Amǝ Afisu 1:4 - Maləmce Məfele mala Ɓakuli: Kurcau Məbəshe

⁴ Kaniama nǝ̀ pak ɓanza ka, Ɓakuli ak tadǝmbǝa tàr sǝm, ɓǝ̀ sǝm duk amale, aɓa kpapi ma'sǝm sǝnǝa Kǝrǝsti, ace mǝnana ɓǝ̀ sǝm tar ɓamur sǝm aceì, ɓe sǝm duk aɓwana amǝ ɗwanyi cau a rǝǔ abani, sǝ ɓǝ̀ sǝm dukdo earcearǝu.

Amǝ Afisu 1:4 ပူးပေါင်းရင်းမြစ်များ

Matiu 24:22

Yale ɓǝ̀ Ɓakuli amsǝ ma anonggeo mala tanni mǝno raka, kǝɓwa pà kàm nǝ̀ au ɗang, sǝa ma ace aɓwana mǝnana Ɓakuli tarkia ka nǝ̀ amsǝ anonggeo mǝno.

Matiu 24:24

Acemǝnana akǝrǝsti mǝ'nyirì andǝ amǝ'ɓangna mǝ'nyirì à nǝ̀ puro sǝ à nǝ̀ pakki agir-lǝmndǝa mǝgulke andǝ agir-ndali ace swarki aɓwana, yale ɓǝa nǝ̀ gandǝi ka, nggearǝ aɓwana mǝnana Ɓakuli tarkia ka, à nǝ̀ ɓosǝkia.

Matiu 24:31

Sǝ nǝ̀ tasǝ amǝturonjar male nǝ tunǝban gi njawe mǝgule, à nǝ̀ dapikia aɓwana male mǝnana à tarkia ka arǝ aban kat aɓa ɓanza.

Matiu 25:34

Sǝ Murǝm nǝ̀ ne aman a bui mǝli ka ama, “Wu yiu, wun aɓwana mana tsǝkbu mala Tárram na mur wun ngga. Wu yi ak Domurǝm mana à gilǝki ace wun pur a tita ɓanza ka.

Yohana 10:16

Mǝ ndanǝ aɓia anzur mem mǝnana à pà aɓa domwan man raka. Dumǝna púp mǝ nǝ yinǝia gbal. À nǝ̀ kwaki kiria à nǝ̀ ok giem, sǝ domwan ngga nǝ̀ duk mwashat, nǝ yalgir mwashat.

Yohana 15:16

Wun nǝ̀ taram ɗang, mǝ nǝ̀ tár wun, sǝ ǝn pa wun turo nǝma wu kya pâ ɓǝla wun, ulang ɓǝle mǝnana pà nǝ̀ kiɗiki raka. Anggo ka sǝ Tárram nǝ̀ pa wun gir mǝnana kat wu zǝmbǝi wi aɓa lullǝam ngga.

Yohana 17:24

Dâ! Ən nggǝ earce nǝma aɓwana mǝnana a pamia ka, ɓǝa do atam aban mǝnana mǝ nda kam ngga; sǝ ɓǝa sǝn gulo mem mǝnana a pam, acemǝnana a kǝ earcem sǝ a yi pusǝ ɓanza ka.

Amǝ Mishan 13:48

Lang aɓwana mana amǝ Yahudi na raka nǝ̀ o a na ka, kara banɓoaria wia, à kǝ ɓwangsǝki Mǝtalabangŋo ace cau male. Sǝ aɓwana mana kat Ɓakuli tàrria ace yilǝmu mana pà nǝ̀ mal raka, à paɓamuria, à duk amǝkwaɗi.

Amǝ Mishan 15:18

Mǝnia ka Mǝtalabangŋo nǝ̀ bangŋa, yì ɓwa mana pusǝ amǝnia yì agir a banfana ɗiɗyal ka.”

Amǝ Mishan 18:10

acemǝnana mǝ nda to. Kǝ ɓwa pà kàm nǝ̀ pakko kǝgir ɗang. Aɓa nggeala mǝnia ka, mǝ ndanǝ aɓwana kam pas mǝnana à nǝ̀ paɓamuria abanam ngga.”

Amǝ Roma 8:33

Yana ɓwe na nǝ̀ wuli aɓwana mǝnana Ɓakuli tària ka? Kǝ ɓwa pà kàm ɗang! Acemǝnana Ɓakuli nǝ́ ɓamuri nǝ̀ cia sǝ à duk amǝ'cauɓoarna!

1 Amǝ Korinti 1:8

Yì ka, nǝ̀ bwala wun nggam, wu nǝ̀ dum nǝ rǝcandǝa ba masǝlǝate, ace mǝnana ɓǝa kǝa kum wun nǝ ɓe kǝ cau arǝ wun a pwari yiu mala Mǝtala sǝm Yesu Kǝrǝsti ɗang.

Amǝ Galati 5:13

Wun amǝ'eambǝam, à tunǝ wun ace mǝnana ɓǝ̀ wu yi do aɓa panzǝban. Sǝa ma wu kǝa na ama wu nǝ̀ nyesǝ dopanzǝban mǝnana wu kumo à panzǝ wun arǝ Nggurcau ka, ɓǝ̀ dupa wun njargula kpata anpel mala nggūrǝu aban pakki acauɓikea ɗang. Akuni ka, wu kǝ pakkia rǝ wun turo aɓa earcearǝu.

Amǝ Galati 5:22

Sǝ ɓǝ̀ Bangŋo Mǝfele na ginggi nǝ sǝm ngga, nǝ̀ pusǝ amǝnia yia aɓealǝu ka aɓalǝ sǝm: earcearǝu, andǝ bumpwasǝa, andǝ dorǝpwala, andǝ munyi, andǝ tsǝkir ɓwa, andǝ pemǝɓoarne, andǝ do'amurmǝsǝcau,

Amǝ Galati 5:6

Ɓǝ̀ ɓwa tsǝngŋǝna paɓamuru male aban Kǝrǝsti Yesu ka, ɓe kǝ girkuma pà kàm aɓa kasǝ-ɓatau, ko ɗwanyi kasǝ-ɓatau ɗang. Gir mǝnana ɓoaro à nǝ̀ na ce ka nda kǝ paɓamuru mǝnana kǝ lǝmndǝrǝi aɓa earcearǝu ka.

Amǝ Afisu 2:10

Sǝm nda ka aturobu mǝgule mala Ɓakuli. Yì ka, pusǝ sǝm abǝshe aɓa kpapi ma'sǝm sǝnǝa Kǝrǝsti Yesu, ace pakki aturo mǝɓoarne mǝnana ak dǝmbǝa cia ace sǝm ngga.

Amǝ Afisu 3:17

Anggo ka sǝ Kǝrǝsti nǝ̀ do a ɓabum wun, nǝ paɓamuru ma'wun abani. Sǝ wun ngga, wu nǝ̀ cam kàngkàng aɓa earcearǝu male, kǝla mǝnana nlerǝ nggun ko kpǝm aɓa nzali cam kàngkàng ngga.

Amǝ Afisu 4:2

Ko aya pwari ka, wu nyesǝmur wun, wu duk ɓuɓɓuk nǝ pak munyi nǝ rǝarǝ wun. Wu lǝmndǝì arǝ wun earcearǝu andǝ do nǝ gandǝrǝu.

Amǝ Afisu 5:2

Do ma'wun ngga, ɓǝ̀ lumsǝ nǝ earcearǝu, kǝla mana Kǝrǝsti earce sǝm, sǝ pa yilǝmi duk gir'nkila ace sǝm, mǝnana duk ɓoro mǝɓoarne mana pwasǝbum Ɓakuli ka.

Amǝ Afisu 5:27

Pak mǝnia ka, ace mǝnana ɓǝ̀ yina ace twal ikǝlisiya nǝ̀ pe ɓamuri ka, ɓǝa kumi gǝraɗau aɓa ɓoarnsari, mǝnana kǝgir dung, ko kpami, ko kǝgir mǝpǝndǝke pa a rǝì raka; ɓǝ̀ kumi aɓa do tar ɓamuru ace Ɓakuli andǝ ɗwanyi cau a rǝǔ.

Amǝ Filipi 2:15

Anggo ka, wu nǝ̀ duk amuna mala Ɓakuli amǝ ɗwanyi cau a rǝǔ, amǝɓabum ɓoarnsari, andǝa mǝnana à pà nǝ̀ kum kǝ mǝɓane a rǝia raka. Wu nǝ̀ dukdo anggo aɓalǝ aɓwana mala nza mǝ ɗwanyi mǝsǝcau andǝ mǝ kpata njar kiɗiki, mǝnana wu nǝ̀ nggǝ tǎ aɓalǝi kǝla anlero aɓa ɓanza ka.

Amǝ Kolosi 1:22

Sǝ adyan ngga, Ɓakuli nyesǝna wun aɓa dotarǝu andǝi, nǝ lú mala Kǝrǝsti aɓa nggūrǝi mala ɓwapǝndǝa. Nyesǝ wun ace mǝnana ɓǝ̀ pǝlǝ wun, ɓǝ̀ wu duk aɓwana ace Ɓakuli, amǝ ɗwanyi cau a rǝǔ a sǝne male, aɓwana mǝnana à pà nǝ̀ tsǝkia wia kun raka.

Amǝ Kolosi 2:2

Ən nggǝ pak mǝnia ace mǝnana ɓǝa kum ɓak ɓabum, sǝ ɓǝa duk mwashat aɓa earcearǝu. Ən nggǝ earce nǝma ɓǝa kum lumsǝo mala ɓabumcandǝa ama à bwalǝna ta kane mala Ɓakuli mana sǝmbǝrǝ ce ɗiɗyal ka, yì Kǝrǝsti nǝ ɓamuri.

Amǝ Kolosi 3:12

Sǝ acemǝnana Ɓakuli tarna wun ɓǝ̀ wu duk aɓwana male mǝnana kǝ earcea ka, wu twal ɓealǝu mala sǝn mǝsǝswatǝr, andǝ pemǝɓoarne, andǝ nyesǝɓamuru, andǝ doɓuɓɓuka, sǝ munyi.

1 Amǝ Tasalonika 3:12

Sǝm nggǝ pak hiwi ama ɓǝ̀ Mǝtalabangŋo tsǝk earcearǝu ma'wun arǝarǝ wun andǝ aɓwana kat, ɓǝ̀ lidǝmbǝa nǝ gulo sǝ ɓǝ̀ kǝ aliki, kǝla mǝnana earcearǝu ma'sǝm aban wun kǝ pak ka.

1 Amǝ Tasalonika 4:7

Ɓakuli ka, tunǝ sǝm ace do ɓa pǝndǝkya ɗang, tunǝ sǝm ace do tar ɓamuru ace Ɓakuli.

2 Timoti 1:9

Ɓakuli amsǝ sǝm, sǝ tunǝ sǝm ɓǝ̀ sǝm duk aɓwana male amǝ fele. Pa ace aturo mǝnana sǝm pak ka ɗang, nda àkǝ̀ ce male yì kani mana pusǝ sǝm ace ka, andǝ ɓwamuru male. Pa sǝm mǝnia yì ɓwamuru ka nǝ bu Kǝrǝsti Yesu sǝ yi kwakita ɓanza.

2 Timoti 2:10

Ace mani ka, ǝn earǝna mǝ dum nǝ gandǝrǝu aɓa ko man, ace aɓwana mana Ɓakuli tària ka, ace mǝnana yia gbal ka ɓǝa kum amsǝban mana aɓa Kǝrǝsti Yesu ka, a tarǝia andǝ gulo mǝnana pà nǝ̀ mal raka.

2 Timoti 2:19

Kat andǝ amani ka, mǝsǝcau mala Ɓakuli ka, camǝna kàngkàng kǝla kusǝɓa mǝnana à kwaki sǝ pà nǝ̀ dǝurǝ raka. Amuri ka à nyoulǝ mǝnia yì cau ka ama: “Mǝtalabangŋo surǝna rǝ aɓwana mǝnana à ndaka male ka,” sǝ “Koya ɓwa mǝnana kat kǝ na ama mala Mǝtalabangŋo na ka, dumǝna pup nǝ̀ gapita rǝia andǝ ɓealɓikea.”

Jemis 2:5

Wu kwaki kir wun, wun amǝ'eamrǝarǝu mǝnana ǝn earkiyi acea raka, Ɓakuli twal aɓwana mǝnana amǝɓanza nyesǝia amǝtǝr na ka, ɓǝa duk amǝkume aɓa paɓamuru abani. Sǝ ɗǝm ngga ɓǝa kum domurǝm mǝnana Ɓakuli pàcau ama nǝ̀ pe aɓwana mǝnana à kǝ earce ka.

1 Bitǝrus 1:2

Ɓakuli Tárru aɓa kane male ka tàr wun ɗiɗyal ɓǝ̀ wu duk aɓwana male nǝ́ turo mala Bangŋo ace oki Yesu Kǝrǝsti, andǝ kum lakban aɓa nkila male. Ɓǝ̀ Ɓakuli hatǝki wun nǝ ɓwamuru andǝ dorǝpwala.

1 Bitǝrus 1:20

Kaniama à nǝ̀ kwakita ɓanza ka, Ɓakuli tarrì, ci male ɗang. Sǝ aɓa mǝnia yì masǝlǝata apwari ka, à yì lǝmndǝni a banfana àkǝ̀ ace wun.

1 Bitǝrus 2:9

Sǝ wun ngga, wu ndaka ɓwamǝpǝnde mǝnana Ɓakuli tar wun ngga. Wu nda ka amurǝma pǝris, aɓwana ace Ɓakuli, andǝ agirkuma male. Tàr wun ace mǝnana ɓǝ̀ wu hami aɓwana aɓealɓoarna male, yi mǝnana tunǝ wun aɓa pǝndǝa aban yiu aɓa tǎlaban male mǝ pà ndali ka.

2 Bitǝrus 3:14

Ace mani ka, wun amǝ'eamrǝarǝu, mǝno ado wu nda aban kundǝ amǝnia yì agir ɓǝa yiu ka, wu ɓariki wu do aɓa ɓoarnsari, andǝ ɗwanyi cau a rǝǔ, sǝ wu dukdo rǝpwala.

1 Yohana 4:16

Sǝ sǝm nǝ́ ɓamur rǝ sǝm ngga, sǝm surǝna rǝ ulang earcearǝu mǝnana Ɓakuli ndanǝi arǝ sǝm ngga, sǝ sǝm earǝna nǝi. Ɓakuli ka earcearǝu na, sǝ ɓwa mǝnana kat do aɓa earcearǝu ka, nda aɓa dotarǝu andǝa Ɓakuli, sǝ Ɓakuli ka nda aɓa dotarǝu andǝi.

Sǝna 13:8

Aɓwana kat mǝnana à ndanǝ do a ɓanza ka, à nǝ̀ peri aban nyamɓikea, yì aɓwana mǝnana tite a share ɓanza ka, lullǝia pà kàm a gilǝe aɓa Malǝmce raka, yì Malǝmce Yilǝmu mala Mǝgam mǝnana à pwan meali ka.

Sǝna 17:8

Mǝno yì nyamɓikea a sǝni ka, ndakam ɗiɗyal nǝ yilǝmu, ado ka pà kàm ɗang, sǝ banì pà nǝ̀ sau ɗang ndo nǝ ngga puro aɓa tuli-tàtǝkǝtè, sǝ nǝ̀ kutio nǝ̀ ká lú mǝnana málá male pà kàm raka. Aɓwana mǝnana à ndanǝ do a ɓanza, amǝnana pur a share ɓanza ka, à gilǝ lullǝia aɓa Malǝmce Yilǝmu raka, à nǝ̀ ndali nǝ nyare-yiu mala man yì nyamɓikea mǝnana wú ɗiɗyal ka.