3 Yohana 1:5 - Maləmce Məfele mala Ɓakuli: Kurcau Məbəshe

⁵ Gyajam mem mǝnana ǝn earkiyi ace raka, a nda ban lǝmndǝ do nǝ mǝsǝcau aɓa gbasha mǝnana a kǝ́ pea amǝ'eamrǝarǝu amǝgya-kutio ka, ko ɓǝ̀ do ama yia ka abǝri na ka.

3 Yohana 1:5 ပူးပေါင်းရင်းမြစ်များ

Matiu 24:45

Yana ɓwe nda guro mǝ'mǝsǝcau nì andǝ mǝsǝle mǝnana mǝtala-ɓala male twali tsǝi amur acili aguro, ɓǝ̀ kǝ pea wia girlina a bu-pwari mǝnana kasǝ ka?

Matiu 25:16

Mǝturo-ɓala mǝnana à pe wi luru mǝsǝboalo tongno ka wario kya nggaliki nǝi, pǝlǝa kum mur luru tongno amur amǝno.

Luka 12:42

Mǝtalabangŋo Yesu eare ama: Yana nda muna-ɓala mǝnana mǝsǝle na, à nǝ̀ earnǝi ka? Yì ka, nda ɓwa mǝnana mǝtala-ɓala male nyinggi wi ɓala a bui, ɓǝ̀ pe acilia amuna-ɓala girlina ɓǝ̀ pwari malea pangŋǝna ka.

Amǝ Mishan 1:15

Aɓalǝ anongŋo mǝno ka, amǝkpata Yesu yiu à yì rambǝa abanɓwáná, lakki malea kat ka nda gbǝman nǝ lumi-ɓari. Pǝlǝa Bitǝrus lo came na cau ama:

Amǝ Roma 12:13

Wu kǝ gau gir ma'wun ace bwalia aɓwana mala Ɓakuli mǝnana à nda aɓa tǝle ka; wu kànì ak abǝri.

Amǝ Galati 6:10

Ace mani ka, ɓǝ̀ sǝm kum dǝmbǝu ka, ɓǝ̀ sǝm pakkî koyana le ka mǝɓoarne, nggeamurǝmi ka, amǝ'eamrǝarǝu mǝnana sǝm nda aɓa paɓamuru mǝ'mwashati sǝnǝia aban Kǝrǝsti ka.

Amǝ Kolosi 3:17

Sǝ ɓǝ̀ mana kat wu nǝ̀ pa, ko wu nǝ̀ na ka, wu pe nǝ ɗenyicau ama wu nda ban pe kǝla amǝnakun Mǝtalabangŋo Yesu, wu kǝ pakki Tar sǝm Ɓakuli yàwá nǝ bani yì Kǝrǝsti.

Amǝ Ibǝru 13:2

Wu kǝa aulǝ nǝ ak abǝri ɗang. Acemǝnana anggo sǝ aɓea aɓwana mǝnana à kǝ ak abǝri ka, à kumo à ak amǝturonjar a ɓala malea, sǝ à sǝlǝ ɗang.

3 Yohana 1:10

Ɓǝ̀ ǝn yina ka, mǝ nǝ yia loasǝ acau mala agir mǝnana kǝ pea ka: acau kiɗiki ɓwa mǝnana kǝ nea amur sǝm sǝ tǝria pà kàm raka. Nggearǝ mǝno ka, kārǝí ɗang, yì nǝ ɓamuri ka kǝ ɓinǝ ak amǝ'eamrǝarǝu. Sǝ aɓwana mǝnana à eare à nǝ̀ ea ka, kǝ pǝrkia, sǝ ɓǝa ɓine à ea ka, kara nǝ̀ pusǝia, ɓǝa puri ɓa ikǝlisiya.

3 Yohana 1:3

Ən pak banɓoarnado kǝrkǝr, nǝ cau mǝnana aɓea amǝ'eamrǝarǝu yiu à yì na amur do mǝsǝcau mo kǝla mana a kǝ gya aɓa mǝsǝcau ni ka.