2 Timoti 3:16 - Maləmce Məfele mala Ɓakuli: Kurcau Məbəshe

¹⁶ Malǝmce mǝfele kat ka, ǝn'yali mala Ɓakuli na, sǝ ndanǝ ɓoaro ace kani mǝsǝcau, andǝ lǝmndǝ ɓwarkio, andǝ gilǝkiban aɓa ɓwarkio, andǝ kwarkiru ace pak mǝɓoarne.

2 Timoti 3:16 ပူးပေါင်းရင်းမြစ်များ

Matiu 13:52

Pǝlǝa nea wia ama “Ace mani ka, mǝ'eaulǝki Nggurcau mala Musa mǝnana à kani wi gir, kum kwar rǝǔ ace Domurǝm mala kuli ka, nda kǝla mǝtala-ɓala mǝnana kǝ pusǝ gǝna mǝbǝshe andǝ amǝ'e aɓa bah male ka.”

Matiu 21:42

Yesu pǝlǝa nea wia ama, “Wu ɓal cau mana Malǝmce mala Ɓakuli bang ngga re? Mǝnana ama, “ ‘Tali mana amǝɓa ginǝi ka, nda yi pǝlǝ mǝɓoarne kat ka. Mǝnia ka pé mala Ɓakuli na; Gir ndali na aban sǝm.’

Matiu 22:43

Yesu nea wia ama, “Ɓǝ̀ muna mala Dauda na ka, palang sǝ Dauda, nǝ́ kanì mala Bangŋo mala Ɓakuli a bumi ka, tunǝi ama ‘Mǝtalabangŋo?’ Acemǝnana yì Dauda ka bangŋa ama,

Matiu 26:54

Sǝ ɓǝ̀ ǝn pa anggo ka, lang sǝ cau mǝnana Malǝmce mala Ɓakuli bangŋi ama nǝ̀ pa ana ka nǝ̀ lumsǝo?”

Matiu 26:56

Sǝ mǝnia kat ka pâ ace lumsǝ cau mǝnana amǝ'ɓangna mala Ɓakuli gilǝa a Malǝmce male ka.” Nda alaggana male kat ɓangŋa à ɗeki nǝmurǝì ka.

Markus 12:24

Yesu earia wia ama: Ɓwarkio ma'wun ngga nda mǝnana ama wu surǝ Malǝmce andǝ rǝcandǝa mala Ɓakuli ɗang.

Markus 12:36

Dauda nǝ nggearǝì ka, na cau aɓa Bangŋo Mǝfele ama: “Mǝtalabangŋo ne Mǝtalem ama, ‘Do a buno gulo, ata buam mǝli she ɓǝ̀ ǝn nyesǝna aɓeo amǝbura a ɓakusǝo ka.’

Yohana 10:35

Wu sǝlǝna ama cau mǝnana Malǝmce bang ngga makgir pà a rǝì ɗang, camǝna anggo pà nǝ̀ nggaɗi ɗang. Sǝ ɓǝa aɓwana mǝno à ak cau mǝno, à tunǝia ama “aɓakuli” ka,

Yohana 3:20

Ɓwa mǝnana kat mǝɓealɓikea na ka, kǝ ginǝ tǎlaban, sǝ pà nǝ̀ yiu aban tǎlaban ɗang, ace mǝnana ɓǝ̀ tǎlaban ɓǝ̀ kǝa lǝmndǝ aturo ɓealɓikea male ɗang.

Amǝ Mishan 1:16

Wun amǝ'eambǝam, dumǝna púp ama à nǝ̀ lumsǝ cau Malǝmce mala Ɓakuli mǝnana Bangŋo Mǝfele bangŋi ɗiɗyal nǝ kun Murǝm Dauda amur Yahuda ka. Yahuda ka nda ɓwa mǝnana lǝmndǝ njar aban ká nǝ́ aɓwana mǝnana à bwal Yesu ka.

Amǝ Mishan 18:25

Acemǝnana yì ka, kum kanigir kǝrkǝr aɓa Njar mala Mǝtalabangŋo ka, nǝ ɓabum pina mǝgule sǝ kǝ hama andǝ kani aɓwana mǝsǝrǝ mǝsǝcau amur Yesu. Sǝ kat andǝ a mani ka, kǝ cau mala pa batisǝma mala Yohana na surǝ ce ka.

Amǝ Mishan 20:20

Wun ngga wu sǝlǝna ama aɓa hamnǝ cau mala Ɓakuli bwāng, mǝnana ǝn pe aɓalǝ aɓwana, andǝ kanigir arǝ aɓala ma'wun ngga, ǝn nying kǝgir mǝnana ɓoaro ɓǝ̀ ǝn bangga wun, mǝnana nǝ̀ bwala wun nggam ngga ɗang.

Amǝ Mishan 20:27

Acemǝnana kane kat mǝnana Ɓakuli ndanǝi a ɓabumi, sǝ kǝ earce ama ɓǝ̀ wu surǝì ka, ǝn nyar nǝ tam arǝ hamnǝ ce aban wun ɗang.

Amǝ Mishan 28:25

Pǝlǝa à tita nying banì, nǝ makgir a rǝarǝia. Bulǝs ka angŋa dǝmbǝa bangŋǝnia wia mǝnia yì cau ka ama: Bangŋo Mǝfele banggi aká wun mǝsǝcau nǝ kun Ishaya, mǝɓangna mala Ɓakuli. Nea wia ama:

Amǝ Roma 15:4

Agir mǝnana à gilǝia kat aɓa Malǝmce ɗiɗyal ka, à gilǝia ace kwarkir sǝm, ace mǝnana nǝ ɓakɓabum andǝ munyi mǝnana sǝm nǝ̀ kumo aɓa cau mala Malǝmce ka, sǝm nǝ̀ dum nǝ tsǝkɓalǝu.

Amǝ Roma 2:20

A kǝ sǝni kǝla a nǝ duk mǝkwarkir amǝ ɗwanyi sǝlǝe andǝ mǝkania amuna gir aɓa njar mala Ɓakuli, acemǝnana surǝgir andǝ mǝsǝcau kat ka ndakam aɓa Nggurcau ka.

Amǝ Roma 3:2

E, duk ɓwa Yahudi ka agir mǝɓoarne nakam kpem a ɓalǝi! A tite ka Ɓakuli pea amǝ Yahudi acau male a buia.

Amǝ Roma 4:23

Cau mǝno à bangŋi ama, “Ɓakuli é mǝ'cauɓoarna na” ka, pa ace Ibǝrayim nǝmurǝì sǝ à gilǝì ɗang.

1 Amǝ Korinti 12:7

Sǝ koyana ka à pàni wi ɓoro mala bangŋo, ace bwali acilia aɓwana kam.

Amǝ Galati 3:8

Malǝmce ak dǝmbǝa bang ɗiɗyal ama, Ɓakuli nǝ̀ ak aɓwana mala acili anzali, à nǝ̀ pǝlǝ amǝ'cauɓoarna, ace paɓamuru malea abani. Nda sǝ ak dǝmbǝa ne Ibǝrayim mǝnia yì bǝsa cau mǝɓoarne ama, “Aɓwana arǝ anzali kat ka, à nǝ̀ kum tsǝkbu mem nǝ bano.”

2 Timoti 2:25

Aɓa pê ɓukɓuk ka, kwarkir aɓwana mǝnana à kǝ ɓinǝ earnǝ mǝsǝcau ka. Yakǝla ka, Ɓakuli nǝ̀ nggaɗi ɓabumia, sǝ à nǝ̀ vwaki buia arǝ cauɓikea à nǝ̀ pwanzali, ɓǝ̀ kyan nǝia aɓa surǝ mǝsǝcau.

2 Timoti 4:2

We ka, hamnǝ cau mala Ɓakuli. Do aɓa gilǝrǝu ace mǝnia yì turo ka, ko njar na kam ko pà kàm ɗang. Lǝmndǝi aɓwana ɓwarkio malea, nunkiria, sǝ wu ɓak ɓabumia nǝ munyi mǝgule andǝ kwarkiru ɓukɓuk.

Amǝ Ibǝru 11:1

Adyan ngga, guli arǝ Ɓakuli ka, nda makɓalǝu ama kàngkàng sǝm nǝ̀ kum agir mǝnana sǝm tsǝkɓalǝ sǝm a rǝia ka; nda mǝsǝkang-kangŋa arǝ gir mǝnana sǝm nggǝ sǝni raka.

Amǝ Ibǝru 3:7

Ace mani ka, kǝla mǝnana Bangŋo Mǝfele kǝ na ama: “Ɓǝ̀ yalung, sǝ wu ongŋa gi ka,

Amǝ Ibǝru 4:12

Cau mala Ɓakuli ka, ndanǝ yilǝmu, sǝ ndanǝ rǝcandǝa. Cyauwe kuti koya ulang ya nggeabyau mǝnana kuni ɓari ka. Kǝ soaban, kǝ kutia ban gakya mala bangŋe ɓwa andǝ yilǝmi. Kǝ kutio aban kpakǝri mala mú andǝ girɓamu. Kǝ pusǝta mana nda mǝɓoarne andǝ mǝɓane arǝ ɗenyicau andǝ kani mala ɓabum ɓwa.