2 Timoti 2:23 - Maləmce Məfele mala Ɓakuli: Kurcau Məbəshe

²³ Kǝa kánǝ ɓamuri aɓalǝ agǝmi makgir andǝ mana sǝlǝe pà aɓalǝia raka ɗang, acemǝnana we ka a sǝlǝna ama, kǝ yinǝ munǝo.

2 Timoti 2:23 ပူးပေါင်းရင်းမြစ်များ

1 Timoti 1:4

Kǝa earia wia ɓǝa kǝ kiɗiki do ace naki anjarnzǝne andǝ makgir amur acau mala atau mala aɓwana a pwaryan ngga ɗang. Acemǝnana amǝnia yì agir ka, à pà nǝ̀ lumsǝ pe mala Ɓakuli ɗang, ko a na raka, à pà nǝ̀ bwali aɓwana kam aɓa do paɓamuru malea aban Ɓakuli ɗang.

1 Timoti 4:7

Tārǝto arǝ naki acauɓana andǝ anjarnzǝne mala aɓwagula. We ka, pa rǝcandǝa mo arǝ pe ɓamuro kanigir mala do pepe aɓa Bangŋo.

2 Timoti 2:14

Wu kǝ kasǝ ɓalǝ aɓwana arǝ amǝnia yì agir ka, sǝ wu nunkiria a ɓadǝm Ɓakuli, ɓǝa ɗeki makgir amur acau. Amǝno yì amakgir ka, à pànǝ ɓoaro ɗang, à nǝ̀ kiɗiki aɓwana mǝnana à kǝ okia ace ka.

2 Timoti 2:16

Tārǝto arǝ naki acauɓana andǝ amǝnana à pà nǝ̀ yinǝi Ɓakuli gulo raka, acau ɓanggea mǝnana à kǝ tasǝta aɓwana nǝ tasǝa aɓa ɗwanyi surǝ Ɓakuli ka.

Titus 3:9

Kǝa kutio aɓa makgir mǝɓane amur bǝlkikusǝ atau mala akáu mǝnana a pwaryan ngga, andǝ nunggirǝu, andǝ munǝki amunǝo amur Nggurcau mala amǝ Yahudi ɗang. Amǝno yì amakgir ka à nda ɓà, kǝgir mǝɓoarne pà aɓalǝia ɗang.

Jemis 4:1

Mana gir nì na yiki nǝ munǝo sǝ mana gir nì na yiki nǝ loasǝkiaban aɓalǝ wun ɗe? Asuno ma'wun mala earce banɓoarnado mǝnana à kǝ munǝ a ɓabum wun ngga, à nǝ̀ yiki nǝia re?