2 Yohana 1:10 - Maləmce Məfele mala Ɓakuli: Kurcau Məbəshe

¹⁰ Ɓǝ̀ kǝɓwa yiu aɓa kpapi ma'wun, sǝ yinǝ mǝnia yì kanigir raka, wu kǝa é arǝ aɓala ma'wun, ko wu cianda ɗang.

2 Yohana 1:10 ပူးပေါင်းရင်းမြစ်များ

Amǝ Mishan 15:23

À tasǝia nǝ mǝnia yì cautera ka: Cau mǝnia ka pur aban sǝm, amǝ'mishan andǝ aɓwana-mǝgule amur amǝkwaɗi, amǝ'eam wun. Sǝm nggǝ tasǝ makkun aban amǝ'eamrǝarǝu kat, mana amǝ Yahudi na raka, mana à ndanǝ do a Antiyok, andǝ acilia aban aɓalǝ abu-nzali Suriya, andǝ Sǝlisiya ka.

1 Amǝ Korinti 16:22

Ɓǝ̀ kǝɓwa kǝ earce Mǝtalabangŋo raka, ɓǝ̀ suban sulǝo amur ɓwe! Marana tha - Mǝtala sǝm, yiu!

1 Amǝ Korinti 5:11

Ɓa cau mǝnana ǝn nggǝ na ka nda mǝnia ka. Wu pa wu nǝ̀ kpapi do a tarǝ wun wunǝ ɓwa mǝnana tunǝ ɓamuri ama yì ka, mǝ kpata Yesu na, sǝ do aɓa cauɓikea nongginǝ aban, ko do mɓali, ko mǝ kpata alú na ka ɗang. Sǝ pà wu nǝ̀ kpapi do gbal wunǝ ɓwa mǝnana mǝ do na'nyir amur aɓwana na, ko mǝ walki a walo mba na, ko mǝɓǝmbǝriban na ka ɗang. Wu kǝa na ama wu nǝ̀ do wu nǝ̀ li girlina a tarǝ wun wunǝ ulang mǝnia yì ɓwa ka ɗang.

2 Amǝ Tasalonika 3:14

Wu tsǝk kir wun arǝ ɓwa mǝnana ɓinǝ kpata cau mǝnana sǝm ne aɓa mǝnia yì cautera ka. Wu purî njargula male, ace mǝnana ɓǝ̀ kǝsǝkya kumi.

2 Amǝ Tasalonika 3:6

Wun amǝ'eamrǝarǝu, sǝm nggǝ na wun aɓa lullǝ Mǝtala sǝm Yesu Kǝrǝsti ama, wu puri njar mala aɓwana mǝnana à na ama yia ka amǝkpata Yesu na, sǝ à kǝ dukdo nkundǝr, à kǝ kpata agir mǝnana sǝm kania wun ngga raka.

Titus 3:10

Ɓwa mǝnana kǝ yinǝ gakia ka, kanì a nunkiri kusǝ mwashat, andǝ ɓaria, sǝ nggaɗi raka, nying buo arǝ ɓwe.

2 Yohana 1:11

Ɓwa mǝnana kat ak mǝnia yì ɓwa ka, oasǝna bui aɓa turo ɓealɓikea male.

3 Yohana 1:10

Ɓǝ̀ ǝn yina ka, mǝ nǝ yia loasǝ acau mala agir mǝnana kǝ pea ka: acau kiɗiki ɓwa mǝnana kǝ nea amur sǝm sǝ tǝria pà kàm raka. Nggearǝ mǝno ka, kārǝí ɗang, yì nǝ ɓamuri ka kǝ ɓinǝ ak amǝ'eamrǝarǝu. Sǝ aɓwana mǝnana à eare à nǝ̀ ea ka, kǝ pǝrkia, sǝ ɓǝa ɓine à ea ka, kara nǝ̀ pusǝia, ɓǝa puri ɓa ikǝlisiya.