2 Yohana 1:1 - Maləmce Məfele mala Ɓakuli: Kurcau Məbəshe

¹ Mǝnia yì cautera ka, pur nǝ banam, mim jamgula Yohana aban ká aban Nggeaka amuna mǝnana Ɓakuli tárì, andǝ amuni, mǝnana ǝn earcea nǝ mǝsǝcau ka. Mǝ nda nǝmurǝam ǝn earkiyi ace wun ngga ɗang, sǝm nda kat sǝnǝ aɓwana mǝnana à surǝna rǝ mǝsǝcau ka.

2 Yohana 1:1 ပူးပေါင်းရင်းမြစ်များ

Luka 1:3

Ace mani ka, we Ɓwamǝgule Tiyofulus, ǝn bǝl atǝ́r ace pepe, sǝ ǝn sǝni ka ɓoaro ɓǝ̀ ǝn gilǝo wia kǝla mǝnana à kwaɗi rǝia ka.

Yohana 8:32

Sǝ wu nǝ̀ surǝ mǝsǝcau, sǝ mǝsǝcau ka nǝ̀ panzǝki wun.”

Amǝ Mishan 11:30

Anggo sǝ à pa, à tasǝ boale aban aɓwana-mǝgule mala amǝkwaɗi nǝ bu Barnabas andǝ Sawul.

Amǝ Roma 16:13

Wu makki Rufus kun, yi mǝnana Mǝtalabangŋo tàrì ɓǝ̀ duk male ka. Wu makki ngge kun, acemǝnana yì ka, bwalam kǝla muni gbal.

Amǝ Galati 2:14

Lang ǝn sǝni à kǝ̀ kpata ɓafo mala Cau Amsǝban raka, pǝlǝa ǝn ne Bitǝrus a ɓamǝsǝ ɓwapǝndǝa bwāng ama: We ka, a nda ɓwa Yahudi, sǝ a kǝ duk ulang do mala aɓwana mǝnana amǝ Yahudi na raka. Sǝ palang adyan, sǝ a kǝ earce tsǝk aɓwana mǝnana amǝ Yahudi na raka, ɓǝa duk ulang do mala amǝ Yahudi?

Amǝ Galati 2:5

Sǝ sǝm ɓinǝ gbal kpekpe, sǝm nyinggia wia njargula ko bǝti ɗang. Eare ma'sǝm ngga, ɓǝ̀ sǝm yal mǝsǝcau mala Cau Amsǝban ace wun.

Amǝ Galati 3:1

Wun amǝ Galati mǝnana wu gǝmi ka. Yana ɓwe pyauta wun? Nda àkǝ̀ ɓamǝsǝ wun sǝ à bǝlki ce lú mala Yesu Kǝrǝsti amur nggun-gangndi.

Amǝ Galati 5:7

Wu tite ka, wu nda arǝ lidǝmbǝa pepe. Sǝ yana yi tamsǝ wun ɗǝm arǝ kpata mǝsǝcau?

Amǝ Kolosi 1:5

Mǝno yì paɓamuru andǝ earcearǝu ma'wun ngga, pur aɓa tsǝkɓalǝu ma'wun arǝ agir mǝnana Ɓakuli tsǝka wunì a kuli ka, mǝnana wu okce aɓa mǝsǝcau mala Cau Amsǝban

1 Timoti 2:4

mǝnana eare male na koyan ngga, ɓǝ̀ kum auwa sǝ ɓǝ̀ surǝ mǝsǝcau ka.

Amǝ Ibǝru 10:26

Ɓǝ̀ sǝm gine sǝ sǝm lidǝmbǝa nǝ pak cauɓikea kpakpak, anzǝm mǝnana sǝm sǝlǝna rǝ mǝsǝcau ka, kǝ ɓe gir'nkila pà kàm mǝnana ueo ɗǝm à nǝ̀ pa ace twalban acauɓikea ka ɗang.

1 Bitǝrus 1:2

Ɓakuli Tárru aɓa kane male ka tàr wun ɗiɗyal ɓǝ̀ wu duk aɓwana male nǝ́ turo mala Bangŋo ace oki Yesu Kǝrǝsti, andǝ kum lakban aɓa nkila male. Ɓǝ̀ Ɓakuli hatǝki wun nǝ ɓwamuru andǝ dorǝpwala.

1 Bitǝrus 5:1

Mǝ nda rǝ ɓakɓabum aɓwana-mǝgule mǝnana aɓalǝ wun ngga kǝla ɓi'wun ɓwamǝgule. Ən sǝn nutanni mala Kǝrǝsti nǝ amǝsǝam, sǝ mim gbal ka, mǝ nǝ kum kāmbe mem aɓa ɓoarɓwa male, yi mǝnana ɓǝ̀ yi pusǝna rǝì aban ɓanza ka.

1 Bitǝrus 5:13

Ikǝlisiya kani a Babila, mǝnana Ɓakuli tár wun wunǝia ɓe wu duk amale ka, kǝ makka wun kun. Sǝ munem, yì Markus ka, kǝ makka wun kun gbal.

1 Yohana 2:21

Ən pa aban gilǝa wun acemǝnana wu surǝ mǝsǝcau raka ɗang, wu surǝna rǝì, sǝ wu sǝlǝna ama mǝsǝcau kǝ ɓǝl nyir ɗang.

1 Yohana 3:18

Wun amunem, earcearǝu ma'sǝm ngga, ɓǝ̀ kǝa ueo a mburkun ɗang, ɓǝ̀ duk mǝ'mǝsǝcau nì, mǝnana kǝ lǝmndǝ rǝì aɓa pě ka.

2 Yohana 1:13

Amuna mala mǝ'nggauleo mǝnana Ɓakuli tárì ka, à kǝ makko kun.

2 Yohana 1:5

Adyan ngga, we Nggeaka amuna, ǝn nggǝ zǝmbǝo, ɓǝ̀ sǝm earce rǝarǝ sǝm. Mǝnia ka bǝsa nzongcau na ǝn nggǝ gilǝa wun ngga ɗang; nda kǝ nzongcau mǝnana sǝm ndanǝi a tite ka.

3 Yohana 1:1

Mǝnia yì cautera ka, pur nǝ banam, mim ɓwamǝgule Yohana aban ká aban Gayus, gyajam mem mǝ'mǝsǝcau nì, mǝnana ǝn earkiyi ace raka.