Amǝ Afisu 1:8 - Maləmce Məfele mala Ɓakuli: Kurcau Məbəshe

⁸ Yi soapa sǝm pe mǝɓoarne male nyangsang amur sǝm, andǝ sǝlǝe andǝ surǝe kat.

Amǝ Afisu 1:8 ပူးပေါင်းရင်းမြစ်များ

Matiu 11:19

Muna mala Ɓwa yiu kǝ li sǝ kǝ nu, à yì bangŋa ama, “Mǝligula na sǝ mǝ'ɓiki nu mur anap na, gyajam mala amǝ'aki aboalo-cemi andǝ acilia amǝ'cauɓikea ka.” Sǝ sǝlǝe mala Ɓakuli ka à kǝ surǝì arǝ turo male.

Amǝ Roma 11:33

E, gulo mala kume mala Ɓakuli, andǝ sǝlǝe, andǝ surǝe male ka, kàné pà kàm ɗang! Yana nǝ̀ gandǝ mǝnggi ɓalǝ anê male! Yana ɓwe nǝ̀ gandǝ surǝ anjar male!

Amǝ Roma 5:15

Sǝ cauɓikea mala Adamu andǝ ɓoro mala Ɓakuli ka, à nda ɗàngɗáng. Acemǝnana cauɓikea mala mǝnia yì ɓwa mwashat, yì Adamu ka, yinǝ lú amur aɓwana pas. Sǝ ɓwamuru mala Ɓakuli ka gulo kuti mǝno kuko, anggo gbal sǝ ɓoro male mala twalban cauɓikea aban aɓwana pas pa, yì ɓoro mǝnana yiu nǝ bu mǝnia yì ɓwa mwashat, yì Yesu Kǝrǝsti ka.

1 Amǝ Korinti 2:7

Sǝlǝe mǝnana sǝm nggǝ hamnǝi ka, sǝlǝe mala Ɓakuli na, mǝnana sǝmbǝrǝi ɗiɗyal ka. Sǝ mǝnia yì sǝlǝe ka, Ɓakuli pe ace ɓoaro ma'sǝm, twal a share ta ɓanza.

Amǝ Afisu 1:11

Sǝ acemǝnana à dapina sǝm sǝnǝa Kǝrǝsti ka, sǝm angŋǝna liɓala a bu Ɓakuli, acemǝnana ak dǝmbǝa tàr sǝm ɓǝ̀ sǝm duk amale aɓa kpata kane male, sǝ yì nǝ nggearǝì ka kǝ tsǝk koya gir ka ɓǝ̀ pa kǝla mǝnana ɓabumi earkiyice ka.

Amǝ Afisu 1:7

Yì ka, mǝsǝswatǝr andǝ ɓwamuru male ka à gul kǝrkǝr, nda sǝ yi kúr panzǝban ma'sǝm nǝ nkila mala Muni, pǝlǝa twala sǝm ban acauɓikea ma'sǝm ngga.

Amǝ Afisu 1:9

Adyan ngga, Ɓakuli lǝmndǝna sǝm kane male mǝnana lǝmndǝi aban kǝɓwa ɗiɗyal raka, mǝnana kani ace lumsǝ banɓoarnado male nǝ bu Kǝrǝsti ka.

Amǝ Afisu 3:10

Kànì mala Ɓakuli aɓa mǝnia kat ka, nda mǝnana ama, adyan ngga nǝ̀ pak turo nǝ ikǝlisiya, amǝkpata Yesu, nǝ̀ lǝmndǝ sǝlǝe male mǝnana ndakam arǝ anjari ɗàngɗáng ngga, aban amǝ yalmuru andǝ amǝ-gara aɓa ɓanza mala abangŋo.

Amǝ Kolosi 2:3

Aɓa Kǝrǝsti sǝ gǝna mala sǝlǝe andǝ surǝe mala Ɓakuli kat sǝmbǝrǝa.

Yahuda 1:25

Gulo kat ka, ɓǝa pe wi, yì Ɓakuli mwashat, Mǝ'amsǝ sǝm nǝ bu Yesu Kǝrǝsti Mǝtala sǝm. Nggearǝ ɓoarɓwa, andǝ gulo, andǝ rǝcandǝa, andǝ murǝm ngga, male na ɓara-ɓara, arǝ anza mǝnana à kutikina ka, ba adyan, andǝ dǝmbǝa. Amin.

Sǝna 5:12

À loasǝ gia a kuli à tu'nggyal ama: “Mǝgam mǝnana à pwanmeali ka, karǝna ɓǝ̀ ak garamurǝm, andǝ kume, andǝ sǝlǝe, andǝ rǝcandǝa, andǝ gusǝlǝban, andǝ ɓoarɓwa, andǝ ɓwangsǝban!”