Amǝ Afisu 2:2 - Maləmce Məfele mala Ɓakuli: Kurcau Məbəshe

² Amǝno yia apwari ka, wu kǝ dukiado ma'wun aɓa cauɓikea kǝla mǝnana acili amǝ ɓanza kǝ pa, aban kpata Shetan, mana ginggi nǝ ɓanza mana à sǝnggiyi raka, sǝ bangŋo male na kǝ pak turo aɓalǝ aɓwana mǝnana à kǝ oki Ɓakuli raka.

Amǝ Afisu 2:2 ပူးပေါင်းရင်းမြစ်များ

Matiu 11:19

Muna mala Ɓwa yiu kǝ li sǝ kǝ nu, à yì bangŋa ama, “Mǝligula na sǝ mǝ'ɓiki nu mur anap na, gyajam mala amǝ'aki aboalo-cemi andǝ acilia amǝ'cauɓikea ka.” Sǝ sǝlǝe mala Ɓakuli ka à kǝ surǝì arǝ turo male.

Matiu 13:22

Mǝnana kpa aɓalǝ azwe ka nda cam a kun ɓwa mana kǝ ok ce, sǝ bumpina arǝ alta agir mala ɓanza mǝnia andǝ swarkiban mala kume à yì marǝki sǝ à tsǝi pusǝ ɓǝle ɗang.

Matiu 13:38

Ɓaban ngga nda ɓanza, sǝ amǝsǝɓeale mǝɓoarne ka à ndaka muna mala Ɓakuli a Domurǝm male. Sǝ ankwangŋan ngga à ndaka muna mala Mǝɓealɓikea.

Markus 4:19

sǝa ma bumpina mala pǝrta gir ɓanza andǝ earce kume, andǝ suno ace acili agir ɗàngɗáng, à shak ce kat, ko kǝ kina pusǝ ɓǝle ɗang.

Luka 16:8

Mǝtala-ɓala ɓwangsǝ mǝɗenyi nǝ agirkuma mǝ'ɗwanyi mǝsǝcau nì mǝno ace kutan male. Acemǝnana aɓwana amǝkpata ɓanza mǝnia ka à ndanǝ kutan aɓa do malea a rǝarǝia à kuti aɓwana mǝnana amǝkpata Ɓakuli na ka.

Luka 22:31

Yesu banggi Bitǝrus ama, “Shiman, Shiman! Kwaki kiro! Shetan kǝ alte ama nǝ̀ sarǝki wun kǝla sarǝ mǝsǝsa.

Yohana 12:31

Pwari mala pakkî mǝnia yì ɓanza ɓashi ka, karǝna; ado sǝ Ɓakuli ak murǝm arǝ Shetan, yì murǝm mala ɓanza man.

Yohana 13:2

Yesu andǝ alaggana male ka à nda ban lí nǝ pwarikpǝra. Shetan angŋa dǝmbǝa tsǝngŋǝna ɗenyicau mala mak Yesu a ɓabum Yahuda Iskariyoti muna mala Shiman.

Yohana 13:27

Lang Yahuda ak nɗǝmo she ka, kara Shetan kutia rǝì. Sǝ Yesu ne wi ama, “Lo tsuk-tsuk, kya pak gir mǝnana a nǝ pak ka.”

Yohana 14:30

Pà mǝ nǝ samsǝ ban cau mǝnana mǝ nǝ na wun ngga ɗǝm ɗang, acemǝnana murǝm mala ɓanza man ndya kǝ yiu ka, sǝ pànǝ rǝcandǝa a muram ɗang.

Yohana 15:19

Ɓǝ̀ wu ndaka mala ɓanza ka, ɓanza nǝ̀ earce wun kǝla amale. Sǝ ado ka wu ndaka mala ɓanza ɗang. Acemǝnana ǝn tarki wun ɓǝ̀ wu puri ɓa ɓanza ka, nda tsǝa sǝ ɓanza kǝ ɓinǝmǝsǝ wun ngga.

Yohana 16:11

Ɗǝm ngga nǝ̀ lǝmndǝì aɓwana ama ɓashi na amuria acemǝnana Ɓakuli angŋa dǝmbǝa kasǝna ɓashi amur Shetan, yì murǝm mala Ɓanza mǝnia ka.

Yohana 7:7

Ɓanza pa nǝ ɓinǝ mǝsǝ wun ɗang, sǝ mim ngga kǝ ɓinǝ mǝsǝam, acemǝnana ǝn nggǝ bang aɓealɓikea mǝnana kǝ pak ka.

Yohana 8:23

Yesu ear ama, “Tǝta wun ngga a ɓanza mǝnia a nzali ka sǝ pa, sǝ mim ngga ǝn pur nǝ kuli. Wu nda ka mala ɓanza man, sǝ mim ngga mǝ nda mala ɓanza man ɗang.

Yohana 8:44

Wun ndaka muna mala tár wun yì Shetan, sǝ wu kǝ earce lumsǝî tár wun a kun aturo male. Yì ka, tita walki-alú ɗiɗyal, sǝ kǝ earce mǝsǝcau ɗang, acemǝnana mǝsǝcau pa a ɓalǝi ɗang. Ɓǝ̀ ndarǝ na nyir ka nda ban lǝmndǝ girbui, acemǝnana yì ka, mǝ nyira, sǝ nda tár amǝ nyir kat.

Amǝ Mishan 19:35

A masǝlǝate ka, mǝgilǝgir mala nggeala ɓariki tsǝk ɓwabunda à do kunia piu. Pǝlǝa na ama: Wun amǝla sǝm amǝ Afisu, ɓanza kat ka sǝlǝ ama nggeala mǝgule Afisu ka nda mǝyal ndàperi mala Atimis mǝgule andǝ tali rǝì mǝnana pur nǝ kuli sǝ yi kpa a nzali ka.

Amǝ Mishan 5:3

Pǝlǝa Bitǝrus banggi wi ama, “Hananiya, palang sǝ a eare Shetan lumsǝ ɓabumo, gandǝa a ne Bangŋo Mǝfele nyir, sǝ a tsǝk cili boalo mǝnana a kumo aɓa mak nzali ka a pangŋǝna mo nǝi?”

Amǝ Roma 12:2

Wu kǝa kpata ɓealǝu andǝ kuncau mala mǝnia yì ɓanza ka ɗang. Wu ɗeki Ɓakuli ɓǝ̀ nggaɗi wun nǝ tsǝk ɗenyicau ma'wun ɓǝ̀ duk bǝshe. Anggo sǝ wu nǝ̀ gandǝ surǝ nê mala Ɓakuli, mǝnana mǝɓoarne na, andǝ mǝnana nǝ̀ duk gir-á abani, sǝ nda pepè ka.

1 Amǝ Korinti 5:10

Sǝa ma ǝn pa aban na cau amur amǝ ɗwanyi kpata Yesu mǝnana amǝ nonggi nǝ rǝarǝu na, ko amǝ sham gir mala ɓwa na, ko amǝ ɓǝmbǝriban na, ko amǝ peri aban ankúl na ka ɗang. Ɓǝ̀ nda anggo ka, lǝmndǝ ama wu nǝ̀ puri ɓanza.

1 Amǝ Korinti 6:11

Sǝ aɓalǝ wun ngga, anggo sǝ aɓea aɓwana pak ɗiɗyal. Sǝ adyan ngga à langŋǝna wun, à tarna wun ace Ɓakuli, wu dumǝna amǝ'cauɓoarna aɓa lullǝ Mǝtalabangŋo Yesu Kǝrǝsti, sǝ nǝ Bangŋo mala Ɓakuli ma'sǝm.

2 Amǝ Korinti 4:4

Shetan, mǝnana ginggiyi nǝ nza man ngga songŋǝna pǝndǝa aɓa ɗenyicau mala amǝ ɗwanyi earnǝ Cau Amsǝban, ace mǝnana ɓǝa kǝa kum sǝn tǎlaban mala Cau Amsǝban amur ɓoarɓwa mala Kǝrǝsti, mana ndà purban mala Ɓakuli ka, ɗang.

Amǝ Galati 1:4

Yesu pa yilǝmi ace acauɓikea ma'sǝm, kǝla mǝnana Ɓakuli Tar sǝm kani ka, ace mǝnana ɓǝ̀ amsǝ sǝm, a bu mǝnia yì nza mǝɓealɓike sǝm nda a ɓalǝi ka.

Amǝ Afisu 1:21

Aban mǝno ka, ndanǝ rǝcandǝa kǝrkǝr amur ko ya murǝma, andǝ amǝ'pagara, andǝ amǝ'rǝcandǝa, andǝ amǝ'yalmuru, andǝ koya buno gulo nani ka; yale pa amǝnia yì ɓanza nǝmurǝì ɗang, nda kat andǝ ɓanza mǝno gbal kǝ yiu ka.

Amǝ Afisu 2:11

Ace mani ka, wun aɓwana mǝnana à ɓǝl wun ngga, wu ndaka amǝ Yahudi raka, wu ɗenyi ama ɗiɗyal ka, wu pa aɓalǝ amǝ Yahudi, aɓwana mana Ɓakuli kurcau nǝia ka ɗang. Yia amǝ Yahudi mǝnana à kǝ jali nǝ kasǝ ɓatau ka, à kǝ tunǝ wun ama, “amǝ ɗwanyi kasǝ ɓatau,” kat andǝ amani ama kasǝ ɓatau malea ka mala nggūrǝu na, je ɓabumia raka.

Amǝ Afisu 2:13

Sǝ a dyan ngga, à dapina wun, wunǝ Kǝrǝsti Yesu. Ɗiɗyal ka, wu tári Ɓakuli ta wun zak, sǝ adyan ngga, à nyesǝna wun abani tu nǝ nkila mala Kǝrǝsti.

Amǝ Afisu 2:3

Sǝm kat ka, anggo sǝ sǝm duk ɗiɗyal aɓalǝia aban kpata asuno mala nggurǝu andǝ aɗenyicau mala ɓamurǝ sǝm, mǝ earce cauɓike. Sǝ mǝnia yì ɓealǝu ma'sǝm ngga tsǝa sǝm nda aɓata bumlulla mala Ɓakuli kǝla mǝnana ɓwapǝndǝa kat pak ka.

Amǝ Afisu 4:17

Aɓa rǝcandǝa mala Mǝtalabangŋo sǝ ǝn nggǝ na mǝnia yì cau ka: Wu kǝa nyare wu duk ulang do mala amǝ ɗwanyi surǝ Ɓakuli, mǝnana aɗenyicau malea ka, kǝgir mǝɓoarne pa a ɓalǝi raka ɗang.

Amǝ Afisu 4:22

Ace mani ka, wu sukki aɓealǝu mǝ'e ma'wun mala cauɓikea, sǝ wu nying ado mǝ'ɗiɗyali ma'wun, mǝnana à kǝ kánǝ wun nǝ ká aɓa kìɗìkì nǝ swarkiban mala asuno mǝɓane ka.

Amǝ Afisu 5:6

Wu kǝa eare aɓwana mǝnana à kǝ ne ɓamuria ama amǝnia yì acauɓikea ka, à kǝgir na raka, ɓǝa swarki wun ɗang. Acemǝnana bumlulla mala Ɓakuli nǝ̀ sulǝ amur aɓwana mana kat à kǝ kwaɗi cau male raka.

Amǝ Afisu 5:8

Ɗiɗyal ka, wu nda aɓa pǝndǝa, sǝ a dyan ngga, wu kumǝna tǎlaban a bu Mǝtalabangŋo. Ace mani ka, wu dukdo mala aɓwana mǝnana à nda aɓa tǎlaban ngga.

Amǝ Afisu 6:12

Acemǝnana munǝo ma'sǝm ngga, pa arǝ ɓwapǝndǝa ɗang. Munǝo ma'sǝm ngga, nda arǝ amurǝma ɓa bangŋo mǝɓike andǝ amǝ'yalmuru mǝɓike mala ɓanza mǝnana à sǝnggiyi raka, andǝ arǝcandǝa mala abangŋo ɓa pǝndǝa mǝnana à ginggi nǝ ɓanza man, andǝ akukwar mǝɓike mǝnana nǝ bumkuli ka.

Amǝ Kolosi 1:21

Ɗiɗyal ka wu cambi Ɓakuli zak. Wu duk aɓiubura mala Ɓakuli aɓalǝ aɗenyicau ma'wun, mana wu lǝmndǝi nǝ aturo ɓealɓikea ma'wun ngga.

2 Timoti 4:10

Acemǝnana Dimas ɗeki nam, ace earce mǝnia yì ɓanza ka, umǝna a Tasalonika. Sǝ Kǝrǝsen ngga, umǝna a Galati, sǝ mala Titus ka, umǝna a Dalmatiya.

Jemis 1:27

Kwaɗi mǝɓoarnsari, mǝɓafoe mǝnana Ɓakuli Tár sǝm earkiyice ka, nda tsǝkir akawa andǝ aman-lú aɓalǝ atanni malea, andǝ ɓanggi pǝndǝkiban mala ɓanza.

Jemis 1:7

Ulang mǝnia yì ɓwa ka ɓǝ̀ kǝa tsǝk ɓālǝi ama nǝ̀ ak kǝgir a bu Mǝtalabangŋo Ɓakuli ɗang;

Jemis 4:4

Wun amǝ ɗwanyi do nǝ mǝsǝcau aban Ɓakuli andǝ doɓala! Wu sǝlǝ mbo ama duk gyajam mala ɓanza ka do ɓibura na arǝ Ɓakuli? Ace mani ka ɓwa mǝnana twalo nǝ̀ pa kǝla mala amǝ'ɓealɓikea ka, dumǝna ɓimǝbura mala Ɓakuli.

1 Bitǝrus 1:14

Ado mǝnana wu nda ka muna mala Ɓakuli amǝ okiru ka, wu kǝa eare ɓǝ̀ do ma'wun duk mala kpata anpel mǝɓane mǝnana wu ndanǝia ɗiɗyal aɓa ɗwanyi sǝlǝe ka ɗang.

1 Bitǝrus 4:3

Apwari mǝnana à kutikina ka, à karǝna mala pakkia agir mǝnana amǝɓanza earkiyice pe ka, kǝla ɓiki do-kiɗìkì mala nongginǝ-rǝarǝu, andǝ npel, andǝ nukia agir aban wal-wale, andǝ dapi ace likiali-ɓana andǝ nongginǝ-rǝarǝu, andǝ akpapíkí mala nu mba andǝ loasǝban, andǝ aturo mǝɓike mala peri aban ankúl.

2 Bitǝrus 2:14

Rǝia kǝ ɓǝla nǝ suno nong nǝ amamǝna ko aburana mǝnana à pà doɓala andǝia raka, sǝ ko à kǝ aulǝ nǝ pak cauɓikea ɗang. À kǝ swár aɓwana mǝnana kusǝia cam raka aban ká pak cauɓikea. Ɓabumia kwár aɓa nzumon. Yia ka aɓwana na aɓata suban mala Ɓakuli.

1 Yohana 3:10

Mǝnia ka, nda gir mǝnana gakita amuna mala Ɓakuli andǝ amuna mala Shetan ngga: Ɓwa mǝnana kat kǝ pak cauɓoarna raka, muna mala Ɓakuli na ɗang, anggo sǝ ɓwa mǝnana kǝ earce mǝ'eambǝi raka, yì gbal ka muna mala Ɓakuli na ɗang.

1 Yohana 3:8

Ɓwa mǝnana lidǝmbǝa aɓa cauɓikea ka, ɓwa mala Shetan na, acemǝnana twal a tite ka, Shetan ngga mǝ'cauɓikea na. Tǝr yiu mala Muna mala Ɓakuli ka, nda ace kiɗiki aturo mala Shetan.

1 Yohana 4:4

Wun amunem ngga, wu nda ka mala Ɓakuli, sǝ wu lina murǝm amuria, acemǝnana yi Ɓwa mǝnana aɓalǝ wun ngga, kuti ɓwa mǝnana a ɓanza ka.

1 Yohana 5:19

Sǝm sǝlǝna ama sǝm ndaka amuna mala Ɓakuli, sǝ sǝm sǝlǝna gbal ama acili aɓwana a ɓanza kat ka à nda ɓata rǝcandǝa mala Mǝɓealɓikea.

1 Yohana 5:4

Sǝ koya ɓwa mǝnana kat ɓǝlban mala Ɓakuli na ka, kǝ limurǝm amur ɓanza. Paɓamuru ma'sǝm aban Ɓakuli ka, nda limurǝm ma'sǝm amur ɓanza.

Sǝna 12:9

Nda à ramta mǝnia yì nggea kaɓǝne Dǝragon, mǝno yì share n'yau mǝnana à tunǝki ama Mǝɓealɓikea sǝ Shetan, mǝnana kǝ swarkita aɓwana kat aɓa ɓanza ka. Yì Dǝragon ngga andǝ amǝturonjar male kat, à ramtea a kuli à yì kpa a nzali a ɓanza!

Sǝna 13:14

Nǝ agir-ndǝlǝki mǝnana à eari wi ɓǝ̀ pea a ɓadǝm nyamɓikea mǝdǝmbe ka, twalo swarki aɓwana kat mǝnana à nda ka amǝkpata ɓanza man ngga. Cia ɓǝa ɓak ɓǝ̀nzál mala nyamɓikea mǝdǝmbe mǝnana à tsǝki wi mpenye nǝ nggeabyau ɓǝ́ nǝ̀ wal-lui sǝ yi au ka.

Sǝna 13:8

Aɓwana kat mǝnana à ndanǝ do a ɓanza ka, à nǝ̀ peri aban nyamɓikea, yì aɓwana mǝnana tite a share ɓanza ka, lullǝia pà kàm a gilǝe aɓa Malǝmce raka, yì Malǝmce Yilǝmu mala Mǝgam mǝnana à pwan meali ka.

Sǝna 16:17

Sǝ tongno-nong-ɓaria mǝturonjar solǝ gir ɓa tasau male aɓa gung. Nggea giu mǝcande pur nǝ ban bunomurǝm aɓa Ndàmǝgule, bangŋa ama, “Malǝna!”

Sǝna 20:2

Yiu yi gbami dǝragon, mǝno yì share n'yau mǝnana à tunǝki ama Mǝɓealɓikea ko Shetan ngga, sǝ kùrrì nǝ nsolo ɓǝ̀ pak apǝlǝa á-mwashat aɓa kùrban.