2 Yohana 1:12 - Maləmce Məfele mala Ɓakuli: Kurcau Məbəshe

¹² Mǝ ndanǝ acau mǝnana ǝn earce mǝ nǝ na wun ngga, sǝ ǝn earce mǝ nǝ gilǝia nǝ gilǝe ɗang. Acemǝnana mǝ ndanǝ tsǝkɓalǝu mala yiu aban wun tù, sǝ mǝ nǝ yia na wun nǝ nggearǝam, ace mǝnana ɓǝ̀ banɓoarnado ma'sǝm lumsǝo.

2 Yohana 1:12 ပူးပေါင်းရင်းမြစ်များ

Yohana 15:11

Ən bangga wun agir mǝnia ka, ace mǝnana ɓǝ̀ bumpwasǝa mem do aɓalǝ wun, sǝ ɗǝm ngga, ɓǝ̀ bumpwasǝa ma'wun ɓǝ̀ lumsǝo.

Yohana 16:12

Mǝ ndanǝ agir kam pas mǝnana ǝn earce na wun ngga, sǝ pà wu nǝ̀ gandǝ ea ado ɗang.

Yohana 16:24

Yale ado ka wu malaká zǝm kǝgir aɓa lullǝam ɗang: wu zǝmbǝa sǝ à nǝ̀ pà wun, sǝ bumpwasǝa ma'wun nǝ̀ lumsǝo.

Yohana 17:13

Adyan ngga mǝ ndya ǝn nggǝ ká abano ka. Ən nggǝ banggia wia amǝnia yia cau mǝnana mǝ ndakani piu amǝnia yì ɓanza ka, acemǝnana ɓǝa lumsǝ nǝ bumpwasǝa mem.

Yohana 3:29

Manfela ka mala bura-manfela na; sǝ murǝm gyajam mala bura-manfela mǝnana cam aban kundǝe kǝ kwakikiri a rǝì ka, ban kǝ ɓoari wi arǝ ok gi bura-manfela. Mim gbal ka, ban kǝ ɓoaram arǝ cau mǝno wu banggam ngga.

Amǝ Roma 15:24

Ən kanìna mǝ nǝ pǝlǝa aban wun, ɓǝ̀ mǝ nǝ kutio aban ká a Sǝpen ngga. Mǝ nǝ sǝn wun, yale wu nǝ̀ tsǝktam aban ka abanì, anzǝm mǝnana ǝn dumǝna aban wun zuku ka.

2 Timoti 1:4

Ɓǝ̀ ǝn ɗenyi nǝ mǝrǝm mǝnana a sukki a pwari gauwa ma'sǝm ngga, nzal sǝno kǝ pakkam. Ban nǝ̀ ɓoaram kǝrkǝr, yi mǝnana ɓǝ̀ sǝm kum ɓamur rǝ sǝm a tarǝ sǝm ɗǝm ngga.

Filimon 1:22

Cau mwashat ɗǝm ngga, ida, gilǝki ban-sulǝo acem, acemǝnana mǝ ndanǝ tsǝkɓalǝu ama Ɓakuli nǝ̀ ak ahiwi ma'wun, sǝ à nǝ̀ panzǝam mǝ nyare aban wun, banì pà nǝ̀ sau ɗang.

Amǝ Ibǝru 13:19

Ən nggǝ pà zǝmbǝa mem aban wun nǝ ɓuakiarǝu mǝcande ama wu pak hiwi ɓǝ̀ Ɓakuli tsǝa mǝ nyar ɗǝm tu aban wun.

Amǝ Ibǝru 13:23

Ən nggǝ earce wu sǝlǝ ama à pusǝna mǝ'eam sǝm Timoti a ndàkurban. Ɓǝ̀ yina tu ka, sǝm nǝ̀ ká sǝnǝi aban wun.

1 Yohana 1:4

Sǝm nggǝ gilǝ amǝnia yì agir ka, ace mǝnana ɓǝ̀ banɓoarnado ma'sǝm kat ɓǝ̀ lumsǝo.

3 Yohana 1:10

Ɓǝ̀ ǝn yina ka, mǝ nǝ yia loasǝ acau mala agir mǝnana kǝ pea ka: acau kiɗiki ɓwa mǝnana kǝ nea amur sǝm sǝ tǝria pà kàm raka. Nggearǝ mǝno ka, kārǝí ɗang, yì nǝ ɓamuri ka kǝ ɓinǝ ak amǝ'eamrǝarǝu. Sǝ aɓwana mǝnana à eare à nǝ̀ ea ka, kǝ pǝrkia, sǝ ɓǝa ɓine à ea ka, kara nǝ̀ pusǝia, ɓǝa puri ɓa ikǝlisiya.