2 Timoti 3:10 - Maləmce Məfele mala Ɓakuli: Kurcau Məbəshe

¹⁰ Sǝ we Timoti ka, à surǝna rǝ kanigir mem andǝ ɓealǝam. À surǝna rǝ kani mala ɓabumam aɓa do mem. À surǝ paɓamuru mem, andǝ munyi, andǝ earcearǝu, andǝ gandǝrǝu mem;

2 Timoti 3:10 ပူးပေါင်းရင်းမြစ်များ

Luka 1:3

Ace mani ka, we Ɓwamǝgule Tiyofulus, ǝn bǝl atǝ́r ace pepe, sǝ ǝn sǝni ka ɓoaro ɓǝ̀ ǝn gilǝo wia kǝla mǝnana à kwaɗi rǝia ka.

Amǝ Mishan 11:23

Lang yiu yi bwalǝna Antiyok sǝ sǝnǝna tsǝkbu mala Ɓakuli amur aɓwana ka, bumi pwasǝo, camarǝ kwarkiria ɓǝa cam kàngkàng aɓa paɓamuru malea sǝ ɓǝa do nǝ mǝsǝcau aban Mǝtalabangŋo.

Amǝ Mishan 2:42

Pǝlǝa yia ka à paɓamuria aban ak kanigir aban amǝ'mishan, andǝ do a tarǝia, andǝ ligirlina a tarǝia, andǝ pakki ahiwi.

Amǝ Mishan 20:18

Lang à yina ka, pǝlǝa nea wi ama: Wun ngga wu surǝna ulang do mem andǝ turo mǝnana ǝn pa aɓalǝ apwari mǝno kat mǝ nda aban wun ngga, tite àkǝ̀ pwari mǝnana ǝn yiu nǝi a bu-nzali Asiya ka.

Amǝ Mishan 26:4

Amǝ Yahudi kat ka, à sǝlǝna rǝ do mem, lo a muntulo mem aɓa nzali mem andǝ mǝnana a Urǝshalima nǝ nzǝmo ka.

Amǝ Roma 16:17

Ən nggǝ zǝmbǝa wun ɗǝm, wun amǝ'eambǝam, wu tsǝk kir wun arǝ aɓwana mǝnana à kǝ yinǝ gakia aɓalǝ wun, sǝ à nǝ̀ tsǝk wun a ɓwarki tanjar, nǝ akanigir mǝnana à nda ɗàng andǝ mǝnana à kania wun ngga. Wu nyia zak, ce wu sung abania ɗang!

2 Amǝ Korinti 1:17

Mǝno ka nda ɗenyicau mem. Sǝ lang ǝn kani mǝ nǝ pa anggo ka, ǝn do kǝla ǝn panǝ ɗenyicau re? Ko ǝn nggǝ twal akani mem kǝla pe mala amǝɓanza ace mǝnana mǝ nǝ na ama, “E, e” sǝ, “Awo, awo” a tarǝia ka le?

Amǝ Afisu 4:14

Anggo ka, pa sǝm nǝ̀ duk amuna ɗǝm ɗang. Pa sǝm nǝ̀ eare ɓǝ̀ sǝm nggǝ nggaɗiki ɗenyicau ma'sǝm arǝ gir mǝnana sǝm earǝna nǝi ka, nǝ koya bǝsa kanigir mala aɓwana amǝ ɓosǝkiban nǝ anyir aɓa kutan, mǝnana à kùrrì aɓa sǝmbǝrǝa ace swarkiban ngga ɗang.

Amǝ Filipi 2:20

Ən panǝ kǝɓwa kǝla yì, Timoti, mǝnana kǝ tsǝkir wun pepe aɓa mǝsǝcau ka ɗang.

Amǝ Filipi 2:22

Sǝ Timoti ka, wu sǝlǝna ama lǝmndǝna ɓamuri ama karǝna ɓwa. Pangŋǝna turo atam kǝla muna andǝ tarrí. Yì ka, bwalam nggam aɓa turo hamnǝ Cau Amsǝban.

1 Amǝ Tasalonika 1:5

Cau Amsǝban mǝnana sǝm yiu nǝi aban wun ngga, pà aɓa ne anggo nǝmurǝì ɗang, nda gbal aɓa rǝcandǝa mala Bangŋo Mǝfele, andǝ pa'eare mǝkǝrkǝr nì mǝnana lǝmndǝ ama cau mana sǝm na ka mǝsǝcau na ka. Wu sǝlǝna rǝ ulang do mǝnana sǝm do aɓalǝ wun àkǝ̀ ce ɓoaro ma'wun ngga.

1 Timoti 1:3

Mana mǝ nǝ o a Masǝdoniya ka, ǝn no nǝ rǝcandǝa nǝma wu came a Afisu, ace mǝnana wu tamsǝ aɓwana mǝnana akanigir malea ka, à nda ɗàng andǝ mǝsǝcau ka.

1 Timoti 4:6

We ka, ɓǝ̀ a kǝ lidǝmbǝa nǝ bǝli amǝkpata Ɓakuli ɓalǝ amǝnia yì agir ka, a nǝ duk mǝturo mǝɓoarne mala Kǝrǝsti Yesu, a nǝ lǝmndǝ ama a gulna aɓalǝ acau mala do kwaɗi andǝ kanigir mǝ'mǝsǝcau nì mǝnana a kpana te ka.

1 Timoti 6:11

Sǝ we Timoti ka, a nda ɓwa mala Ɓakuli. Ace mani ka, ɓanggi agir mǝɓike mǝnia kat ka, sǝ wu kpata pakgir a njari andǝ pe mǝɓoarne, andǝ docauɓoarna, andǝ do ɓwa mala Ɓakuli, andǝ paɓamuru, andǝ earcearǝu, andǝ bwalrǝu, andǝ do ɓukɓuka.

2 Timoti 2:22

Ɓanggi koya suno mala lo-ɓwa, sǝ wu ɓangŋa ata ɓealɓoarna, andǝ paɓamuru, andǝ earcearǝu, andǝ do rǝpwala, ata re wun wunǝ aɓwana mǝnana à kǝ tunǝ lullǝ Mǝtalabangŋo nǝ ɓabum mǝɓoarnsari ɓǝ̀ ɓwalia wia kam ngga.

2 Timoti 4:2

We ka, hamnǝ cau mala Ɓakuli. Do aɓa gilǝrǝu ace mǝnia yì turo ka, ko njar na kam ko pà kàm ɗang. Lǝmndǝi aɓwana ɓwarkio malea, nunkiria, sǝ wu ɓak ɓabumia nǝ munyi mǝgule andǝ kwarkiru ɓukɓuk.

2 Timoti 4:3

Acemǝnana pwari na kǝ yiu ka, mǝnana ɓwapǝndǝa pa nǝ̀ earnǝ kanigir mǝɓoarne raka. A kun mani ka, à nǝ̀ rambǝa amǝkanigir a rǝia mǝnana à nǝ̀ pwasǝ bumia nǝ nea wia gir mǝnana kiria kǝ oākia a rǝì, sǝ à earkiyi ce oe ka.

2 Timoti 4:7

Ən munǝna munǝo mǝɓoarne, mire mem bwalǝna masǝlǝate, sǝ ǝn camǝna kàngkàng aɓa paɓamuru arǝ Kǝrǝsti māna à pam a buam ngga.

Titus 2:7

Aɓalǝ agir kat ka, we nǝ nggearǝo ka pak gir mǝɓoarne mǝnana yia ka à nǝ̀ sǝna a rǝo ka. Aɓa kanigir mo ka, lǝmndǝ mǝsǝcau andǝ pe nǝ ɓabumo kat.

Amǝ Ibǝru 13:9

Ɓǝa kǝa ɓosǝki wun nǝ ambalang abǝri kanigir ɗang. Ndanǝ ɓoaro ɓǝ̀ rǝcandǝa mala ɓabum wun yiu nǝ ban ɓwamuru mala Ɓakuli, ɓǝ̀ kǝa yiu nǝ ban kpata anzongcau mala liki agirlina ɗang; aɓwana mǝnana à kǝ kpata amǝnia yì anzongcau ka, à kǝ kum kǝgir aɓalǝi ɗang.

2 Bitǝrus 3:11

Sǝ acemǝnana koya gir nǝ̀ kiɗiki anggo ka, ya ulang aɓwana na ɓoaro ɓǝ̀ sǝm pǎ? Ɓoaro ɓǝ̀ sǝm do aɓa do mǝfele andǝ do ulang mǝnana Ɓakuli earkiyice ka!