3 Yohana 1:2 - Maləmce Məfele mala Ɓakuli: Kurcau Məbəshe

² We gyajam mem mǝnana ǝn earkiyice nǝ mǝsǝcau ka, eare mem ngga nda mǝnana ama, koya gir ka nǝ̀ ginggo a kǝkari sǝ wu dum nǝ rǝpwala aɓa nggūrǝo, kǝla mǝnana a ndanǝi aɓa do ɓa bangŋo mo ka.

3 Yohana 1:2 ပူးပေါင်းရင်းမြစ်များ

Matiu 9:12

Yesu nǝ̀ ok man yì cau ka pǝlǝa earia wia ama, “Aɓwana mǝnana rǝia bang ngga kǝgir oasǝia arǝ mǝsonzǝo ɗang; amǝkwano na à alkiyita mǝpaɓuri ka.

Amǝ Filipi 2:27

Aɓa mǝsǝcau ka, rǝì kwani kǝrkǝr, yale ue bǝti ɓǝ́ wuna. Sǝ Ɓakuli sǝn mǝsǝswatǝr male andǝ mem gbal, sǝ amsǝi, ace mǝnana bumkiɗikea mem ɓǝ̀ kǝa gul kǝrkǝr ɗang.

Amǝ Filipi 2:4

Wu tsǝk kir aɓwana kǝla mǝnana wu nǝ̀ tsǝk kir ɓamur rǝ wun ngga.

2 Amǝ Tasalonika 1:3

Wun amǝ'eam sǝm, dumǝna sǝm púp ɓǝ̀ sǝm nggǝ ɓwangsǝ Ɓakuli a koya pwari, ace wun, sǝ anggo ka ndanǝ ɓoaro acemǝnana paɓamuru ma'wun ngga, nda rǝ lidǝmbǝa kǝrkǝr, sǝ earcearǝu mǝnana wu ndanǝi arǝarǝ wun ngga ndarǝ gulo.

2 Amǝ Tasalonika 2:13

Sǝ sǝm ngga, ndanǝ ɓoaro ɓǝ̀ sǝm nggǝ pakki Ɓakuli yàwá ace wun, wun amǝ'eamrǝarǝu mǝnana Mǝtalabangŋo earkiyi acea raka. Ɓakuli ka tarki wun kǝla aɓǝla agir mǝdǝmbe ace amsǝ wun, ɓǝ̀ wu duk aɓwana male, nǝ rǝcandǝa mala Bangŋo male, sǝ nǝ paɓamuru ma'wun arǝ mǝsǝcau ka.

Jemis 5:12

Wun amǝ'eambǝam, a dǝmbǝa nǝ ko yia gir ka, wu kǝa kángir ɗang, ko “nǝ kuli,” ko “nǝ nzali,” ko nǝ kǝgir ɗang. Cau ma'wun ngga ɓǝ̀ kǝa kuti “E” ko “Awo” ɗang. Ɓǝ̀ ana raka, ɓashi mala Ɓakuli nǝ̀ bwal wun.

1 Bitǝrus 4:8

Gir mǝnana kutibanì kat ka, wu lidǝmbǝa nǝ lǝmndǝì arǝ wun earcearǝu mǝlime, acemǝnana earcearǝu ka, kǝ gír múr acauɓikea pas.

2 Bitǝrus 3:18

Wun ngga, wu lidǝmbǝa nǝ gulo aɓa ɓwamuru andǝ surǝe Mǝtala sǝm andǝ Mǝ'amsǝ sǝm Yesu Kǝrǝsti. Gulo kat ka, male na, ado, andǝ mǝnana málá male pà kàm raka. Amin.

3 Yohana 1:1

Mǝnia yì cautera ka, pur nǝ banam, mim ɓwamǝgule Yohana aban ká aban Gayus, gyajam mem mǝ'mǝsǝcau nì, mǝnana ǝn earkiyi ace raka.

Sǝna 2:9

Ən sǝlǝna rǝ ce tanni mǝnana a nda a ɓalǝi ka. Sǝ ǝn sǝlǝna rǝ ce tǝ̀r mo, sǝ kat andǝ mǝno ka, a nda mǝkume! Mǝ ndanǝ sǝlǝe mala acau kiɗiki ɓwa mǝnana amǝ ɓinǝmǝsǝo bangŋa a muro ka; yia ka à ndaka aɓwana mǝnana à twali ɓamuria ama à ndaka amǝ Yahudi, sǝ à nda raka. Aɓwana mala ndakpapi mala Shetan na.