2 Timoti 4:5 - Maləmce Məfele mala Ɓakuli: Kurcau Məbəshe

⁵ Sǝ we ka, hami rǝo aɓa koya ulang ɓealǝu mala do, dumnǝ gandǝrǝu aɓa nutanni, pak turo mala Mǝhama, lumsǝ turo mǝnana a pakkiyi ace Ɓakuli ka.

2 Timoti 4:5 ပူးပေါင်းရင်းမြစ်များ

Matiu 25:16

Mǝturo-ɓala mǝnana à pe wi luru mǝsǝboalo tongno ka wario kya nggaliki nǝi, pǝlǝa kum mur luru tongno amur amǝno.

Markus 13:34

Yiu mala Muna mala Ɓwa ka à nǝ̀ kànì arǝ ɓwa mǝnana lo nǝ̀ o a bǝri ka. Nǝ̀ ɗeki ɓala ka, nying turo a bu aguro male, koyan ngga nǝ turo mǝnana nǝ̀ nggǝ pak ka. Sǝ ne mǝyal kunɓala ɓǝ̀ kundǝmur nyare male.

Markus 13:37

Mǝ ndarǝ na wun cau mana ǝn nggǝ ne koyana le ka, wu dum nǝ mǝsǝ wun aɓa gilǝrǝu!

Luka 12:37

Ban nǝ̀ ɓoari amǝno yia amuna-ɓala ka, yì mǝnana ɓǝ̀ mǝtala-ɓala yiu yi kumia andǝ amǝsǝia ka. Ən nggǝ na wun ɓafo, nǝ̀ kur rǝì, nǝ̀ nea wia ɓǝa do, sǝ nǝ̀ pea wia girlina.

Amǝ Mishan 21:8

Ban fana ka, sǝm lidǝmbǝa aban o a nggeala Kaisariya. Akano ka, sǝm yì sulǝo a ɓala mala Filip mǝ hamnǝ Cau Amsǝban. Yì ka, nda mwashat aɓalǝ aburana tongno-nong-ɓari, mǝnana amǝkwaɗi twalia a Urǝshalima ace bwal ban turo gau girlina ka.

Amǝ Roma 15:19

Amur mǝno ka, mǝ nǝ nggori nǝ agir-ndǝlǝki andǝ agir-gyambǝliban mǝnana Kǝrǝsti pea aɓa rǝcandǝa mala Bangŋo mala Ɓakuli ka. Anggo sǝ ǝn hamnǝ Cau Amsǝban mala Kǝrǝsti pupup aɓa gya mem kat, twal a Urǝshalima kya bwal a Ilirikum.

Amǝ Afisu 4:11

Kǝ yì na mǝnana pākiyi aɓwana aɓoro ka; aɓea ɓwana ka pea wia ɓoro mala turo mishan, aɓea aɓwana ka amǝ'ɓangna mala Ɓakuli, aɓea ɓwana ka amǝham nǝ Cau Amsǝban, aɓea ɓwana ka amǝyal aɓwana, sǝ aɓea ɓwana ka amǝkanigir.

Amǝ Afisu 4:12

Pāki amǝno yia aɓoro ka, acemǝnana ɓǝ̀ pea aɓwana male rǝcandǝa mala turo ɓak ikǝlisiya, yì nggūrǝ Kǝrǝsti.

Amǝ Kolosi 1:25

Ɓakuli tsǝngŋǝnami a buam ɓǝn pakki ikǝlisiya, yia amǝkpata Yesu turo, mǝ nggǝ hamnǝ cau male kat aban wun.

Amǝ Kolosi 4:17

Sǝ wu banggi Arkipus mǝnia yì cau ka: “Tsǝkiro arǝ turo mǝnana Mǝtalabangŋo po ka, masǝlǝte.”

1 Amǝ Tasalonika 5:6

Ace mani ka, wu tsǝkir wun, wu kǝa nong'ntulo kǝla acili aɓwana ɗang. Ɓǝ̀ sǝm dum nǝ mǝsǝ sǝm andǝ do aɓa kwaro mala dǝmbǝu.

1 Timoti 4:12

Kǝa eare ɓǝ̀ kǝ ɓwa nyesǝo ɓà, acemǝnana a nda lo-ɓwa ka ɗang. Duk girkani aban amǝkwaɗi aɓa nacau, andǝ domǝɓoarne, andǝ earcearǝu, andǝ paɓamuru, andǝ domǝɓoarnsari mo.

1 Timoti 4:15

Tsǝk amǝnia yì agir ka aɓa turo, pa ɓamuro kat a rǝia, anggo sǝ aɓwana kat nǝ̀ sǝn lidǝmbǝa mo.

2 Timoti 1:8

Ace mani ka, ce kǝsǝkya pakko arǝ banggia aɓwana cau amur Mǝtalabangŋo ɗang. Sǝ ce kǝsǝkya pakko a rǝam gbal ɗang, kat andǝ amani ama mǝ nda a ndàkurban ace Kǝrǝsti ka. Nǝ rǝcandǝa mǝnana Ɓakuli po ka, dum nǝ kur rǝǔ ace nutanni atam ace hamnǝ Cau Amsǝban.

2 Timoti 2:10

Ace mani ka, ǝn earǝna mǝ dum nǝ gandǝrǝu aɓa ko man, ace aɓwana mana Ɓakuli tària ka, ace mǝnana yia gbal ka ɓǝa kum amsǝban mana aɓa Kǝrǝsti Yesu ka, a tarǝia andǝ gulo mǝnana pà nǝ̀ mal raka.

2 Timoti 2:3

Dum nǝ gandǝrǝu aɓa tanni atam kǝla soje mǝɓoarne mala Kǝrǝsti Yesu.

2 Timoti 4:17

Sǝa ma Mǝtalabangŋo na atam sǝ pam rǝcandǝa ace mǝnana ɓǝ̀ ǝn hamnǝ Cau Amsǝban kat ace aɓwana mana amǝ Yahudi na raka ɓǝa oe. Nyar ɗǝm ngga, amsǝam a bu lú, a kuna im mǝnana ɓǝ́ à nǝ̀ turam aɓalǝia ka.

Amǝ Ibǝru 13:17

Wu oki aɓwana mǝnana a múr wun ngga, wu pà ɓamur rǝ wun a ɓatea. Acemǝnana à ndaka amǝyal wun, sǝ à ndaka aɓwana mǝnana Ɓakuli nǝ̀ ngga ɗia amur mǝnia yì turo pea wia ka. Ace mani ka, wu cia ɓǝa pak ture nǝ bumpwasǝa, pà aɓa bumkiɗikea ɗang. Ɓǝ̀ ana raka, pà nǝ̀ ɓoara wun ɗang.

1 Bitǝrus 1:13

Ace mani ka, wu nyesǝ aɗenyicau ma'wun aban mǝ'mwashati aɓa gilǝrǝu ace pakturo. Wu hamí rǝ wun. Wu soa mǝsǝ wun nǝ tsǝk ɓabum wun kat arǝ ɓwamuru mǝnana à nǝ̀ yinǝi aban wun, a pwari mǝnana à nǝ̀ lǝmndǝì ɓanza rǝ Yesu Kǝrǝsti ka.

Sǝna 3:2

Lo, sangsǝ amǝsǝo! Agir mǝnana à ueoko sǝ à malanǝ wu ka, loasǝia ɓǝa dum nǝ rǝcandǝa. Ən kum aturo mo a ɓadǝm Ɓakuli mem ngga, à gatti.