2 Timoti 4:8 - Maləmce Məfele mala Ɓakuli: Kurcau Məbəshe

⁸ Sǝ ado ka, tangnakusǝam, yì jeko mala turo-cauɓoarna ka, nda rǝ kundǝam, mǝnana Mǝtalabangŋo, Mǝɓashi aɓa mǝsǝcau nǝ̀ pam a Pwari nyare male ka. Sǝ tangnakusǝu man ngga pa acem nǝmurǝam ɗang, nda gbal acea aɓwana mǝnana kat à kǝ earce yiu male ka.

2 Timoti 4:8 ပူးပေါင်းရင်းမြစ်များ

Matiu 24:36

Kǝ ɓwa surǝ pwari ko bu-pwari mǝnana Muna mala Ɓwa nǝ̀ yiu nǝi ka ɗang. Amǝturonjar mǝnana a kuli ka à surǝì ɗang, ko nggearǝ Muna mala Ɓakuli ka surǝì ɗang, she kǝ Ɓakuli nǝmurǝì.

Matiu 7:22

A masǝlǝata apwari ka aɓwana pas nǝ̀ yiu à nǝ̀ nam ama, “Mǝtalabangŋo, Mǝtalabangŋo, nǝ lullǝo sǝ sǝm hamnǝ cau re, sǝ nǝ lullǝo sǝ sǝm pusǝki akukwar, sǝm pakki agir-ndǝlǝki pas re?”

Luka 10:12

Ən nggǝ na wun, a pwari ɓashi ka, ɓashi mala Ɓakuli amur mǝno yì la ka nǝ̀ cande nǝ̀ kuti mala amǝ Sodom.

Amǝ Roma 2:5

Sǝ acemǝnana we ka a ndanǝ murcandǝa, a ɓinǝ nying buo arǝ cauɓikea ka, a nda rǝ rambǝi ɓamuro candǝna tanni. Acemǝnana pwari mala bumlulla na kǝ yiu ka, mǝnana ɓashi mǝɓafoe mala Ɓakuli nǝ̀ lǝmndǝ rǝì ka.

Amǝ Roma 8:23

Sǝ yìa agir ka, à nda mǝnana nǝmurǝia à kǝ inggi ka ɗang; nggearǝ sǝm mǝnana sǝm kumǝna Bangŋo Mǝfele mana ndà mǝdǝmbe mala aɓoro mǝnana Ɓakuli nǝ̀ pa sǝm ngga, sǝm nggǝ ingge aɓa ɓalǝ sǝm. Sǝ aɓa ingge anggo ka, sǝm nggǝ kundǝ arǝ Ɓakuli nǝ̀ rǝɓǝla, ɓǝ̀ yinǝ sǝm aɓa kum lumsǝo ma'sǝm abani mala duk amuna male, mǝnana anggurǝ sǝm nǝ̀ kum panzǝban a bu cauɓikea, andǝ tanni, andǝ lú ka.

1 Amǝ Korinti 2:9

Kǝla mǝnana Malǝmce bang ngga, “Kǝ mǝsǝu malaká sǝn ɗang, kiru malaká ok ɗang, yale malaká kutio aɓa ɗenyicau mala kǝɓwa ɗang, gir mǝnana Ɓakuli gilǝkini ace aɓwana mǝnana à kǝ earce ka.”

1 Amǝ Korinti 3:13

turo mala ko ya ɓwa ka nǝ̀ pusǝrǝi, acemǝnana a Pwari mala Kǝrǝsti ka, tea nǝ̀ puro. Bǝsa na nǝ̀ pusǝ tea ka. Sǝ bǝsa na nǝ̀ karǝki koya turo nani ɓwa pè ka.

1 Amǝ Korinti 9:25

Aɓwana mǝnana kat à nǝ̀ kutio aɓa pakiɗire ɓanggi-amire ka, dumǝna ama à nǝ̀ pa rǝia ace kwar rǝǔ mala ɓangmire. Yia ka à kǝ pa anggo ace mǝnana à nǝ̀ kum tangnakusǝu mana nǝ̀ mal ka; sǝ ma'sǝm ngga, sǝm nggǝ pe ace tangnakusǝu mǝnana pà nǝ̀ mal raka.

2 Amǝ Korinti 5:2

Aɓa mǝnia yì gumli ka, sǝm nggǝ ingge, rǝ sǝm kǝ ɓǝla ace kutia ɓala mǝnana a kuli ka, kǝla oasǝ bǝsa agir-nggurǝu.

Amǝ Filipi 3:11

nǝ́ tsǝkɓalǝu ama, ko lang ngga mǝ nǝ kum lo a ɓembe.

Amǝ Kolosi 1:5

Mǝno yì paɓamuru andǝ earcearǝu ma'wun ngga, pur aɓa tsǝkɓalǝu ma'wun arǝ agir mǝnana Ɓakuli tsǝka wunì a kuli ka, mǝnana wu okce aɓa mǝsǝcau mala Cau Amsǝban

1 Amǝ Tasalonika 1:10

Ɗǝm ngga à bang cau mala do kundǝmuru ma'wun arǝ yiu mala Muna mala Ɓakuli nǝ kuli, yì muna male mana loasǝi a ɓembe ka. Nda Yesu mana nda mǝ'amsǝ sǝm a bu tanni mala bumlulla mǝɓike mala Ɓakuli mǝnana kǝ yiu ka.

1 Amǝ Tasalonika 5:4

Sǝ wun amǝ'eambǝam ngga, wu pa ɗǝm aɓa pǝndǝa ɗang, mǝnana mǝno yì pwari ka nǝ̀ yia yasǝlǝ wun kǝla yiu mala mǝn'i ka ɗang.

2 Amǝ Tasalonika 2:8

Sǝ à nǝ̀ yia lǝmndǝi, yì Ɓwa mala Cauɓikea, mǝnana Mǝtalabangŋo Yesu nǝ̀ wal-lui nǝ yálí kuni, sǝ nǝ̀ kiɗiki rǝcandǝa male nǝ̀ nyesǝi ɓà, nǝ́ tǎ mala ɓoarɓwa mala yiu male ka.

1 Timoti 6:19

Aɓa pe mǝno anggo ka, à nǝ̀ nggǝ rambǝi ɓamuria gǝna mana nǝ̀ dupia wia tǝr kum do mǝɓoarne a nza mǝnana kǝ yiu ka, sǝ do nǝ yilǝmu mǝɓafoe ka à nǝ̀ kumi nǝ̀ duk malea.

2 Timoti 1:10

Sǝ ado ka, lǝmndǝna sǝmi bwāng nǝ yiu mala Kǝrǝsti Yesu, Mǝ'amsǝ sǝm, mǝnana ɓun rǝcandǝa mala lú, pǝlǝa lǝmndǝa sǝm njar mala yilǝmu mǝnana málá male pà kàm raka, aɓa Cau Amsǝban.

2 Timoti 1:12

Nda gir mǝnana tsǝa sǝ ǝn nggǝ nu tanni kǝla mǝno mǝ nda a ɓalǝi ka. Sǝ mim ngga, kǝsǝkya kǝ pakkam arǝ mani ɗang, acemǝnana ǝn surǝna rǝ ɓwa mǝnana ǝn guli a rǝì, sǝ ǝn sǝlǝna ama gir mǝnana ǝn nyingŋǝni wi a bui ka, nǝ̀ gandǝ bwale ba pwari nyare male.

2 Timoti 1:18

Ɓǝ̀ Ɓakuli lǝmndǝì wi ɓwamuru ɓǝ̀ kum earmuru a pwari nyare yiu mala Kǝrǝsti. Sǝ we ka a sǝlǝna rǝ ulang gbasha mǝnana pam a Afisu ka.

2 Timoti 2:5

Anggo gbal, ɓwa mǝnana nda aɓalǝ amǝ karǝki amire ka, kǝ li ɗang, she ɓǝ̀ ɓangŋǝna mire masǝlǝna te pepe, kpana ata nggurcau mǝnana à tsǝki amǝ mire ka.

2 Timoti 4:1

Ən nggǝ nunkiro a ɓadǝm Ɓakuli andǝ Kǝrǝsti Yesu, mǝnana nǝ̀ yia ɓashì aɓwana mǝnana à ndanǝ yilǝmu andǝ amǝnana à wuna ka, a pwari yiu male mǝnana nǝ̀ yiu a dumsǝ domurǝm male ka.

Titus 2:13

Ɓǝ̀ do ma'sǝm pǎ anggo a pa mǝnana sǝm nda rǝ kundǝ mǝno yì tsǝkɓalǝu mana nǝ̀ yia lumsǝ sǝm nǝ bumpwasǝa ka, yì tsǝkɓalǝu arǝ yiu mala Ɓakuli ma'sǝm mǝgule, Yesu Kǝrǝsti Mǝ'amsǝban, aɓa tǎ mala ɓoarɓwa male.

Amǝ Ibǝru 12:11

Koya nunkiru ado ka pà pǝlpǝl ɗang, kǝ kwanrǝu. Sǝ nǝ nzǝmo ka, kǝ pusǝ ɓǝle mala dorǝpwala andǝ ɓealɓoarna aban aɓwana mǝnana à kum kanigir aɓa kwarkiruî ka.

Amǝ Ibǝru 9:28

anggo gbal, Kǝrǝsti wu kusǝ mwashat ɓǝrɓǝr ace mǝnana ɓǝ̀ twalban cauɓikea mala ɓwapǝndǝa pas ka. Nǝ̀ ngga yiu ɗǝm, sǝ pà ace twalban cauɓikea ɗang, nda ace mǝnana nǝ̀ yia amsǝ aɓwana mǝnana à kǝ kundǝi nǝ rǝɓǝla ka.

Jemis 1:12

Ɓakuli nǝ̀ tsǝkbu amur aɓwana mǝnana à dum nǝ mǝsǝcau abani aɓa karǝkiban mana yiu amur paɓamuru malea ka. Acemǝnana ɓǝa camǝna kàngkàng ngga, a masǝlǝate ka à nǝ̀ kum tangnakusǝu mala yilǝmu mǝnana Ɓakuli pacau ama nǝ̀ pea aɓwana mǝnana à lǝmndǝi wi earcearǝu ka.

1 Bitǝrus 1:4

andǝ kum liɓala mǝnana pà nǝ̀ kìɗìkí ko nǝ̀ è, nǝ̀ mal raka; liɓala mǝnana à tsǝngŋǝna wuni kano a kuli ka.

1 Bitǝrus 5:4

Sǝ ɓǝ̀ Gbani mala ayalgir yi pusǝna rǝì ka, wu nǝ̀ kum mbulan-gulo mǝɓoarne mǝnana pà nǝ̀ è raka.

Sǝna 1:7

Wu sǝni! Ndya kǝ yiu aɓalǝ apǝrɓang a kuli ka. Koya ɓwa ka nǝ̀ sǝni, kat andǝ aɓwana mǝnana à zuɓi nǝ kaɗa ka; sǝ akún mǝnana a ɓanza ka, à nǝ̀ ɓua ace. E, anggo sǝ ɓǝ̀ pa! Amin.

Sǝna 19:11

Pǝlǝa ǝn sǝn kuli mǝna, sǝ ǝn sǝn pǝ̀r mǝpwasǝe aban came kam. Ɓwa mǝnana do a nzǝmi kwakiyi ka, lullǝi nda Mǝ'mǝsǝcaunì andǝ Mǝɓafoe. Aɓa ɓashiki aɓashi male andǝ munǝki amunǝo male ka, kǝ kpata agir kat a nzongŋi.

Sǝna 2:10

Ɓangciu ɓǝ̀ kǝa pakko arǝ tanni mǝnana ndo nǝ̀ kumo ka ɗang. Sǝni, Shetan no nǝ̀ ngga oasǝ aɓea aɓwana ata wun a ndàkurban ace mwam wun, sǝ ndo wu nǝ̀ kum tanni mǝkwane arǝ anongŋo lum. Wu bwal paɓamuru ma'wun abanam pepe, ko ɓǝ̀ nǝ̀ ká lú ka, sǝ mim ngga mǝ nǝ pa wun tangnakusǝu mala yilǝmu.

Sǝna 22:20

Yì, yì ɓwa mǝnana kǝ bangŋa ama amǝnia yì agir ka mǝsǝcau na ka, kǝ na ama, “E, mǝ ndya ǝn nggǝ yiu adyan tu ka!” “Amin! Yiu, Mǝtalabangŋo Yesu!”

Sǝna 4:10

Aɓa mǝno anggo ka aɓwana-mǝgule lumi-ɓari-nong-ine gbal ka, à nǝ̀ kpa a nzali a ɓadǝm ɓwa mǝnana do amur bunomurǝm ngga. À nǝ̀ peri abani, yì ɓwa mana ndanǝ yilǝmu mana málá male pà kàm raka. Lang ɓǝ̀ à nda aɓa peri anggo ka, à nǝ̀ nongsǝ ambulan-murǝm malea a ɓadǝm bunomurǝm nì sǝ à nǝ̀ bangŋa ama:

Sǝna 4:4

Aɓea abuno-murǝm lumi-ɓari-nong-ine gumbǝli mǝnia yì bunomurǝm ngga a ɓalǝu, nǝ aɓwana-mǝgule lumi-ɓari-nong-ine aban do amuria. À oasǝ adaura pwasǝa a rǝia andǝ ambulan zǝnariya a ɓamuria.