2 Timoti 4:18 - Maləmce Məfele mala Ɓakuli: Kurcau Məbəshe

¹⁸ Yì, yì Mǝtalabangŋo ka, nǝ̀ amsǝam aɓalǝ aɓealɓikea kat, sǝ nǝ̀ ká nǝ mim jam aɓa domurǝm male mala kuli. Gulo ka, male na kat, masǝlǝate pà kàm ɗang. Amin.

2 Timoti 4:18 ပူးပေါင်းရင်းမြစ်များ

Matiu 13:43

Sǝ amǝ'ɓealɓoarna ka à nǝ̀ tǎ kǝla pwari aɓa Domurǝm mala Tárria. Ɓwa mǝnana ndanǝ kir okban ngga, ɓǝ̀ o.

Matiu 25:34

Sǝ Murǝm nǝ̀ ne aman a bui mǝli ka ama, “Wu yiu, wun aɓwana mana tsǝkbu mala Tárram na mur wun ngga. Wu yi ak Domurǝm mana à gilǝki ace wun pur a tita ɓanza ka.

Matiu 6:13

Bwala sǝm ɓǝ̀ sǝm kǝa kuti aɓa karǝkiban ɗang, amsǝ sǝm a bu Mǝɓealɓikea. [Domurǝm, andǝ rǝcandǝa, andǝ gulo ka amo na kat, mana masǝlǝate pà kàm raka, Amin.]”

Luka 11:4

Twala sǝm ban acauɓikea ma'sǝm, kǝla mana sǝm gbal ka sǝm nggǝ twali aɓwana mǝnana à kǝ pakka sǝm cauɓikea, banì ka. Kǝa ká nǝ sǝm aɓa karǝkiban ɗang.’ ”

Luka 12:32

Domwan mǝkyauwe, ɓangciu ɓǝ̀ kǝa pakka wun ɗang, acemǝnana Tar wun ngga ban kǝ ɓoari wi ɓǝ̀ pa wun agir mǝɓoarne mala Domurǝm male.

Luka 22:29

Ace mani ka, ǝn pana wun garamurǝm, kǝla mǝnana Tárram pam ngga.

Yohana 17:15

Ən pa aban zǝmbǝa nǝma wu pusǝia, ɓǝa nying ɓanza ɗang. Mǝ nda aban zǝmbǝa ama, wu bwalia, ɓǝa ká kuti a ɓabu Shetan, mǝɓealɓikea ɗang.

Amǝ Roma 11:36

Agirbunda kat ka, à pur nǝ bani, sǝ nǝ rǝcandǝa male sǝ agir kat pa, sǝ à nda ace gulo male. Gulo kat ka, ɓǝ̀ duk male masǝlǝate pà kàm ɗang! Amin.

Amǝ Roma 16:27

Aban kǝ Ɓakuli nǝmurǝì, mǝnana kǝ yì mwashat nda mǝsǝle kat ka, ɓǝ̀ gulo pa, nǝ bu Yesu Kǝrǝsti, málá male pà kàm ɗang! Amin.

1 Amǝ Korinti 1:21

Ɓakuli aɓa sǝlǝe male ka, tsǝa ɓanza gandǝ surǝì nǝ malea yì sǝlǝe ɗang. Kǝcau mǝnana sǝm hamnǝi, sǝ aɓwana nyesǝi gǝmi na ka, kǝ nda Ɓakuli amsǝna aɓwana mǝnana à pà ɓamuria abani nǝi ka.

1 Amǝ Korinti 10:13

Kǝ karǝkiban pà kàm nǝ̀ kumo mǝnana kǝ kum ɓwapǝndǝa raka. Ɓakuli ka mǝ'ɓwamuru na, pà nǝ̀ eare wu kum karǝkiban mǝnana nǝ̀ kuti rǝcandǝa mo ka ɗang. Sǝ ɓǝ̀ karǝkiban kumo ka, yì ka, nǝ̀ po rǝcandǝa mǝnana a nǝ cambi wi, sǝ nǝ̀ mǝn njargula mana a nǝ puri ɓālǝi ka.

1 Amǝ Korinti 15:50

Wun amǝ'eamrǝarǝu, cau mǝnana ǝn nakiyi ka ɓālǝi nda mǝnana ama, nggūrǝu mǝnia mala nyama andǝ nkila ka, à pà nǝ̀ kutio a Domurǝm mala Ɓakuli ɗang. Anggo gbal, gir mǝnana nǝ̀ wu ka, pà nǝ̀ liɓala mala gir mǝnana pà nǝ̀ wu raka ɗang.

2 Amǝ Korinti 1:10

Amsǝna sǝm aɓalǝ amǝnia yì anggurlú ka, sǝ nǝ̀ amsǝ sǝm ɗǝm. Tsǝkɓalǝu ma'sǝm ngga, nda àkǝ̀ rǝì, sǝ yì ka, nǝ̀ lidǝmbǝa nǝ amsǝ sǝm.

Amǝ Galati 1:5

Ɓwangsǝban kat ka, mala Ɓakuli na, mǝnana málá male pà kàm raka! Amin.

1 Amǝ Tasalonika 5:23

Adyan ngga, Ɓakuli mana pākiyi dorǝpwala ka, nǝ ɓamuri ɓǝ̀ tàr wun, ɓǝ̀ wu duk amale arǝ anjari pupup. Ɓǝ̀ yál bangŋo ma'wun, andǝ yilǝmi wun, andǝ nggūrǝ wun kat ɓǝa do aɓa ɗwanyi cau a rǝǔ a pwari mǝnana Mǝtala sǝm Yesu Kǝrǝsti nǝ̀ nyar nǝi ka.

2 Amǝ Tasalonika 3:3

Sǝ Mǝtalabangŋo ka, à nǝ̀ guli a rǝì. Nǝ̀ pa wun rǝcandǝa, nǝ̀ yal wun a bu yì Mǝɓealɓikea.

1 Timoti 1:17

Adyan ngga, gulo andǝ ɓoarɓwa kat ka, mala Ɓakuli na, mana málá male pà kàm raka. Yì mǝnana nda Murǝm mala anza kat, sǝ pà nǝ̀ wu ɗang, yale ɓwapǝndǝa pa nǝ̀ gandǝ sǝne raka, kǝ yì mwashat nda Ɓakuli. Amin.

1 Timoti 6:16

Kǝ yì mwashat, nda mǝnana pà nǝ̀ wu raka, sǝ ban-do male ka, nda aɓa tǎlaban mǝcande mana kǝɓwa pà nǝ̀ gandǝ sungŋo abani raka. Kǝ mǝsǝu malaká sǝni ɗang, sǝ kǝ ɓe pà kàm nǝ̀ sǝni ɗang. Abani kat, sǝ gulo andǝ rǝcandǝa mǝnana málá male pà kàm raka, pa! Amin.

2 Timoti 1:12

Nda gir mǝnana tsǝa sǝ ǝn nggǝ nu tanni kǝla mǝno mǝ nda a ɓalǝi ka. Sǝ mim ngga, kǝsǝkya kǝ pakkam arǝ mani ɗang, acemǝnana ǝn surǝna rǝ ɓwa mǝnana ǝn guli a rǝì, sǝ ǝn sǝlǝna ama gir mǝnana ǝn nyingŋǝni wi a bui ka, nǝ̀ gandǝ bwale ba pwari nyare male.

2 Timoti 4:1

Ən nggǝ nunkiro a ɓadǝm Ɓakuli andǝ Kǝrǝsti Yesu, mǝnana nǝ̀ yia ɓashì aɓwana mǝnana à ndanǝ yilǝmu andǝ amǝnana à wuna ka, a pwari yiu male mǝnana nǝ̀ yiu a dumsǝ domurǝm male ka.

Amǝ Ibǝru 11:16

Sǝ yia ka, à nda ban alta nzali mǝɓoarne mǝnana kuti mǝno ka, nzali mǝnana a kuli ka. Nda gir mǝnana tsǝa sǝ Ɓakuli ka, kǝsǝkya pakki wi, yi mana ɓǝa tunǝi ama nda Ɓakuli malea ka ɗang, acemǝnana gilǝkina nggeala acea.

Amǝ Ibǝru 12:22

Sǝa ma yiu ma'wun ngga, wu yina aban Nkono Siyona, a nggeala mala Ɓakuli mǝyilǝmuì, a Urǝshalima mǝnana a kuli, aban mǝnana á-pas amur á-pas mala amǝturonjar nakam aban rambǝa aɓa banɓoarnado ka.

Jemis 2:5

Wu kwaki kir wun, wun amǝ'eamrǝarǝu mǝnana ǝn earkiyi acea raka, Ɓakuli twal aɓwana mǝnana amǝɓanza nyesǝia amǝtǝr na ka, ɓǝa duk amǝkume aɓa paɓamuru abani. Sǝ ɗǝm ngga ɓǝa kum domurǝm mǝnana Ɓakuli pàcau ama nǝ̀ pe aɓwana mǝnana à kǝ earce ka.

1 Bitǝrus 1:5

Sǝ ata cau mala paɓamuru ma'wun ngga, Ɓakuli na rǝ yal wun nǝ rǝcandǝa male ace kum amsǝban mǝnana gilǝkini nǝ̀ yia lǝmndǝi, a masǝlǝata apwari ka.

1 Bitǝrus 5:11

Rǝcandǝa kat ka, abani sǝ pa, málá male pà kàm ɗang. Amin.

2 Bitǝrus 1:11

Anggo ka, sǝ Ɓakuli nǝ̀ mǝnba wun kunɓala wyang ace kutio aɓa Domurǝm mala Mǝtala sǝm andǝ Mǝ'amsǝ sǝm yì Yesu Kǝrǝsti, Domurǝm male mǝnana masǝlǝate pà kàm raka.

2 Bitǝrus 3:18

Wun ngga, wu lidǝmbǝa nǝ gulo aɓa ɓwamuru andǝ surǝe Mǝtala sǝm andǝ Mǝ'amsǝ sǝm Yesu Kǝrǝsti. Gulo kat ka, male na, ado, andǝ mǝnana málá male pà kàm raka. Amin.

Yahuda 1:1

Mǝnia yì cautera ka pur nǝ bu Yahuda, guro mala Yesu Kǝrǝsti, andǝ mǝ'eam Jemis, aban ká aban aɓwana kat mǝnana Ɓakuli Tarrû tunǝia, sǝ earcea, sǝ dumsǝia aɓa yálban mala Yesu Kǝrǝsti ka.