Amǝ Afisu 2:5 - Maləmce Məfele mala Ɓakuli: Kurcau Məbəshe

⁵ nda gir nî sǝ kat andǝ wú mǝnana sǝm wu aɓalǝ acauɓikea ma'sǝm ngga, yi pa sǝm yilǝmu nǝ loasǝo mǝnana loasǝ Kǝrǝsti a ɓembe ka. Kǝ ɓwamuru mala Ɓakuli na nǝmurǝì amsǝ wun ngga.

Amǝ Afisu 2:5 ပူးပေါင်းရင်းမြစ်များ

Luka 15:24

Acemǝnana mǝnia yì muna-ɓwabura mem ngga wú, sǝ lo; ɓwaro, sǝ à kumi.” Pǝlǝa à tita pakiɗire.

Yohana 5:21

Kǝla mǝnana Ɓakuli Tárram kǝ loasǝ alú sǝ kǝ pea wia yilǝmu ka, anggo sǝ mim Muni ka mǝ nǝ pea aɓwana mǝnana ǝn earce mǝ nǝ pea wia ka yilǝmu.

Yohana 6:63

Bangŋo mala Ɓakuli na pākiyi yilǝmu ka; ɓariki mala ɓwapǝndǝa pa nǝ̀ pà yilǝmu ɗang. Acau mǝnana ǝn bangga wun ngga a mala bangŋo na andǝ yilǝmu.

Amǝ Mishan 15:11

Mǝnia ka pà nǝ̀ pa anggo ɗang! Sǝm pa ɓamur sǝm sǝ Ɓakuli amsǝ sǝm nǝ ɓwamuru mala Mǝtalabangŋo Yesu, kǝla mana yia gbal ka à paɓamuria ka.

Amǝ Roma 16:20

Ɓakuli mǝ pà dorǝpwala ka malanǝ parki Shetan aɓa kusǝ wun. Ɓǝ̀ ɓwamuru mala Yesu Mǝtala sǝm do ata wun.

Amǝ Roma 3:24

Kat andǝ amani ka, Ɓakuli nǝ ɓwamuru male, nyesǝ sǝm, sǝm duk amǝ'cauɓoarna. Yì ka, pak mǝnia ka nǝ bu Kǝrǝsti Yesu, mǝnana akmúr sǝm ngga.

Amǝ Roma 4:16

Ace mani ka, nǝ́ guli a rǝ Ɓakuli sǝ ɓwa nǝ̀ kum gir mǝnana Ɓakuli pàcau ace ka. Ɓakuli pe anggo ace mǝnana ɓǝa sǝlǝ ama kàngkàng gir mǝnana pàcau ace ka nǝ̀ ɓwamur aɓwana nǝi, yia aɓwana kat mǝnana amuna mala Ibǝrayim na ka. Mǝno yì ɓwamuru ka pa ace amǝ Yahudi mǝnana à kpakiyi ata Nggurcau ka nǝmurǝia ɗang, nda gbal ace aɓwana mǝnana à earnǝ Ɓakuli, à guli a rǝì kǝla mala Ibǝrayim ngga. Ibǝrayim ngga nda tar sǝm kat.

Amǝ Roma 5:10

Kat aɓa do ma'sǝm ɗiɗyal mǝnana sǝm ndaka aɓibura mala Ɓakuli ka, à yì gilǝki nre sǝm sǝnǝa Ɓakuli nǝ lú mala Muni mana yi wú ace sǝm ngga. Ɓǝ̀ mǝno ka yi pa anggo ka, lǝmndǝ ama kàngkàng aɓa pe mǝnana kuti mǝno ka, sǝm nǝ̀ kum auwa, mǝnana ado ka à yina nǝ sǝm aɓa dotarǝu sǝnǝa Ɓakuli ka. Acemǝnana yì Muna mala Ɓakuli ka ndakam nǝ yilǝmu.

Amǝ Roma 5:6

Mǝnana sǝm nda piu aɓa ɗwanyi rǝcandǝa sǝ sǝm pànǝ ban auwa raka, Kǝrǝsti yi wú ace sǝm amǝ'cauɓikea, a pwari mǝnana Ɓakuli kànì ka.

Amǝ Roma 5:8

Sǝ Ɓakuli ka lǝmndǝa sǝm earcearǝu male ani: Mǝnana sǝm ndaka amǝ'cauɓikea piu ka, Kǝrǝsti yi wú ace sǝm.

Amǝ Roma 8:2

Acemǝnana, nggurcau mala Bangŋo mǝnana yinǝa sǝm yilǝmu aɓa Kǝrǝsti Yesu ka, panzǝkina sǝm a bu nggurcau mala cauɓikea andǝ lú.

Amǝ Afisu 2:1

Ɗiɗyal ka, wu nda ka alú ace mgbikiru andǝ acauɓikea ma'wun.

Amǝ Afisu 2:8

Ɓwamuru mala Ɓakuli na amsǝ wun ngga, nǝ paɓamuru ma'wun abani. Mǝnia ka, pe ma'wun na ɗang, ɓoro mala Ɓakuli na,

Amǝ Afisu 5:14

Acemǝnana tǎlaban ngga kǝ pusǝ koya gir ka a banfana. Nda gir nî sǝ à na ma, “Loapi ntulo, we mǝ'nong-ntulo, loapi ɓembe, sǝ Kǝrǝsti nǝ̀ po tǎlaban.”

Amǝ Kolosi 2:13

Ɗiɗyal ka, wu wú ata cau mala acauɓikea ma'wun, andǝ aɓealǝu mala cauɓikea ma'wun mǝnana à gau wun wunǝia raka. Sǝ adyan ngga Ɓakuli pana wun yilǝmu aɓa Kǝrǝsti, lang yi twala sǝm ban cauɓikea ma'sǝm kat ka.

Titus 2:11

Ɓakuli ka, lǝmndǝna ɓwamuru male aban ɓwapǝndǝa kat, ace mǝnana nǝ̀ amsǝia ka.

Titus 3:5

yi amsǝ sǝm. Sǝa ma pa ace kǝgir mǝɓoarne mǝnana sǝm pak ka ɗang, nda àkǝ̀ ce mǝsǝswatǝr male sǝ amsǝ sǝm. Lak sǝm, sǝ pà sǝm bǝsa ɓǝlban andǝ bǝsa do, nǝ rǝcandǝa mala Bangŋo Mǝfele;

Sǝna 22:21

Ɓǝ̀ ɓwamuru mala Mǝtalabangŋo Yesu do ata aɓwana mala Ɓakuli.