2 Timoti 2:22 - Maləmce Məfele mala Ɓakuli: Kurcau Məbəshe

²² Ɓanggi koya suno mala lo-ɓwa, sǝ wu ɓangŋa ata ɓealɓoarna, andǝ paɓamuru, andǝ earcearǝu, andǝ do rǝpwala, ata re wun wunǝ aɓwana mǝnana à kǝ tunǝ lullǝ Mǝtalabangŋo nǝ ɓabum mǝɓoarnsari ɓǝ̀ ɓwalia wia kam ngga.

2 Timoti 2:22 ပူးပေါင်းရင်းမြစ်များ

Amǝ Mishan 7:59

Lang à ndarǝ ɓukki ka, Itǝfanu loasǝ gi pak hiwi ama, “Mǝtalabangŋo Yesu, ak yilǝmem.”

Amǝ Mishan 9:14

Sǝni ado, yiu male mana akani ka, agbani pǝris nǝ pe wi rǝcandǝa ɓǝ̀ yi bwalki aɓwana kat mana à kǝ̀ peri abano ka.”

Amǝ Roma 14:17

Acemǝnana Domurǝm mala Ɓakuli ka, cau mala li girlina na andǝ nuki agir ɗang. Nda ace do nǝ cauɓoarna, andǝ dorǝpwala, andǝ banɓoarnado aɓa Bangŋo Mǝfele.

Amǝ Roma 14:19

Ace mani ka, ɓǝ̀ sǝm ɓariki arǝ pakki agir mǝnana à nǝ̀ yinǝ dorǝpwala andǝ dotarǝu mala ɓak rǝarǝ sǝm ngga.

1 Amǝ Korinti 1:10

Ən nggǝ zǝmbǝa wun, wun amǝ'eambǝam, aɓa lullǝ Mǝtalabangŋo Yesu Kǝrǝsti, wu oaki arǝ wun, sǝ wu kǝa duk do gakitarǝu ɗang; a kun mani ka wu duk mwashat aɓalǝ wun andǝ ɗenyicau ma'wun.

1 Amǝ Korinti 1:2

À tasǝi aban ká aban ikǝlisiya mala Ɓakuli mana a Korinti, yia aɓwana mǝnana à tària ɓǝa duk aɓwana mala Ɓakuli aɓa Kǝrǝsti Yesu ka. Yia andǝ aɓwana kat arǝ aban kat mǝnana à kǝ tunǝ lullǝ Mǝtalabangŋo Yesu mǝnana nda Mǝtalea andǝ Mǝtala sǝm ngga.

1 Amǝ Korinti 10:14

Ace mani ka, wun amǝ'eambǝam, wu ɓanggi peri aban ankúl.

1 Amǝ Korinti 14:1

Ɓǝ̀ earcearǝu duk gir mǝnana nda wu nǝ̀ ɓangŋa ate amur acili agir ka, sǝ ɓǝ̀ rǝ wun ɓǝla arǝ kum aɓoro mala Bangŋo, nggeamurǝmi ka ɓoro mala na gì Ɓakuli.

1 Amǝ Korinti 6:18

Wu ɓanggi aturo mala kìɗìkì mala nongginǝ rǝarǝu. Acemǝnana acilia acauɓikea mana kat ɓwa kǝ pea ka, à kumsǝ nggūrǝi ɗang, sǝ ɓwa mǝnana kat pak cauɓikea nongginǝ rǝarǝu ka, pangŋǝni nggūrǝi cauɓikea.

1 Timoti 1:14

Sǝ Mǝtala sǝm solǝam ɓwamuru male mǝkǝrkǝr nì a muram, a tarǝia andǝ paɓamuru andǝ earcearǝu mǝnana à nda aɓa Kǝrǝsti Yesu ka.

1 Timoti 1:5

Tǝr mǝnia yì nzongcau ka nda mǝnana ama, amǝ kpata Ɓakuli kat ka, à nǝ̀ lumsǝ nǝ earcearǝu mǝnana purkiyi a ɓabum mǝɓoarnsari, andǝ ɗenyicau mǝɓoarne, andǝ paɓamuru mǝ'mǝsǝcau nì ka.

1 Timoti 2:8

A koya ban peri ka, ǝn nggǝ earce aburana mǝnana à pana ɓamuria aban Ɓakuli ka, ɓǝa pak hiwi nǝ loasǝ abuia mǝfele a kuli nǝ ɓabum mǝɓoarnsari, bumlulla andǝ makgir pà kàm ɗang.

1 Timoti 4:12

Kǝa eare ɓǝ̀ kǝ ɓwa nyesǝo ɓà, acemǝnana a nda lo-ɓwa ka ɗang. Duk girkani aban amǝkwaɗi aɓa nacau, andǝ domǝɓoarne, andǝ earcearǝu, andǝ paɓamuru, andǝ domǝɓoarnsari mo.

1 Timoti 6:11

Sǝ we Timoti ka, a nda ɓwa mala Ɓakuli. Ace mani ka, ɓanggi agir mǝɓike mǝnia kat ka, sǝ wu kpata pakgir a njari andǝ pe mǝɓoarne, andǝ docauɓoarna, andǝ do ɓwa mala Ɓakuli, andǝ paɓamuru, andǝ earcearǝu, andǝ bwalrǝu, andǝ do ɓukɓuka.

Amǝ Ibǝru 12:14

Wu ɓariki wu dukdo rǝpwala wunǝ aɓwana andǝ do mǝfele; aɓwana mǝnana à kǝ dukdo mǝfele raka, à pà nǝ̀ sǝn Mǝtalabangŋo ɗang.

1 Bitǝrus 2:11

Wun amǝ'eamrǝarǝu mǝnana ǝn earkiyi acea raka, wun mǝnana wu nda ka amǝgya-kutio andǝ abǝri a ɓanza ka, ǝn nggǝ kwarkir wun, wu gapita re wun nǝ anpel mala nggūrǝu, mǝnana à kǝ munǝo arǝ yilǝmi wun ngga.

1 Bitǝrus 3:11

Dumǝna púp, nǝ̀ pǝlǝ nzǝmi arǝ ɓealɓikea sǝ nǝ̀ pak mǝɓoarne; dumǝna púp, nǝ̀ alta dorǝpwala, sǝ nǝ̀ ɓangŋa ate.

3 Yohana 1:11

Gyajam mem mǝnana ǝn earkiyi ace raka, ce a twal kusǝu mǝnana mǝɓike na ka ɗang, kpata gir mǝnana mǝɓoarne na ka. Ɗenyi ama ɓwa mǝnana kǝ pak mǝɓoarne ka, ɓwa mala Ɓakuli na. Sǝ ɓwa mǝnana kǝ pak mǝɓike ka, ɓwe malaká surǝ Ɓakuli ɗang.