2 Timoti 3:2 - Maləmce Məfele mala Ɓakuli: Kurcau Məbəshe

² Ɓwapǝndǝa nǝ̀ duk amǝ earce ɓamuria, amǝ rufi ata boalo, amǝ nggori andǝ amǝ twalɓamuru. À nǝ̀ duk amǝ ɓǝsǝki Ɓakuli, andǝ amǝ mgbikiru aban atárria andǝ anggea, andǝ amǝ ɗwanyi pak yàwá, à pà nǝ̀ fali nǝ Ɓakuli ɗang.

2 Timoti 3:2 ပူးပေါင်းရင်းမြစ်များ

Matiu 15:6

ɓwe nǝ̀ gandǝ ginǝ pe tarrí ko nggè gulo nǝi. Anggo ka wu nyesǝna cau mala Ɓakuli ɓà ace pakkiagir ma'wun.

Luka 12:15

Pǝlǝa ne ɓwabunda ama, “Wu parkir wun, wu yal rǝ wun arǝ koya ulang kikil ka, acemǝnana lakki mala agirkuma mala ɓwa ka, nda yilǝmi ɗang.”

Luka 16:14

Sǝ yia amǝ Farisi mǝnana amǝ earce boalo na ka, à nǝ̀ ok mǝnia yì acau ka, à sonzǝkì Yesu ngge.

Luka 6:35

Wun ngga, wu earce aɓi wun amǝbura, wu pakkia wia mǝɓoarne. Wu pea wia tangna, sǝ wu kǝa tsǝkɓalǝu ama à nǝ̀ mbwe wun ɗang. Sǝ tangnakusǝ wun nǝ̀ gulo, sǝ wu nǝ̀ duk amuna mala Tar wun Ɓakuli mǝnana Karban nǝ Gulo kat ka. Acemǝnana yì ka, kǝ lǝmndǝ ɓwamuru male, ko aban amǝtǝmbu andǝ amǝ'ɓealɓikea.

Amǝ Mishan 5:36

Wu nǝ̀ gandǝ ɗenyi ama, ɓwa kǝla Tiudas, pur a pwaryan kǝ na ama, yì ka, ɓwamǝgule na, yi mǝnana aɓwana gbǝman-ine pǝlǝ amǝkpate ka. Sǝ à yì wali wǔ, amǝ kpate gbal ka à mesǝke, sǝ cau male yi wú anggo.

Amǝ Roma 11:18

Ace mani ka, wu kǝa nggori ace zwaɓi mǝnana à zwaɓi wun, wu akban came mala abu-nggun mǝnana à kpalǝkia ka ɗang. Wu nda mǝnana wu bwalkiyi nlerǝ nggun ngga ɗang, nlerǝ nggun nǝ̀ bwalkiyi wun.

2 Amǝ Korinti 5:15

Yi wu ace koyana le ka, ace mǝnana aɓwana mana à ak yilǝmu mǝbǝshe male ka, ɓǝa kǝa dupi ɓamuria ɗang, ɓǝa dupi Kǝrǝsti, mǝnana wu sǝ à loasǝi acea ka.

Amǝ Filipi 2:21

Koyan ngga, gir mǝnana ɓabumi earkiyi ce ka nda pakkiyi ka, à tsǝkir turo mala Yesu Kǝrǝsti ɗang.

Amǝ Kolosi 3:5

Ace mani ka, wu wal lu koya ɓeal wun mala pakki agirɓana mala ɓanza. Yì aɓealǝu kìɗìkì mala nongginǝ rǝarǝu, andǝ do-pǝndǝkya, andǝ nshawari, andǝ suno mǝɓane, andǝ shamgir mala ɓwa (acemǝnana shamgir mala ɓwa ka ɓe njari mala peri ata nkul na).

2 Amǝ Tasalonika 2:4

Yì ka, nda ɓiumǝbura mǝnana kǝ loasǝ ɓamuri amur Ɓakuli andǝ agir mǝnana kat aɓwana kǝ peri abania ka. Yale nǝ̀ kutio a Ndàmǝgule mala Ɓakuli nǝ̀ duk kam, nǝ̀ na ama yì nda Ɓakuli.

1 Timoti 1:20

A ulang yia ka à nda ka Hemǝniyos andǝ Alizanda. Yia kǝm ngga, ǝn tasǝnia a ɓabu Shetan; mǝnia ka nǝ̀ kania wia gir ace mǝnana ɓǝa kǝa zalǝ Ɓakuli raka.

1 Timoti 1:9

Sǝ ɗǝm ngga sǝm sǝlǝna ama nggurcau ka, à ci ace aɓwana mǝnana à kǝ pak mǝɓoarne ka ɗang. Nda ace amǝ yàl nzongcau, andǝ amǝ'mgbikiru, andǝ amǝ ɗwanyi ɓanggi Ɓakuli, andǝ amǝ'cauɓikea. Nda gbal ace amǝ ɗwanyi dukdo mǝfele, andǝ amǝ nyesǝ ce kpata Ɓakuli ɓà, andǝ amǝ wal-lú ka tárria andǝ nggea.

1 Timoti 3:3

Yì ka, pà nǝ̀ duk mǝ'nuki agir andǝ wal-wale ɗang, pà nǝ̀ duk mǝ lullo ɗang, nǝ̀ pak ɓukɓuk, pà nǝ̀ earce loasǝkiaban ɗang, sǝ pà nǝ̀ duk mǝ rufi ata boalo ɗang.

1 Timoti 6:10

Acemǝnana rufi ata boalo ka, nda nlerǝ koya ɓealɓikea. Aɓea aɓwana mana bumia kǝ pi ace alta gǝna ka, gandǝa à kpana, à ɗekina paɓamuru malea aban Ɓakuli, à soana ɓabumia nǝ agir bumkiɗikea.

1 Timoti 6:4

ɓwe ka, twalɓamuru akini, sǝ surǝ kǝgir ɗang. Ulang mǝnia yì ɓwa ka, ndanǝ ɓabum mǝɓane mala makgir andǝ loasǝkiaban amur acau mana à kǝ yinǝ mɓali, andǝ kúnɓuana, andǝ kiɗiki ɓwa, andǝ nusǝban nǝ mǝɓane.

2 Timoti 3:4

Ɓwapǝndǝa nǝ̀ duk amǝ mak aɓea, amǝ ɗwanyi tsǝkiru, amǝ gusǝlǝ-muru, andǝ amǝ earce banɓoarnado amur earce Ɓakuli.

Jemis 2:8

Ɓǝ̀ ɓafo na wu bwalǝna mǝnia yì nggurcau mala murǝm Ɓakuli, mǝnana à gilǝì aɓa Malǝmce ka, ama “Wu earce ɓio-mǝ'njarmurkala kǝla mǝnana a earce ɓamuro ka,” wu nǝ̀ nggǝ pak mǝɓoarne.

Jemis 4:16

Sǝ ado ka wu kǝ arkikun wun sǝ wu kǝ nggori aɓa ɗenyicau ma'wun. Sǝ mǝno yì arkikun ngga mǝɓane.

Jemis 4:6

Sǝ Ɓakuli ka kǝ pa sǝm ɓwamuru kǝrkǝr. Nda gir mǝnana tsǝa sǝ Malǝmce na ama, “Ɓakuli kǝ ɓinǝ cau mala amǝ'twalɓamuru, sǝ kǝ ɓwamur amǝ'nongsǝmuru.”

1 Bitǝrus 5:5

Sǝ wun alo-ɓwa gbal ka, wu kǝ nongsǝ mur wun aɓata aɓwana-mǝgule. Wun kat ka, wu do nǝ nyesǝmuru a rǝarǝ wun, acemǝnana Malǝmce na ama: “Ɓakuli kǝ mgbali amǝ'gusǝlǝ-muru, sǝ kǝ lǝmndǝì amǝ nyesǝ muru ɓwamuru.”

2 Bitǝrus 2:10

Nggeamurǝmi ka, nǝ̀ ɓashi amǝ gyata kìɗìkì mala anpel mala nggūrǝu, andǝ amǝ burice yalban mala Ɓakuli amuria. Acemǝnana amǝnia yì amǝkanigir mǝ'nyirì ka à ndanǝ gusǝlǝ-ɓamuru, andǝ candǝ-ɓamuru ɗǝm ngga, ko ɓangciu kǝ pakkia wia arǝ na mǝɓane amur amǝturonjar a kuli, mǝnana Ɓakuli pea wia tǎ aɓa ɓoarɓwa ka ɗang.

2 Bitǝrus 2:12

Amǝnia yì amǝkanigir mǝ'nyirì ka, à kǝ gyata oe malea a rǝǔ, kǝla anyamɓikea mǝnana à pànǝ ɗenyicau raka, mana à pusǝia ace mǝnana ɓǝa bwalia ɓǝa wallia ka. À kǝ na mǝɓane amur gir mǝnana à bwalta kusǝì raka, sǝ acemǝnana à nda kǝla agirkusǝu ka, à nǝ̀ kiɗikia.

2 Bitǝrus 2:18

Nǝ́ naki acau mǝɓangge mala twalɓamuru malea, à kǝ swár aɓwana mǝnana à ndarǝ puro à nǝ̀ api ɓalǝ aɓwana mǝnana a do aɓa ɓwarkio mala cauɓikea ka. À kǝ ɓariki à nǝ̀ nunnia aɓalǝ asuno mǝɓane mala nggurǝ ɓwapǝndǝa mǝ'earce kìɗìkì mala cauɓikea.

2 Bitǝrus 2:3

Nzumon malea nǝ̀ cea à nǝ̀ yiu nǝ acau swarkiban aɓa kutan, à nǝ̀ ɓǝmbǝri wun. Ɓakuli angŋǝna dǝmbǝa ɗiɗyal kasǝnia ɓashi, sǝ kiɗikea malea ka, ceì nong ɗang.

Yahuda 1:16

Amǝnia yì aɓwana ka, amǝ sǝn ɓwarkio mala aɓwana na andǝ amǝ'nggwani, à kǝ pakki agir mǝɓike mǝnana kat à earkiyice ka. Yia ka, amǝ nggori na, andǝ amǝ'swarban nǝ kunɓoarna ace kum gir mǝnana à earkiyice ka, a bu aɓwana.

Sǝna 13:1

Sǝ ǝn sǝn ɓe kǝ nyamɓikea aban puro aɓa nggeamur. Ndanǝ aɓamuru tongno-nong-ɓari andǝ anjawe lum. Amur koya njawe male ka sukuru-murǝm na kam, sǝ arǝ koya ɓamuri ka lullǝu na kam à gilǝì, sǝ koya lullǝu ka cau ɓǝsǝkiban na arǝ Ɓakuli.

Sǝna 16:11

À kutia naki acau ɓǝsǝkiban arǝ Ɓakuli, yì murǝm kuli, àtàcau mala kwanban andǝ anpenye mǝnana kumia ka. Sǝ à ginǝ pwanzali amur agir mǝɓane mǝnana à pakkia ka.

Sǝna 16:21

Amǝsǝtali-mbulo mǝgulke, mǝnana dǝmbǝrya malea na kǝla anggea-taligo ka, à ara a kuli aban yiu amur aɓwana a nzali. Aɓwana kutia bang cau mǝɓane arǝ Ɓakuli ata cau mala mǝnia yì gir yinǝ tanni twal la nǝ mǝsǝtali-mbulo ka, acemǝnana gir nî ɓiki kǝrkǝr.

Sǝna 16:9

Ace ɓiki pisǝkiban mala pipwari amur aɓwana ka, à kutia naki acau mǝɓane arǝ lullǝ Ɓakuli mǝnana ndanǝ rǝcandǝa amur amǝnia yì agir yinǝ tanni twal la ka. À gine à pà nǝ̀ pwanzali à nǝ̀ pǝlǝ nzǝmia arǝ acauɓikea malea, à nǝ̀ pe Ɓakuli gulo ɗang.