Amǝ Afisu 1:5 - Maləmce Məfele mala Ɓakuli: Kurcau Məbəshe

⁵ Ɓakuli ak dǝmbǝa ɗiɗyal kànì a bumi ama, nǝ̀ pa sǝm bancame mala duk amuni nǝ bu Yesu Kǝrǝsti. Mǝnia ka nda earkiyi ce, sǝ ban kǝ ɓoari wi a rǝì ka.

Amǝ Afisu 1:5 ပူးပေါင်းရင်းမြစ်များ

Matiu 1:25

Sǝ yì ka, pak ɓwama nǝi ɗang yi pur a gbashi muna-ɓwabura male, pǝlǝa tsǝki muna lullǝu ama Yesu.

Matiu 11:26

E, Dâ, anggo sǝ ɓoarô ama ɓǝ̀ pa.

Luka 10:21

Amǝno yì pwari ka, Yesu lumsǝ nǝ bumpwasǝa aɓa Bangŋo Mǝfele sǝ bangŋa ama, “Ən ɓwangsǝkio we Dâ, Mǝtala kuli andǝ nzali, acemǝnana a sǝmbǝrǝ amǝnia yì agir ka arǝ amǝ'sǝle andǝ amǝsurǝe, sǝ a lǝmndǝia aban amuna mǝkeke. E, Dâ, mǝnia ka nda gir mǝnana pwasǝ bumo ka.”

Luka 11:32

A pwari ɓashi mala Ɓakuli ka amǝ Nineva nǝ̀ came andǝ aɓwana mǝnana a nza man ngga, sǝ à nǝ̀ yinǝ kasǝ-ɓashi amuria. Acemǝnana yia amǝ Nineva ka à pwanzali à ɗeki buia arǝ acauɓikea malea, nǝ hama mala Yunana, sǝ ado ka Ɓwa mǝnana kuti Yunana ka ndya ka!

Luka 12:32

Domwan mǝkyauwe, ɓangciu ɓǝ̀ kǝa pakka wun ɗang, acemǝnana Tar wun ngga ban kǝ ɓoari wi ɓǝ̀ pa wun agir mǝɓoarne mala Domurǝm male.

Yohana 1:12

Sǝ aɓwana mǝnana kat à é, à pa ɓamuria abani ka, pania wia rǝcandǝa ɓǝa duk amuna mala Ɓakuli.

Yohana 11:52

Sǝ pà ace amǝ Yahudi nǝmurǝia ɗang, nda gbal ace acilia aɓwana kat arǝ anzali aɓa ɓanza, amǝnana à nǝ̀ yia pà ɓamuria aban Ɓakuli, sǝ nǝ̀ kpapi ɓamuria kat ɓǝa yi duk mwashat ka.

Yohana 20:17

Yesu ne wi ama, “Ce a kúr a rǝam ɗang, acemǝnana ǝn malaká nyar aban Tárram a kuli peatu ɗang. Ado ka, kyane aban amǝ'eambǝam, alaggana mem, kya banggia wia ama, Mǝ ndo mǝ nǝ nyare aban Tárram, mǝnana nda Tárria ka, aban Ɓakuli mem, mǝnana nda Ɓakuli malea ka.”

Amǝ Mishan 13:48

Lang aɓwana mana amǝ Yahudi na raka nǝ̀ o a na ka, kara banɓoaria wia, à kǝ ɓwangsǝki Mǝtalabangŋo ace cau male. Sǝ aɓwana mana kat Ɓakuli tàrria ace yilǝmu mana pà nǝ̀ mal raka, à paɓamuria, à duk amǝkwaɗi.

Amǝ Roma 8:23

Sǝ yìa agir ka, à nda mǝnana nǝmurǝia à kǝ inggi ka ɗang; nggearǝ sǝm mǝnana sǝm kumǝna Bangŋo Mǝfele mana ndà mǝdǝmbe mala aɓoro mǝnana Ɓakuli nǝ̀ pa sǝm ngga, sǝm nggǝ ingge aɓa ɓalǝ sǝm. Sǝ aɓa ingge anggo ka, sǝm nggǝ kundǝ arǝ Ɓakuli nǝ̀ rǝɓǝla, ɓǝ̀ yinǝ sǝm aɓa kum lumsǝo ma'sǝm abani mala duk amuna male, mǝnana anggurǝ sǝm nǝ̀ kum panzǝban a bu cauɓikea, andǝ tanni, andǝ lú ka.

1 Amǝ Korinti 1:1

Mǝnia yì cautera ka, pur nǝ ban Bulǝs, yì ɓwa mǝnana nǝ kani mala Ɓakuli ka, tunǝi ɓǝ̀ duk mǝturo mishan mala Kǝrǝsti Yesu. Yì Bulǝs andǝ mǝ'eam sǝm Sosǝtins na à kǝ̀ tasǝ mǝnia yì cautera ka.

1 Amǝ Korinti 1:21

Ɓakuli aɓa sǝlǝe male ka, tsǝa ɓanza gandǝ surǝì nǝ malea yì sǝlǝe ɗang. Kǝcau mǝnana sǝm hamnǝi, sǝ aɓwana nyesǝi gǝmi na ka, kǝ nda Ɓakuli amsǝna aɓwana mǝnana à pà ɓamuria abani nǝi ka.

2 Amǝ Korinti 6:18

“Mǝ nǝ duk Tar wun, sǝ wu nǝ̀ duk amunem. Mǝnia ka nda cau mǝnana Mǝtalabangŋo mana Karban kat bang ngga.”

Amǝ Galati 3:26

Ace mani ka, wun kat ka, wu ndaka muna mala Ɓakuli ace guli ma'wun arǝ Kǝrǝsti Yesu.

Amǝ Afisu 1:11

Sǝ acemǝnana à dapina sǝm sǝnǝa Kǝrǝsti ka, sǝm angŋǝna liɓala a bu Ɓakuli, acemǝnana ak dǝmbǝa tàr sǝm ɓǝ̀ sǝm duk amale aɓa kpata kane male, sǝ yì nǝ nggearǝì ka kǝ tsǝk koya gir ka ɓǝ̀ pa kǝla mǝnana ɓabumi earkiyice ka.

Amǝ Afisu 1:9

Adyan ngga, Ɓakuli lǝmndǝna sǝm kane male mǝnana lǝmndǝi aban kǝɓwa ɗiɗyal raka, mǝnana kani ace lumsǝ banɓoarnado male nǝ bu Kǝrǝsti ka.

Amǝ Filipi 2:13

Ɓakuli ka, nda rǝ pak turo aɓalǝ wun, ɓǝ̀ pà wun rǝcandǝa andǝ ɓabum mala pak gir mǝnana nǝ̀ pwasǝbumi ka.

Amǝ Kolosi 1:19

Ace mani ka, Ɓakuli aɓa pa male kat ka, banɓoari wi ɓǝ̀ lǝmndǝ rǝì aɓa Muni,

2 Amǝ Tasalonika 1:11

Nda gir mǝnana tsǝa koya pwari ka, sǝm nggǝ pakka wun hiwi. Sǝm nggǝ zǝmbǝi Ɓakuli ɓǝ̀ tsǝk wun, ɓǝ̀ wu dukdo mǝnana karǝ arǝ ulang do mǝnana tunǝ wun ace ka, sǝ ɓǝ̀ pa wun rǝcandǝa mala lumsǝ pakki agir mǝɓoarne kat mǝnana paɓamuru ma'wun tsǝk wun a pě ka.

Amǝ Ibǝru 2:4

Ɓakuli gbal ka, pu nzǝm cau malea nǝ agir-lǝmndǝa, andǝ agir-gyambǝliban, andǝ agir-ndǝlǝki ɗàngɗáng, andǝ aɓoro mala Bangŋo Mǝfele mǝnana gakia kǝla mana bumi kani wi ka.

1 Yohana 3:1

Wu sǝn ulang earcearǝu mǝnana Tár sǝm nani arǝ sǝm, mǝnana à nǝ̀ tunǝ sǝm ama, amuna mala Ɓakuli ka! Sǝ anggo sǝ sǝm pa! Sǝ aɓwana mǝnana amǝ ɓanza na ka, à pànǝ sǝlǝ ama sǝm ndaka muna mala Ɓakuli ɗang, acemǝnana à surǝì ɗang.

Sǝna 21:7

Ɓwa mǝnana kat limurǝm ngga, mǝ nǝ pe wi liɓala mala amǝnia yì agir ka, sǝ yì ka, nǝ̀ duk munem sǝ mǝ nǝ duk Ɓakuli male.