2 Timoti 4:2 - Maləmce Məfele mala Ɓakuli: Kurcau Məbəshe

² We ka, hamnǝ cau mala Ɓakuli. Do aɓa gilǝrǝu ace mǝnia yì turo ka, ko njar na kam ko pà kàm ɗang. Lǝmndǝi aɓwana ɓwarkio malea, nunkiria, sǝ wu ɓak ɓabumia nǝ munyi mǝgule andǝ kwarkiru ɓukɓuk.

2 Timoti 4:2 ပူးပေါင်းရင်းမြစ်များ

Luka 7:23

Ɓwa mǝnana makgir cau mem raka ndanǝ tsǝkbu mala Ɓakuli!”

Luka 7:4

À yiu aban Yesu à yì zǝmbǝi wi nǝ ɓabumia mwashat ama, “Mǝnia yì ɓwa ka ɓoaro wu bwali wi kam!

Luka 9:60

Yesu ne wi ama, “Ɗeki alú ɓǝa tsǝk alú malea, sǝ we ka kyane kya hamnǝ Domurǝm mala Ɓakuli.”

Amǝ Mishan 13:5

Lang à kya bwalǝna Salamis ka, à hamnǝ cau mala Ɓakuli arǝ andakpapi mala amǝ Yahudi. Yohana Markus wario atea ace mǝnana ɓǝ̀ bwalia wia turo mishan ngga.

Amǝ Mishan 16:13

A pwari Sabbat ka sǝm puri ɓa nggeala, sǝm wario a kun nggeasala, aban mana sǝm nggǝ sǝni kǝla akàm sǝ amǝ Yahudi kǝ kpapi ace pak hiwi ka. Abanì sǝ sǝm do, sǝm na cau nǝ amamǝna mǝnana sǝm kumia aban rambǝa abanì ka.

Amǝ Mishan 20:7

Nǝ pwari kpǝra a pwari Ladi ka, sǝm yì rambǝa a tarǝ sǝm aban li girlina. Bulǝs tita hami aɓwana cau, sǝ acemǝnana ɓǝ̀ ban kwarǝna ka nǝ̀ bwal njar nǝ̀ o ka, camarǝ na cau kya bwal ɓadu.

Amǝ Mishan 28:16

Lang sǝm bwalǝna Roma ka, à nying Bulǝs ɓǝ̀ do aɓa ɓamuri a ɓe ɓala. À tsǝki wi ɓe soje mwashat ɓǝ̀ kǝ yallí.

Amǝ Roma 10:15

Sǝ lang sǝ aɓwana nǝ̀ hamnǝ cau, yi mǝnana Ɓakuli turia raka? Kǝla mǝnana à gilǝì ka: “Yiu mala aɓwana mǝnana à kǝ hamnǝ Cau Amsǝban ngga gir mǝɓoarne na kǝ̀rkǝ́r!”

Amǝ Roma 12:12

Wu dum nǝ banɓoarnado aɓa tsǝkɓalǝu ma'wun; wu dum nǝ munyi aɓa tanni; wu do aɓa pak hiwi ko ya pwari.

Amǝ Galati 6:6

Aɓwana mǝnana à kǝ kania wia cau mala Ɓakuli ka, ɓoaro ɓǝa kǝ pakkì amǝ kania wia gir mana nda pepe ka; ɓǝa kǝ gau agir mǝɓoarne malea andǝia ace mǝnana ɓǝa kumo atea.

Amǝ Kolosi 1:25

Ɓakuli tsǝngŋǝnami a buam ɓǝn pakki ikǝlisiya, yia amǝkpata Yesu turo, mǝ nggǝ hamnǝ cau male kat aban wun.

Amǝ Kolosi 4:3

Wu pakka sǝm hiwi gbal ama ɓǝ̀ Ɓakuli pa sǝm dǝmbǝu mala bang cau male, ɓǝ̀ sǝm hamnǝ cau-ɓa-sǝmbǝrǝa male mǝnana amur Kǝrǝsti ka. Àkǝ̀ ce mǝnia yì cau ka, sǝ mǝ nda a ndàkurban ado.

1 Amǝ Tasalonika 1:6

Wu yi duk amǝ twalkusǝ sǝm andǝ mala Mǝtalabangŋo; kat andǝ tanni ma'wun kǝrkǝr ka, wu ak cau mala Ɓakuli nǝ banɓoarnado mala Bangŋo Mǝfele.

1 Amǝ Tasalonika 5:14

Wun amǝ'eambǝam, sǝm nggǝ kwarkir wun, wu nun kir aɓwana mǝnana à ndanǝ nkundǝr ka. Wu ɓak ɓabum amǝ'ɓangciu, wu bwalia aɓwana mǝnana à pànǝ rǝcandǝa raka. Wu dum nǝ munyi arǝ aɓwana kat.

1 Amǝ Tasalonika 5:20

Wu kǝa nyesǝ ce bang gi Ɓakuli nǝ kun aɓwana male ɓà ɗang.

1 Timoti 4:13

Sǝ kaniama mǝ yiu ka, pa ɓamuro arǝ ɓallia aɓwana Malǝmce mala Ɓakuli andǝ kania wia gir, ɓǝa kum ɓakban.

1 Timoti 5:20

Aɓwana mǝnana à kumia aɓa cauɓikea ka, ɓǝa nunkiria a ɓadǝm a'ikǝlisiya bwāng. Acemǝnana anggo sǝ à nǝ̀ pe acili aɓwana ɓangciu.

2 Timoti 2:21

Ɓǝ̀ ɓwa lak ɓamuri aɓalǝ amǝno yì aɓealǝu mǝɓane, do aɓa ɓoarnsari ka, nǝ̀ duk girturo ace turo mǝgule, mǝnana à tàrni ndanǝ ɓoaro aban mǝtala-ɓala, sǝ à gilǝkini ace koya turo mǝɓoarne ka.

2 Timoti 2:25

Aɓa pê ɓukɓuk ka, kwarkir aɓwana mǝnana à kǝ ɓinǝ earnǝ mǝsǝcau ka. Yakǝla ka, Ɓakuli nǝ̀ nggaɗi ɓabumia, sǝ à nǝ̀ vwaki buia arǝ cauɓikea à nǝ̀ pwanzali, ɓǝ̀ kyan nǝia aɓa surǝ mǝsǝcau.

2 Timoti 3:10

Sǝ we Timoti ka, à surǝna rǝ kanigir mem andǝ ɓealǝam. À surǝna rǝ kani mala ɓabumam aɓa do mem. À surǝ paɓamuru mem, andǝ munyi, andǝ earcearǝu, andǝ gandǝrǝu mem;

Titus 1:13

Cau mǝnia ka mǝsǝcau na. Ace mani ka, gimbia nǝ rǝcandǝa, ace mǝnana ɓǝ̀ paɓamuru malea ɓǝ̀ duk mǝɓoarne.

Titus 2:15

Amǝnia ka, à ndaka gir mǝnana a nǝ kànì aɓwana ka. Ɓak ɓabumia ɓǝa kpatea. A ndanǝ rǝcandǝa mala kwarkir aɓwana, kǝa eare ɓǝ̀ kǝɓwa ɓǝsǝkio ɗang.

Amǝ Ibǝru 13:22

Ən nggǝ zǝmbǝa wun, wun amǝ'eamrǝarǝu, wu tsǝk ɓalǝ wun arǝ mǝnia yì gbǝlǝm cau ɓakɓabum ǝn gilǝa wun ngga.

Sǝna 3:19

Aɓwana mǝnana kat ǝn earcea ka, ǝn nggǝ sâ rǝia, sǝ ǝn nggǝ kwarkiria. Ace mǝno ka, pak bumkiɗikea, sǝ wu pǝlǝ nzǝmo arǝ aɓealɓikea mo nǝ ɓabumo kat!