2 Timoti 3:3 - Maləmce Məfele mala Ɓakuli: Kurcau Məbəshe

³ Ɓwapǝndǝa nǝ̀ dum nǝ ɗwanyi earcearǝu, à nǝ̀ duk amǝ ɗwanyi twalbani, amǝ twalki alullǝ aɓwana, amǝ ɗwanyi bwalrǝu, amǝ bum tǝra, à pà nǝ̀ earce gir mǝɓoarne ɗang.

2 Timoti 3:3 ပူးပေါင်းရင်းမြစ်များ

Matiu 10:21

Mǝ'eambǝu nǝ̀ mak mǝ'eambǝi ɓǝa wali. Tarrû nǝ̀ mak muni ɓǝa wali. Amuna nǝ̀ pǝlǝa arǝ atárria andǝ anggea sǝ à nǝ̀ tsǝa ɓǝa walia.

Matiu 4:1

Pǝlǝa Bangŋo Mǝfele loasǝ Yesu um nǝi a ɓabondo ace mǝnana Shetan ɓǝ̀ kya karǝki ka.

Luka 10:16

Wun amǝ kpatam, ɓwa mǝnana kwaki kiri arǝ wun ngga, nda ban kwaki kiri a rǝam, ɓwa mǝnana ginǝ wun ngga, ginǝnam, sǝ ɓwa mǝnana ginǝam ngga, ginǝna Tárram mǝnana tasǝam ngga.

Luka 16:14

Sǝ yia amǝ Farisi mǝnana amǝ earce boalo na ka, à nǝ̀ ok mǝnia yì acau ka, à sonzǝkì Yesu ngge.

Yohana 6:70

Pǝlǝa Yesu pa eare ama, “Ən tar wun, wun lum-nong-ɓari. Sǝ ɓeɓwa ata wun ngga shetan na!”

Amǝ Roma 1:29

Yia ka, do malea lumsǝ nǝ koya ulang turo ɓealɓikea, andǝ mɓali, andǝ ɓinǝmuru andǝ mwararǝu, andǝ walki-alú, andǝ munǝki-amunǝo, andǝ swarkiban, andǝ ce'shiria, andǝ twal lullǝú.

Amǝ Roma 1:31

À pànǝ ɓabum ɗang, à kǝ lumsǝ cau malea mǝnana à ne ka ɗang. Yia ka à lǝmndǝkiyi pe mǝɓoarne ɗang, sǝ à pànǝ mǝsǝswatǝr arǝ aɓwana ɗang.

1 Amǝ Korinti 7:5

Wu kǝa ɓinǝia rǝ wun nongŋo-nda ɗang, she ɓǝ̀ do ama nǝ eare ma'wun arǝarǝ wun, ace mǝnana ɓǝ̀ wu kum dǝmbǝu mala pak hiwi ka. Anzǝm mani ka, wu nǝ̀ nyare a tarǝ wun. Anggo ka pà wu nǝ̀ kpa aɓa karǝkiban mala Shetan ace ɗwanyi bwalrǝu ma'wun ɗang.

1 Amǝ Korinti 7:9

Sǝ ɓǝà pà nǝ̀ gandǝ bwal ɓamuria raka, kǝpǝna dukɓala. Nǝ̀ ɓoaribanì amur mǝnana à nǝ̀ do nǝ suno nongnǝban ngga.

1 Amǝ Tasalonika 4:8

Ace mani ka, ɓwa mǝnana kat ɓinǝ mǝnia yì kanigir ka, pa aban ɓinǝ nzongcau mala ɓwapǝndǝa ɗang, nzongcau mala Ɓakuli na ɓinǝkiyi ka, yì mǝnana kǝ pa wun Bangŋo Mǝfele male ka.

1 Timoti 3:11

Anggo gbal, sǝ duk pup ama, amamǝna mǝnana amǝ'bwalturo ɓa ndahiwi na ka, ɓǝa kumia nǝ ɓealɓoarna, ɓǝa kǝa duk amǝ twalki alullǝu ɗang, ɓǝa dum nǝ bwalrǝu andǝ mǝsǝcau aɓa koya gir.

Titus 1:8

A kun mani ka, dumǝna púp ama nǝ̀ duk mǝ'ak aɓwana, andǝ mǝ'earce gir mǝnana mǝɓoarne na ka. Yì ka, nǝ̀ dum nǝ bwalɓamuru, andǝ came amur mǝsǝcau, andǝ do tar ɓamuru ace Ɓakuli, andǝ hamírǝu.

Titus 2:3

Anggo gbal, kanî amamǝna mǝnana à gulna ka ɓǝa duk nǝ aɓealǝu mǝnana nǝ̀ pè Ɓakuli gulo ama à ndaka male ka. Ɓǝa kǝa duk amǝ naki acau mala kìdìki lullǝ aɓwana ɗang, sǝ ɓǝa kǝa duk aguro mala mba ɗang. Ɓǝa kǝ kani aɓwana gir mǝnana nda pepe ka.

Jemis 2:6

Sǝ wun ngga wu twal amǝtǝr a kun kǝgir ɗang. Nggearǝì ka amǝkume na mǝnana à pakiyia wun tanni, à nunggiyi wun aban ká a ndaɓashi ka re?

2 Bitǝrus 2:14

Rǝia kǝ ɓǝla nǝ suno nong nǝ amamǝna ko aburana mǝnana à pà doɓala andǝia raka, sǝ ko à kǝ aulǝ nǝ pak cauɓikea ɗang. À kǝ swár aɓwana mǝnana kusǝia cam raka aban ká pak cauɓikea. Ɓabumia kwár aɓa nzumon. Yia ka aɓwana na aɓata suban mala Ɓakuli.

2 Bitǝrus 2:19

Amǝnia yì amǝkanigir mǝ'nyirì ka à kǝ nea aɓwana mǝnia ama à nǝ̀ pea wia kum-ɓamuru, sǝ yia nǝ ɓamuria ka, à nda ka guro mala aɓealǝu mala kìɗìkì. Gir mǝnana kat limurǝm amur ɓwa ka, ɓwe pǝlǝna guro aɓata gir nî.

2 Bitǝrus 3:3

Gir mǝnana wu nǝ̀ sǝlǝa a dǝmbe ka, nda mǝnana ama, a masǝlǝata apwari ka, amǝ'oalban nǝ̀ yia pusǝ rǝia, à nǝ̀ nggǝ oal mǝsǝcau, sǝ à nǝ̀ nggǝ kpata suno malea mǝ'cauɓike.

Yahuda 1:16

Amǝnia yì aɓwana ka, amǝ sǝn ɓwarkio mala aɓwana na andǝ amǝ'nggwani, à kǝ pakki agir mǝɓike mǝnana kat à earkiyice ka. Yia ka, amǝ nggori na, andǝ amǝ'swarban nǝ kunɓoarna ace kum gir mǝnana à earkiyice ka, a bu aɓwana.

Yahuda 1:18

À bangŋǝna wun ama: “A masǝlǝata apwari ka, amǝ oalban arǝ njar dokwaɗi nǝ̀ yia puro, aɓwana mǝnana ɓa do malea ka nda kpata anpel malea mala ɗwanyi surǝ Ɓakuli.”

Sǝna 13:15

Mǝnia yì ɓaria nyamɓikea ka kum rǝcandǝa mala pe ɓǝ̀nzál mala nyamɓikea mǝdǝmbe yilǝmu ace mǝnana ɓǝ̀ gandǝ na cau ka. Pǝlǝa ɓǝ̀nzál mala nyamɓikea tsǝa ama ɓwa mǝnana kat ɓine ama pà nǝ̀ peri abaní raka, ɓǝa wal-luí.

Sǝna 13:17

Ɓwa mǝnana kat panǝ mǝnia yì nyoulǝa raka à eari wi ɓǝ̀ kúr kǝgir ko ɓǝ̀ mak kǝgir ɗang. Mǝnia yì nyoulǝa ka, lullǝu mala nyamɓikea na, ko lámbà mala lullǝi na.

Sǝna 16:6

Yia ka, à sukki nkila mala aɓwana mo amǝfele, andǝ mala amǝ'ɓangna mo. Ace mani ka, a pania wia nkila ɓǝa nu. À nda rǝ kum tangnakusǝia arǝ gir mǝnana karǝ a rǝia ka.”

Sǝna 17:6

Ən sǝni ka, mɓwame na aɓa wal-wale nǝ nkila mala aɓwana mala Ɓakuli, andǝ nkila mala aɓwana mǝnana à dum nǝ mǝsǝcau arǝ nakun Yesu ka. Lang ǝn sǝni ka, gir nî pam ndali kǝrkǝr.