Amǝ Afisu 2:12 - Maləmce Məfele mala Ɓakuli: Kurcau Məbəshe

¹² Aɓa doe ɗiɗyal anggo ka, kǝgir kpapi wun wunǝ Kǝrǝsti ɗang. Wu nda ka abǝri mǝnana à pa aɓalǝ amǝ Isǝrayila, aɓwana mǝnana Ɓakuli tàrria ka ɗang, sǝ wu panǝ kāmbe aɓa kurcau mala Ɓakuli mana kwakite amur apàcau male aban aɓwana male ka ɗang. Wu dukiado ma'wun a ɓanza, wu panǝ Ɓakuli ɗang, sǝ wu panǝ tsǝkɓalǝu ɗang.

Amǝ Afisu 2:12 ပူးပေါင်းရင်းမြစ်များ

Luka 1:72

Pak mǝnia ka ace lǝmndǝì atár sǝm mǝsǝswatǝr, sǝ ɓǝ̀ ɗenyi nǝ kurcau male mǝfele.

Yohana 10:16

Mǝ ndanǝ aɓia anzur mem mǝnana à pà aɓa domwan man raka. Dumǝna púp mǝ nǝ yinǝia gbal. À nǝ̀ kwaki kiria à nǝ̀ ok giem, sǝ domwan ngga nǝ̀ duk mwashat, nǝ yalgir mwashat.

Yohana 15:5

Mǝ nda nggun-anap, sǝ wu nda ka bu-nggun. Ɓǝ̀ ɓwa do a ɓalǝam, sǝ ǝn do a ɓālǝi ka, nǝ̀ pusǝ ɓǝle kpǝm. Ɓǝ̀ nǝ́ mim raka pà wù nǝ̀ gandǝ pak ɓe kǝgir ɗang.

Yohana 4:22

Wun amǝ Samariya ka, wu kǝ peri aban ɓwa mǝnana wu surǝì raka, sǝ sǝm, amǝ Yahudi ka, sǝm surǝna rǝ ɓwa mǝnana sǝm nggǝ peri abani ka. Acemǝnana amsǝban ngga pur nǝban amǝ Yahudi.

Amǝ Mishan 2:39

Mǝnia yì ɓwamuru Ɓakuli bangce ka, nda ace wun andǝ amuna ma'wun, andǝ aɓwana mǝnana amǝ Yahudi na raka, andǝa mǝnana Mǝtalabangŋo Ɓakuli ma'sǝm nǝ̀ ngga tunǝia ka.”

Amǝ Mishan 28:20

Nda gir mǝnana tsǝa sǝ ǝn na nǝma ɓǝa tunǝ wun mǝ nǝ na cau nǝ wun ngga. Aɓa mǝsǝcau ka, nda ace gir mǝnana amǝ Isǝrayila tsǝk ɓalǝia a rǝì ka, sǝ à kùrram nǝ ansolo man.

Amǝ Mishan 3:25

Wu nda ka amuna mala amǝno yia amǝ'ɓangna mala Ɓakuli ka, sǝ wu nda aɓa kurcau mala Ɓakuli mǝnana pakki aká wun ngga. Acemǝnana Ɓakuli banggi Ibǝrayim ama, “Nǝ́ bú mǝkeo sǝ mǝ nǝ tsǝki aɓwana a ɓanza kat buam.”

Amǝ Roma 9:8

Mǝnia ka lǝmndǝ ama amuna mǝnana à ɓǝlia aɓa nggūrǝu a tau mala Ibǝrayim ngga, à nda mǝnana à nda ka muna mala Ɓakuli ka ɗang. Kǝ amuna mǝnana à ɓǝlia ata cau mala kurcau mala Ɓakuli ka, à nda ka mǝnana à surǝia kǝla amǝkau mala Ibǝrayim ngga.

Amǝ Galati 4:8

Ɗiɗyal, mǝnana wu malaká surǝ Ɓakuli raka, wu nda ka aguro mala agir mǝnana aɓa mǝsǝcau ka a Ɓakuli na raka.

Amǝ Afisu 2:19

Sǝ adyan ngga, wun aɓwana mǝnana wu ndaka amǝ Yahudi raka, wu nda ka abǝri andǝ amǝ'kunɗangna ɗǝm ɗang, wu nda ka aɓwana mala nzali mwashat wunǝ aɓwana mala Ɓakuli. Wu nda aɓalǝ amǝɓala mala Ɓakuli.

Amǝ Afisu 4:18

Ɓabumia ka lumsǝ nǝ pǝndǝa; à pa aɓa yilǝmu mǝnana Ɓakuli kǝ pa ka ɗang, ace ɗwanyi sǝlǝe andǝ murcandǝa malea.

Amǝ Kolosi 1:21

Ɗiɗyal ka wu cambi Ɓakuli zak. Wu duk aɓiubura mala Ɓakuli aɓalǝ aɗenyicau ma'wun, mana wu lǝmndǝi nǝ aturo ɓealɓikea ma'wun ngga.

Amǝ Kolosi 1:27

Ɓakuli earnace ɓǝa aɓwana male sǝlǝ ce gulo andǝ kume mana aɓa mǝnia yì cau-ɓa-sǝmbǝrǝa, mǝnana ndanǝi ace aɓwana mana amǝ Yahudi na raka. Sǝ mǝnia yì cau-ɓa-sǝmbǝrǝa ka nda mǝnana ama: Kǝrǝsti na aɓalǝ wun, sǝ ace mǝno ka wu ndanǝ tsǝkɓalǝu mala kum kāmbe aɓa gulo mala Ɓakuli.

Amǝ Kolosi 1:5

Mǝno yì paɓamuru andǝ earcearǝu ma'wun ngga, pur aɓa tsǝkɓalǝu ma'wun arǝ agir mǝnana Ɓakuli tsǝka wunì a kuli ka, mǝnana wu okce aɓa mǝsǝcau mala Cau Amsǝban

1 Amǝ Tasalonika 4:13

Wun amǝ'eamrǝarǝu, sǝm nggǝ earce ama wu kǝa dumnǝ ɗwanyi sǝlǝe amur amǝkwaɗi mǝnana à wuna ka, ko wu nǝ̀ dumnǝ bumkiɗikea, kǝla aɓwana mǝnana à pànǝ tsǝkɓalǝu raka ɗang.

1 Amǝ Tasalonika 4:5

Pà aɓa do nǝ npel mala nshawari mǝkǝrkǝr nì, kǝla pe mala amǝkpata ɓanza, aɓwana mǝnana à surǝ Ɓakuli raka ɗang.

2 Amǝ Tasalonika 2:16

Sǝm nggǝ zǝmbǝa ama Mǝtalabangŋo Yesu Kǝrǝsti nǝ ɓamuri, andǝ Ɓakuli Tar sǝm ɓǝ̀ ɓak ɓabum wun sǝ ɓǝ̀ pa wun rǝcandǝa mala pě andǝ nê mǝɓoarne. Ɓakuli ka lǝmndǝna sǝm earcearǝu, sǝ aɓa ɓwamuru male ka, pana sǝm girikiban mǝnana málá male pà kàm raka, andǝ tsǝkɓalǝu mǝgule.

1 Timoti 1:1

Mǝnia yì cautera ka, pur nǝ ban Bulǝs, mǝ'mishan mala Kǝrǝsti Yesu nǝ tasǝban mala Ɓakuli mǝ'amsǝ sǝm, andǝ mala Kǝrǝsti Yesu mǝnana nda tsǝkɓalǝu ma'sǝm ngga.

Amǝ Ibǝru 11:34

à linggi rǝcandǝa mala bǝsa, sǝ à api lú mala nggeabyau. Rǝwukya malea ka pǝlǝ rǝcandǝa. À duk aburana a kun-munǝo sǝ à pǝr amǝ lwa mala aɓea nzali ɗàngɗáng.

Amǝ Ibǝru 6:18

Ɓakuli pana pàcau andǝ kángir male yia kǝm. Amǝnia yì agir ɓari ka, à kǝ gandǝ nggaɗia ɗang, acemǝnana Ɓakuli ka, pà nǝ̀ gandǝ na nyir ɗang. Ace mani ka, sǝm mana sǝm ɓangŋǝna aban ká alta auwa abani ka, sǝm kumǝna ɓakɓabum mǝgule ace bwal kàngkàng arǝ tsǝkɓalǝu mǝnana à tsǝka sǝmi a dǝm sǝm ngga.

Amǝ Ibǝru 8:6

Sǝ turo-pǝris mǝnana à pè Yesu ka, karmur turo-pǝris mǝ'e nǝ ɓoaro. Kǝla mǝno gbal ka, bǝsa kurcau mǝnana Yesu yinǝi nǝban Ɓakuli aban aɓwana male ka, kuti mǝ'e. Nda acemǝnana yì bǝsa kurcau ka, à kwakite amur apacau ace agir mǝnana à ɓoari mala kurcau mǝ'e ka.

1 Bitǝrus 1:21

Nǝ́ bani yì Kǝrǝsti, sǝ wu pa ɓamur wun aban Ɓakuli, mǝnana loasǝi a ɓembe, sǝ pe wi nggea gulo ka; ace mani ka paɓamuru ma'wun, andǝ tsǝkɓalǝu ma'wun ngga, à kwakina amur Ɓakuli.

1 Bitǝrus 1:3

Ɓwangsǝban kat ka, ɓǝa pe Ɓakuli, Tár Mǝtala sǝm Yesu Kǝrǝsti! Ace mǝsǝswatǝr male mǝgule ka yina nǝ sǝm aɓa bǝsa ɓǝlban. Sǝm kum mǝnia yì bǝsa ɓǝlban ngga acemǝnana Ɓakuli loasǝ Yesu Kǝrǝsti a ɓembe ka. Ado ka sǝm ndanǝ do tsǝkɓalǝu mǝyilǝmui,

1 Bitǝrus 3:15

Wun ngga, wu kǝ pe Kǝrǝsti gulo a ɓabum wun, ɓǝ̀ duk Mǝtala wun. Wu do aɓa gilǝrǝu ko aya pwari ka, ace bǝli ko ya ɓwa na ɗi wun ce tǝ́r tsǝkɓalǝu mǝnana wu ndanǝi aɓa kwaɗi ma'wun ngga.

1 Yohana 3:3

Sǝ ɓwa mǝnana kat ndanǝ mǝnia yì tsǝkɓalǝu ka, kǝ dukdo ɓoarnsari, kǝla mǝnana Yesu ka mǝɓoarnsari na ka.