2 Timoti 4:4 - Maləmce Məfele mala Ɓakuli: Kurcau Məbəshe

⁴ À nǝ̀ ɓinǝ mǝsǝcau, à pànǝ earce oe ɗang, à nǝ̀ o ata njarnzǝne.

2 Timoti 4:4 ပူးပေါင်းရင်းမြစ်များ

Matiu 13:15

Ɓabum aɓwana mǝnia ka jimgbǝrina; à kǝ gandǝ okban nǝ akiria ɗang, sǝ yia ka à girkina amǝsǝia. Ɓǝ̀ ana raka mǝsǝia nǝ̀ sǝnban, à nǝ̀ okban nǝ akiria, à nǝ̀ bwalta ɓacau nǝ ɓabumia, sǝ à nǝ̀ pǝlǝa, à nǝ̀ nyare abanam, sǝ mǝ nǝ sonzǝia.”

Amǝ Mishan 7:57

À nǝ̀ ok ana ka, kara à girki akiria nǝ abuia, sǝ nǝ zwalo a kunia bang-bang, à ndashi aban ká a rǝì.

2 Amǝ Tasalonika 2:11

Ace mani ka, Ɓakuli nǝ̀ tasǝia wia swarkiban mǝcande, à nǝ̀ earnǝ nyir.

1 Timoti 1:4

Kǝa earia wia ɓǝa kǝ kiɗiki do ace naki anjarnzǝne andǝ makgir amur acau mala atau mala aɓwana a pwaryan ngga ɗang. Acemǝnana amǝnia yì agir ka, à pà nǝ̀ lumsǝ pe mala Ɓakuli ɗang, ko a na raka, à pà nǝ̀ bwali aɓwana kam aɓa do paɓamuru malea aban Ɓakuli ɗang.

1 Timoti 4:7

Tārǝto arǝ naki acauɓana andǝ anjarnzǝne mala aɓwagula. We ka, pa rǝcandǝa mo arǝ pe ɓamuro kanigir mala do pepe aɓa Bangŋo.

1 Timoti 6:20

Timoti, tsǝk kir gir mǝnana Ɓakuli po a buo ka. Yal ɓamuro arǝ naki acauɓana mala agir mǝnana à kǝ yinǝi Ɓakuli gulo raka, andǝ acau a mgbasho mǝnana aɓea ɓwana tunǝi aɓa ɓwarkio ama “Sǝlǝe” ka.

2 Timoti 1:15

Kǝla mǝnana a sǝlǝna ka, aɓwana mǝnana a bu-nzali Asiya ka, à pǝlǝna nzǝmia a rǝam kat à nyingŋǝnam. Ko nggearǝ Fijelus andǝ Hamojenis gbal ka, à nyingŋǝnam.

Titus 1:14

Anggo ka, à pà nǝ̀ tsǝk kiria ɗǝm arǝ anjarnzǝne mala amǝ Yahudi andǝ anzongcau mala aɓwana mǝnana à ɓinǝ mǝsǝcau ka ɗang.

Amǝ Ibǝru 13:25

Ɓwamuru mala Ɓakuli ɓǝ̀ do ata wun kat.

2 Bitǝrus 1:16

Cau mǝnana sǝm bangga wun amur rǝcandǝa andǝ yiu mala Mǝtala sǝm Yesu Kǝrǝsti ka, sǝm pà aban bangga wun njarnzǝne mǝnana ɓeɓwa pusǝì aɓa kutan ngga ɗang. Nǝ nggearǝ mǝsǝ sǝm, sǝm sǝn tâ mala ɓoarɓwa male.