wun a ɓashi arǝ andakpapi, à nǝ̀ kur wun arǝ andakurban, à nǝ̀ ká nǝ wun aban amurǝma andǝ anggwamna, acemǝnana wu nda ka amǝ kpatam ngga.

Amǝ Mishan 21:33

Mǝsarǝban mala asoje yi bwal Bulǝs, bangŋa ama ɓǝa ta abui nǝ ansolo ɓari. Pǝlǝa ɗiban ama, “Yana nda man, sǝ mana ɗe pa?”

Amǝ Mishan 23:18

Pǝlǝa soje mǝgulo man twali, sǝ wari nǝi aban mǝsarǝban malea kat, kya ne wi ama, “Bulǝs mǝnana à kùrrì ka, nǝ̀ nam ama ɓǝn yiu nǝ lagga man a bano, acemǝnana ndanǝ ɓe cau mǝnana ɓoaro ɓǝ̀ banggo ka.”

Amǝ Mishan 26:29

Bulǝs ne wi ama, “Ko aɓa do mgbeatuk ko mǝsauwe, hiwi mem aban Ɓakuli ka, nda mǝnana ama, we andǝ acili aɓwana mǝnana ado à kǝ oem yalung ngga, wu nǝ̀ do kǝla mim, sǝa ma, ɓǝ̀ kǝa pa andǝ ansolo man ɗang!”

Amǝ Mishan 9:15

Mǝtalabangŋo ne Hananiya ama, “Kyane, mǝnia yì ɓwa ka, ǝn tarì girturo mem na, ɓǝ̀ kyan nǝ lullǝam aban aɓwana arǝ anzali, andǝ amurǝma, andǝ ban amǝ Isǝrayila.

2 Amǝ Korinti 1:6

Ko ɓǝ̀ sǝm kutio aɓalǝ atanni mala do mǝkwane ka, nda àkǝ̀ ce girikiban andǝ amsǝban ma'wun. Sǝ ɓǝ̀ sǝm kum girikiban ngga, nda ace mǝnana ɓe wu kum girikiban andǝ rǝcandǝa mala do nǝ munyi aɓa gandǝrǝu aɓalǝ atanni mǝ'mwashati mǝnana sǝm nggǝ nu ka.

2 Amǝ Korinti 10:1

Mim Bulǝs ǝn nggǝ zǝmbǝa wun ace nongsǝmuru andǝ ɓukɓuka mala Kǝrǝsti, ǝn sǝlǝna wu kǝ twali ama, ɓǝ̀ mǝ nda aban wun ngga, ǝn loasǝki kunam ɗang, sǝ ɓǝ̀ mǝ nda zak ka, ǝn nggǝ na wun cau nǝ rǝcandǝa aɓalǝ acautera.

2 Amǝ Korinti 11:23

Mǝ nǝ na cau kǝla dǝmbam kwar ɗang: Ɓǝ̀ yia ka, à nda ka aguro mala Kǝrǝsti, ǝn ɓoaria wia aɓa pakki Kǝrǝsti turo mǝcande! Ən kum kùrban kusǝ pas ǝn kutia. Ən kum kwakban mǝnana à pà nǝ̀ gandǝ ɓallè raka. Ən api lú kusǝ pas.

Amǝ Galati 5:11

Wun amǝ'eamrǝarǝu, ɓǝa bangŋa ama ado mǝno ka, cau mala kasǝ-ɓatau na ǝn nggǝ hamnǝi piu ka, palang sǝ mǝ nda aɓa nutanni a bu amǝ Yahudi? Sǝ ɓǝ̀ nda anggo ka, hamnǝ Cau Amsǝban mala Kǝrǝsti Yesu mǝnana ǝn nggǝ hamnǝi amur lú male a nggun-gangndi ka, ɓǝ́ pà nǝ̀ yinǝ bumkiɗikea aban amǝ Yahudi ɗang.

Amǝ Galati 5:2

Wu kwaki kir wun! Mim Bulǝs ǝn nggǝ na wun mǝnia yì cau ka: Ɓǝ̀ wu eare à kasǝa ɓata wun ama, nda nǝ̀ tsǝk ɓwa ɓǝ̀ duk pepe a ɓadǝm Ɓakuli ka, lǝmndǝ ama Kǝrǝsti ka nda ɓà aban wun.

Amǝ Galati 5:24

Aɓwana mǝnana à mala Kǝrǝsti Yesu na ka, à gballìna ɓealǝu mala ɓwapǝndǝa mǝ'cauɓike andǝ anpel andǝ asuno male, amur nggun-gangndi mala Yesu.

Amǝ Afisu 3:11

Mǝnia ka nda kànì male ɓara-ɓara arǝ anza kat, mǝnana yi lumsǝì aɓa Kǝrǝsti Yesu Mǝtala sǝm ngga.

Amǝ Afisu 3:13

Ace mani ka, ǝn nggǝ zǝmbǝa wun, ɓabum wun ɓǝ̀ kǝa ɓunggio ace tanni mǝnana mǝ nda ɓālǝi akani ace wun ngga ɗang, nda àkǝ̀ ce gulo ma'wun.

Amǝ Afisu 3:8

Ko kat andǝ amani ama mǝ nda rítǎu mala aɓwana mala Ɓakuli kat ka, yi pam mǝnia yì ɓwamuru mala banggi aɓwana arǝ anzali cau male. Yì Cau Amsǝban amur atsǝkbu mǝnana à pà nǝ̀ gandǝ bwal maɗanyia raka, mǝnana à malea na aɓa kpapi malea andǝa Kǝrǝsti ka.

Amǝ Afisu 4:1

Ace mani ka, mim mǝnana mǝ nda a kùrban ace turo mala Mǝtalabangŋo Yesu ka, ǝn nggǝ zǝmbǝa wun ɓǝ̀ ɓeal wun, ɓǝ̀ kārǝa andǝ do mǝnana Ɓakuli earkiyi ce arǝ aɓwana mǝnana tària ɓǝa duk male ka.

Amǝ Afisu 6:20

Àkǝ̀ ce mǝnia yì cau ka sǝ mǝ nda a ndàkurban ado, sǝa ma ǝn lidǝmbǝa nǝ hamnǝ cau, acemǝnana Ɓakuli nǝ́ turam kǝla mǝ'pwantu male. Wu pak hiwi acem ama mǝ camarǝ nakuni nǝ mǝsǝkang-kangŋa, kǝla mǝnana ɓoaro ɓǝ̀ ǝn ne ka.

Amǝ Filipi 1:7

Ɓǝ̀ ǝn twal wun kat anggo ka, ǝn ɓwarki ɗang, acemǝnana ɓabumam na arǝ wun. Wun kat ka wu nda atam, wu nda arǝ bwalam arǝ mǝnia yì turo Ɓakuli pam aɓa ɓwamuru male ka, kat aɓa kùrban mem, andǝ bǝl ɓa Cau Amsǝban, andǝ lǝmndǝì aɓwana mǝsǝcau mǝnana a ɓalǝi ka.

Amǝ Kolosi 1:24

Sǝ ado ka ban kǝ ɓoaram arǝ tanni mǝnana ǝn nggǝ nu ace wun ngga. Acemǝnana aɓa tanni mem a nggūrǝu ka, mǝ nda ban ɓariki mǝ lumsǝkun gir mǝnana ueo aɓa tanni mala Kǝrǝsti ace nggūrǝi, yì amǝkpate.

Amǝ Kolosi 4:18

Mim Bulǝs, mǝ nda ǝn gilǝ mǝnia yì makkun ngga nǝ buam. Wu ɗenyi ama mǝ nda a ndàkurban. Ɓwamuru mala Ɓakuli ɓǝ̀ do ata wun.

Amǝ Kolosi 4:3

Wu pakka sǝm hiwi gbal ama ɓǝ̀ Ɓakuli pa sǝm dǝmbǝu mala bang cau male, ɓǝ̀ sǝm hamnǝ cau-ɓa-sǝmbǝrǝa male mǝnana amur Kǝrǝsti ka. Àkǝ̀ ce mǝnia yì cau ka, sǝ mǝ nda a ndàkurban ado.

2 Timoti 1:16

Ɓǝ̀ Ɓakuli lǝmndǝì Onisǝforǝs andǝ amǝ ɓala male ɓwamuru, acemǝnana kǝ yiu abanam tutu, sǝ kǝ ɓakɓabum, sǝ ko kǝsǝkya pakki wi a rǝam acemǝnana mǝ nda aɓa nsolo ka ɗang.

2 Timoti 1:8

Ace mani ka, ce kǝsǝkya pakko arǝ banggia aɓwana cau amur Mǝtalabangŋo ɗang. Sǝ ce kǝsǝkya pakko a rǝam gbal ɗang, kat andǝ amani ama mǝ nda a ndàkurban ace Kǝrǝsti ka. Nǝ rǝcandǝa mǝnana Ɓakuli po ka, dum nǝ kur rǝǔ ace nutanni atam ace hamnǝ Cau Amsǝban.

Filimon 1:1

Cautera mǝnia ka pur nǝban Bulǝs, ɓwa mǝnana ndǎ a ndàkurban ace hamnǝ Cau Amsǝban mala Kǝrǝsti Yesu ka, andǝ mǝ'eam sǝm Timoti. Mǝ nda ban gilǝì Filimon, gyajam ma'sǝm andǝ ɓi sǝm mǝturo,

Filimon 1:23

Abafǝras, ɓiam pursǝna aɓa Kǝrǝsti Yesu, kǝ turban nǝ makkun male.

Filimon 1:9

Kat andǝ amani ka, mǝ nda rǝ zǝmbǝo ace earcearǝu, mim Bulǝs, mǝnana ǝn ena, sǝ ɗǝm adyan ngga mǝ nda kuro ace Kǝrǝsti Yesu ka.

Sǝna 2:10

Ɓangciu ɓǝ̀ kǝa pakko arǝ tanni mǝnana ndo nǝ̀ kumo ka ɗang. Sǝni, Shetan no nǝ̀ ngga oasǝ aɓea aɓwana ata wun a ndàkurban ace mwam wun, sǝ ndo wu nǝ̀ kum tanni mǝkwane arǝ anongŋo lum. Wu bwal paɓamuru ma'wun abanam pepe, ko ɓǝ̀ nǝ̀ ká lú ka, sǝ mim ngga mǝ nǝ pa wun tangnakusǝu mala yilǝmu.