2 Timoti 3:8 - Maləmce Məfele mala Ɓakuli: Kurcau Məbəshe

⁸ Kǝla mǝnana Janis andǝ Jambǝris ɓinǝì Musa à earnǝi raka, anggo sǝ aman yì aɓwana ka, à ginǝki mǝsǝcau. Yia ka, aɓwana na mǝnana ɓabumia sharna aɓa cauɓikea, sǝ paɓamuru malea ka, mǝɓafoe na ɗang.

2 Timoti 3:8 ပူးပေါင်းရင်းမြစ်များ

Amǝ Mishan 15:24

Sǝm o ama aɓea aɓwana mana sǝm nǝ̀ turia raka, à pur aɓalǝ sǝm à yiu aban wun à yì zurǝi mur wun, à zunggǝli ɓabum wun nǝ acau mana à bang ngga.

Amǝ Roma 1:28

Acemǝnana amǝno yì aɓwana ka à ɓinǝ pak turo nǝ sǝlǝe mala Ɓakuli ka, Ɓakuli nyia gbal andǝ aɗenyicau mǝɓane malea, ɗekia ɓǝa pakkia agir mǝnana ɓoaro ɓǝa pea raka.

Amǝ Roma 16:18

Acemǝnana à ulang aɓwana mǝno ka, à pà aban pakki Mǝtala sǝm Kǝrǝsti turo ɗang, turo nzal kunia na à nakiyi ce ka. Nǝ kunɓoarna andǝ nacau mǝɓukɓuki sǝ à kǝ ɓosǝki ɗenyicau mala aɓwana mǝnana à surǝ kǝgir raka.

Amǝ Afisu 4:14

Anggo ka, pa sǝm nǝ̀ duk amuna ɗǝm ɗang. Pa sǝm nǝ̀ eare ɓǝ̀ sǝm nggǝ nggaɗiki ɗenyicau ma'sǝm arǝ gir mǝnana sǝm earǝna nǝi ka, nǝ koya bǝsa kanigir mala aɓwana amǝ ɓosǝkiban nǝ anyir aɓa kutan, mǝnana à kùrrì aɓa sǝmbǝrǝa ace swarkiban ngga ɗang.

1 Timoti 1:19

Bwal kàngkàng arǝ paɓamuru mo aɓa Kǝrǝsti, nǝ ɗenyicau mǝɓoarne. Acemǝnana aɓea ɓwana ka, à ɓinǝi oki ɓabumia, gandǝa à kiɗikina paɓamuru malea.

1 Timoti 4:2

Amǝnia yì amǝkanigir ka, amǝ'kunɓarina na sǝ amǝnyir na. Ɓabum ɗenyicau mǝɓoarne malea wuna.

1 Timoti 6:5

Amǝnia yia aɓwana ka à nda aɓa yinǝ do mǝɓike koya pwari ka. Ɓabumia pǝndǝkina nǝ ɓealɓikea andǝ ɗwanyi kpata gir a njari andǝ mǝsǝcau. Abania ka, kpata Ɓakuli ka, njar mala ram gǝna na.

2 Timoti 4:15

We gbal ka, tsǝk kiro a rǝì, acemǝnana kǝ munǝ arǝ koya cau sǝm bang ngga.

Titus 1:10

Aɓwana na kana pas mǝnana amǝ'mgbikiru na, sǝ amǝ'fekicau na andǝ amǝ swarkiban. Banggulea ka à nda ka amǝ Yahudi mǝnana à pǝlǝ amǝkwaɗi sǝ à ɓinǝ kingging nǝ kania aɓwana gir ama, ɓǝa kasǝo ɓato raka, we ka a malaká kum amsǝban ɗang.

Titus 1:16

Amǝnia yia aɓwana ka, à kǝ bang nǝ mburkunia ama à surǝ Ɓakuli, sǝ pakkiagir malea ka lǝmndǝ ama à surǝ Ɓakuli ɗang. Aɓwana na à nǝ̀ ɓinǝia, amǝ ɗwanyi okiru na, à kārǝa à nǝ̀ pak kǝgir mǝɓoarne ɗang.

2 Bitǝrus 2:14

Rǝia kǝ ɓǝla nǝ suno nong nǝ amamǝna ko aburana mǝnana à pà doɓala andǝia raka, sǝ ko à kǝ aulǝ nǝ pak cauɓikea ɗang. À kǝ swár aɓwana mǝnana kusǝia cam raka aban ká pak cauɓikea. Ɓabumia kwár aɓa nzumon. Yia ka aɓwana na aɓata suban mala Ɓakuli.

1 Yohana 2:18

Wun amunem, sǝm nda a masǝlǝata apwari ado; sǝ kǝla mǝnana wu ok ama ɓimǝbura mala Kǝrǝsti na aban yiu ka, nda ado ka, aɓiamǝbura mala Kǝrǝsti pas yina. Anggo sǝ sǝm sǝlǝ ama sǝm yina a masǝlǝata apwari.

1 Yohana 4:1

Wun agyajam mem, wu kǝa earnǝ koya ɓwa mǝnana kat twali ɓamuri ama ndanǝ Bangŋo mala Ɓakuli ka ɗang. Wu karǝkia, wu sǝni ko à pur nǝban Ɓakuli. Acemǝnana amǝ'ɓangna mǝ'nyirì pas kutina a ɓanza.

Sǝna 2:20

Sǝa ma mǝnia nda gir mǝnana ǝn ɓínǝì a rǝo ka. A kǝ eari Jezebel, mɓwama mǝno tunǝki ɓamuri ama mǝɓangna ka, kǝ tsǝk aguro mem ɓǝa ɓwarki tanjar, ɓǝa li girlina mǝnana à ci ata ankúl, sǝ ɓǝa pak cauɓikea nongginǝ-rǝaria.

Sǝna 2:6

Aɓa mǝno she ka gir mǝnana banɓoaram nǝi a rǝo ka nda mǝnia ka: A ɓinǝmǝsǝ pakkiagir ɓealɓikea mala amǝ Nikolata, amǝnana mim gbal ka ǝn ɓinǝia ka.