2 Timoti 3:6 - Maləmce Məfele mala Ɓakuli: Kurcau Məbəshe

⁶ À ndaka aɓwana mǝnana à kǝ swár zàng, à kǝ kutiki arǝ aɓala mala aɓwana, à kǝ swár amamǝna amǝ'ɗwanyi sǝlǝe, mǝnana cauɓikea akina ɓabumia, sǝ à kǝ ɓangŋa ata koya ulang suno mǝɓane ka.

2 Timoti 3:6 ပူးပေါင်းရင်းမြစ်များ

Matiu 11:28

Wu yiu abanam, wun kat mǝnana wu kǝ tanni sǝ twalo dǝmbǝrya wun ngga, mǝ nǝ pà wun usǝlǝo.

Matiu 23:13

Caukwanban nǝ wun amǝ Farisi andǝ amǝkani Nggurcau mala Musa, wun amǝ'kunɓarina! Wu gir kun njar kutio a Domurǝm mala kuli arǝ aɓwana. Wun nǝ ɓamur rǝ wun ngga wu kuti ɗang, sǝ aɓwana mǝnana à earce ama à nǝ̀ kuti ka wu earia wia ɗang.

Matiu 23:14

[Caukwanban nǝ wun amǝ Farisi andǝ amǝkani Nggurcau mala Musa, wun amǝ'kunɓarina! Wu kǝ lǝmndǝ rǝ wun kǝla wu nda ka amǝ'ɓealɓoarne nǝ pakki ahiwi mǝsauwe, sǝ ɓafo ka wu nda mana wu kǝ kumsǝ kun aman-lú wu kǝ liki agirkuma malea arǝ ɓala malea ka. Ace mani ka Ɓakuli nǝ̀ pa wun tanni mana kutibanì ka kǝrkǝr.]

Matiu 4:24

Cau male gya akiban aɓa bu-nzali Suriya kat. À yinǝi wi nǝ amǝkwano ɗàngɗáng: a mǝnana à nda ɓa rǝkwana kǝrkǝr, andǝ a mǝnana akukwar kutia rǝia, andǝ a mǝnana à ndanǝ kwano wukiaban, andǝ a mǝnana ɓe kǝ barea wu ka, yi twalia wia ban akwano malea kat.

Markus 4:19

sǝa ma bumpina mala pǝrta gir ɓanza andǝ earce kume, andǝ suno ace acili agir ɗàngɗáng, à shak ce kat, ko kǝ kina pusǝ ɓǝle ɗang.

1 Amǝ Korinti 12:2

Wun ngga, wu sǝlǝna ama ɗiɗyal mǝnana wu nda ka aɓwana aɓa do ɗwanyi surǝ Ɓakuli ka, à ɓosǝki kusǝ wun aban peri ata ankúl mǝnana à kǝ na cau raka.

1 Timoti 5:6

Sǝ man-lú mǝnana ɗwanyi bwalrǝu a do male, kǝ gyata pè ɓamuri banɓoarnado ka, wuna aɓa bangŋo, kat andǝ amani ama nda andǝ amǝsǝì a nggūrǝu ka.

1 Timoti 6:9

Sǝ aɓwana mǝnana à kǝ alte ama à nǝ̀ duk amǝkume ka, à kǝ kpa aɓa karǝkiban, andǝ gbǝli, andǝ kum ɓamuria aɓalǝ azǝnda mala agir mǝɓane pas. À nǝ̀ kum ɓamuria aɓalǝ agir mala yinǝ mǝɓike a rǝia, mǝnana à nǝ̀ ngga masǝlǝia aɓa kiɗikiban andǝ lu-bǝsa ka.

Titus 1:11

Amǝnia yia aɓwana ka, ɓǝa tamsǝia arǝ kani amǝkwaɗi gìr, acemǝnana nǝ akanigir mǝɓane malea ka, à nda ban tsǝk amǝɓala kat ɓǝa nying kpata kanigir mǝnana nda pepe ka. Tǝ́r kanigir mala amǝnia yì aɓwana ka, nda ace alta boalo mǝnana à nǝ̀ kumo a ɓalǝi ka.

Titus 3:3

Sǝm ɗiɗyal gbal ka, sǝm ndaka aɓwana anggo sǝm kwar ɗang, amǝ'ɗwanyi okiru, à swarki sǝm, sǝm duk aguro mala gyata asuno andǝ anpel ɗàngɗáng mala nggūrǝu. Sǝm do aɓa bumkpǝmna andǝ mɓali. Aɓwana ɓinǝmǝsǝ sǝm, sǝ sǝm ɓinǝmǝsǝ arǝ sǝm.

2 Bitǝrus 2:18

Nǝ́ naki acau mǝɓangge mala twalɓamuru malea, à kǝ swár aɓwana mǝnana à ndarǝ puro à nǝ̀ api ɓalǝ aɓwana mǝnana a do aɓa ɓwarkio mala cauɓikea ka. À kǝ ɓariki à nǝ̀ nunnia aɓalǝ asuno mǝɓane mala nggurǝ ɓwapǝndǝa mǝ'earce kìɗìkì mala cauɓikea.

2 Bitǝrus 3:17

Wun amǝ'eamrǝarǝu, mǝno ado wu surǝna mǝnia ka, wu tsǝkir wun, ɓǝ̀ ɓwarkio mala amǝ'ɓealɓikea mǝnia ka ɓǝ̀ kǝa gǝshi wun a bancame ma'wun, ɓǝ̀ kyan nǝ wun a kpa ɗang.

Yahuda 1:16

Amǝnia yì aɓwana ka, amǝ sǝn ɓwarkio mala aɓwana na andǝ amǝ'nggwani, à kǝ pakki agir mǝɓike mǝnana kat à earkiyice ka. Yia ka, amǝ nggori na, andǝ amǝ'swarban nǝ kunɓoarna ace kum gir mǝnana à earkiyice ka, a bu aɓwana.

Yahuda 1:18

À bangŋǝna wun ama: “A masǝlǝata apwari ka, amǝ oalban arǝ njar dokwaɗi nǝ̀ yia puro, aɓwana mǝnana ɓa do malea ka nda kpata anpel malea mala ɗwanyi surǝ Ɓakuli.”

Yahuda 1:4

Ən bangŋa anggo acemǝnana aɓea aɓwana mana à kǝ ɓanggi Ɓakuli raka, à swarǝ́na zàng, à kutikina aɓalǝ wun. À nda ka ɓwana mǝnana à nyesǝ ɓwamuru mala Ɓakuli ma'sǝm pǝlǝia wia njar pakki agirɓana mala nonggi nǝ rǝarǝu, sǝ à kǝ ginǝki kǝ Múr sǝm, Mǝtala sǝm, Yesu Kǝrǝsti. Ɓashi mǝnana nda amuria ka Ɓakuli angŋa dǝmbǝa gilǝni ɓara-ɓara.