2 Timoti 3:11 - Maləmce Məfele mala Ɓakuli: Kurcau Məbəshe

¹¹ kat andǝ atanni mem, andǝ apatanni mana à yiu amuram ngga. À surǝna rǝ kanggǝrang tanni mǝnana à pam a Antiyok, andǝ Ikoniya andǝ Listǝra ka. Kat andǝ amani ka, Mǝtalabangŋo amsǝam aɓalǝ amǝnia yì agir ka kat.

2 Timoti 3:11 ပူးပေါင်းရင်းမြစ်များ

Amǝ Mishan 13:14

À puri Parga, à eauwe a nza aban ká a Antiyok mala bu-nzali Pisidiya. A pwari Sabbat, pwari usǝlǝo mala amǝ Yahudi ka à kutio aban peri a ndakpapi mala amǝ Yahudi, à kya do.

Amǝ Mishan 13:45

Lang aɓwana-mǝgule mala amǝ Yahudi nǝ̀ sǝn aɓwabunda ka, kara mɓali pakkia wia, à kǝ makgir nǝ cau kat mǝnana Bulǝs bang ngga, à kǝ sanggì.

Amǝ Mishan 14:8

A Listǝra ka, ɓeɓwa nakam gbakǝri arǝ akusǝi, anggo sǝ à ɓǝli, mwam gya àkǝ̀ pwari ɗang.

Amǝ Mishan 20:19

Nǝ nyesǝɓamuru andǝ mǝrǝm a mǝsǝam sǝ ǝn pakki Mǝtalabangŋo turo, acemǝnana mǝ nda mǝguro male. Ən do nǝ gandǝrǝu aɓa nutanni mala agir mǝnana à yipam nǝ kurkunarǝu mala amǝ Yahudi mǝnana amǝkwaɗi na raka.

Amǝ Mishan 23:10

Lang mǝsarǝban mala asoje sǝn cau kǝ gulki ka, ɓangciu bwali, acemǝnana à kǝ nunggi Bulǝs, ndo à nǝ̀ tsǝki wi pengye. Pǝlǝa tsǝk asoje ɓǝa sulǝo ɓǝa kya amsǝi a ɓabuia nǝ rǝcandǝa, ɓǝa nyesǝi a banmǝcande mala asoje.

Amǝ Mishan 26:17

Mǝ nǝ amsǝo a bu amǝ Isǝrayila andǝ aɓwana mala acili anzali mǝnana ǝn nggǝ turo abania,

Amǝ Mishan 26:22

Sǝ ba yalung ngga, Ɓakuli ka bwalàm nggàm, nda gir mǝnana tsǝa ado sǝ ǝn kumo ǝn came akani, ǝn nggǝ nakunam aban aɓwana kat, ɓwa mǝkyauwe andǝ ɓwamǝgule. Sǝ gir mǝno ado ǝn nggǝ na ka nda kǝgir mǝnana amǝ'ɓangna mala Ɓakuli andǝ Musa bangŋa ama nǝ̀ yia pur ka.

Amǝ Mishan 9:16

Mǝ nǝ lǝmndǝì wi agir mǝnana nǝ̀ tanni a rǝia kat ace lullǝam ngga.”

Amǝ Roma 15:31

Wu pak hiwi ama, ɓǝ̀ ǝn api turo mǝɓike mala amǝ mgbikiru aɓa nzali Yahudi. Wu pak hiwi ɗǝm ama amǝkpata Ɓakuli mǝnana a Urǝshalima ka, ɓǝa kum ɓabum ak ɓoro mǝnana ǝn nggǝ kánia wia nǝi ka.

2 Amǝ Korinti 1:5

Sǝ kǝla mǝnana sǝm nggǝ nu tanni kpǝm ata Kǝrǝsti ka, anggo gbal sǝ sǝm nǝ̀ kum girikiban kpǝm nǝ bu Kǝrǝsti.

2 Amǝ Korinti 1:7

Tsǝkɓalǝu ma'sǝm arǝ came ma'wun kàngkàng ngga kǝ dǝurǝ ɗang, acemǝnana sǝm sǝlǝna ama, kǝla mǝnana wu kǝ nu tanni ata sǝm ngga, anggo gbal sǝ wu nǝ̀ kum girikiban ata sǝm.

2 Amǝ Korinti 12:10

Nda gir nî sǝ ban kǝ ɓoaram arǝ rǝɓunggia mem, andǝ sanggiban, andǝ domǝkwane, andǝ pàtanni, andǝ atanni mǝnana ǝn nggǝ kutio aɓalǝia ace Kǝrǝsti ka. Acemǝnana ɓǝ̀ mǝ nda aɓa rǝɓunggia ka, sǝ mǝ nǝ̀ kum rǝcandǝa.

2 Timoti 4:7

Ən munǝna munǝo mǝɓoarne, mire mem bwalǝna masǝlǝate, sǝ ǝn camǝna kàngkàng aɓa paɓamuru arǝ Kǝrǝsti māna à pam a buam ngga.

2 Bitǝrus 2:9

Sǝ acemǝnana Ɓakuli pak mǝno ka, yì ka, surǝna njar mana nǝ̀ amsǝna amǝ'ɓealɓoarna nǝi aɓalǝ akárǝkiban malea, sǝ amǝ'ɓealɓikea ka, nǝ̀ cia aɓata tanni, ba pwari mala ɓashi.