2 Timoti 2:2 - Maləmce Məfele mala Ɓakuli: Kurcau Məbəshe

² Sǝ kanigir mǝnana a oe a kunam a ɓadǝmbǝ amǝnakun pas ka, twali, kani aɓwana amǝ'mǝsǝcau nì mǝnana à nǝ̀ gandǝ tasǝi aban ká aban aɓea aɓwana gbal ka.

2 Timoti 2:2 ပူးပေါင်းရင်းမြစ်များ

Matiu 13:52

Pǝlǝa nea wia ama “Ace mani ka, mǝ'eaulǝki Nggurcau mala Musa mǝnana à kani wi gir, kum kwar rǝǔ ace Domurǝm mala kuli ka, nda kǝla mǝtala-ɓala mǝnana kǝ pusǝ gǝna mǝbǝshe andǝ amǝ'e aɓa bah male ka.”

Matiu 24:25

Wu tsǝk kir wun, ǝn gbara ǝn bangŋǝna wun adyan.

Luka 12:42

Mǝtalabangŋo Yesu eare ama: Yana nda muna-ɓala mǝnana mǝsǝle na, à nǝ̀ earnǝi ka? Yì ka, nda ɓwa mǝnana mǝtala-ɓala male nyinggi wi ɓala a bui, ɓǝ̀ pe acilia amuna-ɓala girlina ɓǝ̀ pwari malea pangŋǝna ka.

1 Amǝ Korinti 4:2

Sǝ gir mwashat ɓǝrɓǝr mǝnana à earkiyi ce arǝ ɓwa mǝnana Ɓakuli nyinggi wi turo a bui ka, nda mǝnana ama, ɓǝa kumi nǝ mǝsǝcau.

2 Amǝ Korinti 2:14

Sǝa ma ɓǝa pakki Ɓakuli yàwá! Acemǝnana ko aya pwari, aɓa dotarǝu ma'sǝm sǝnǝa Kǝrǝsti ka, kǝ ging nǝ sǝm aɓa limurǝm. Kǝ pakturo nǝ sǝm ace mesǝ mǝsǝcau mǝnana nǝ̀ tsǝk aɓwana ɓǝa surǝ Kǝrǝsti a koya ban, kǝla rǝm muru-mǝrǝmɓoarne.

2 Amǝ Korinti 3:5

Sǝm pa aban bang ama sǝm karǝna a mala pak mǝnia yì turo aɓa rǝcandǝa ma'sǝm ɗang. Kārǝa ma'sǝm ngga, pur nǝban Ɓakuli.

Amǝ Kolosi 1:7

Abafǝras, ɓi'sǝm mǝturo mǝnana sǝm earkiyi ace raka, nda ɓwa mǝnana nǝ baní sǝ wu kum sǝlǝe amur mǝnia yì ɓwamuru ka. Yì ka, mǝturo mala Kǝrǝsti na nǝ mǝsǝcau, sǝ nda mǝnana kǝ bwala sǝm turo ace wun ngga.

1 Timoti 1:12

Ən nggǝ pakki Kǝrǝsti Yesu Mǝtala sǝm yàwá mana pam rǝcandǝa mala pak turo male ka. Ən pak yàwá acemǝnana earnǝ mim sǝ twalam ama ɓǝ̀ ǝn pakki wi turo,

1 Timoti 1:18

We munem Timoti, mǝnia ka à nda ka kwarkiru mem abano, kǝla mǝnana cauɓangna mala Ɓakuli bangŋa a muro ɗiɗyal ka. Mǝnia ka ɓǝ̀ po rǝcandǝa mala munǝo pepe aɓalǝ a'lwa mala Mǝtalabangŋo.

1 Timoti 4:14

Ce a burice ɓoro mala Bangŋo mǝnana a ndanǝi, mana à po nǝ na gi Ɓakuli, a pwari mǝnana amǝkurcau aɓwana-mǝgule amur ikǝlisiya tsǝko buia a muro ka.

1 Timoti 4:6

We ka, ɓǝ̀ a kǝ lidǝmbǝa nǝ bǝli amǝkpata Ɓakuli ɓalǝ amǝnia yì agir ka, a nǝ duk mǝturo mǝɓoarne mala Kǝrǝsti Yesu, a nǝ lǝmndǝ ama a gulna aɓalǝ acau mala do kwaɗi andǝ kanigir mǝ'mǝsǝcau nì mǝnana a kpana te ka.

1 Timoti 5:22

Ce a kaurǝa ata pe ɓwa gulo aɓa ikǝlisiya ɗang. Sǝ kǝa wu oasǝ ɓamuro aɓalǝ acauɓikea mala aɓea aɓwana ɗang. Yal ɓamuro aɓa doɓoarnsari.

1 Timoti 6:12

Munǝ munǝo mǝɓoarne mala paɓamuru. Bwal kàngkàng arǝ yilǝmu mǝnana málá male pà kàm raka, mana Ɓakuli tunǝo ace, sǝ a náná paɓamuru mo a rǝì a ɓadǝmbǝ amǝnakun pas ka.

2 Timoti 3:10

Sǝ we Timoti ka, à surǝna rǝ kanigir mem andǝ ɓealǝam. À surǝna rǝ kani mala ɓabumam aɓa do mem. À surǝ paɓamuru mem, andǝ munyi, andǝ earcearǝu, andǝ gandǝrǝu mem;

2 Timoti 3:14

Sǝ we ka, lidǝmbǝa aɓa mǝsǝcau mǝnana à kanio, sǝ a earnǝi ka, acemǝnana a surǝna rǝ aɓwana mǝnana à kanio gir ka.

Amǝ Ibǝru 2:17

Ace mani ka, dumǝni wi ama she nǝ̀ nyesǝ ɓamuri kǝla amǝ'eambǝi a koya njargula, ace mǝnana ɓǝ̀ duk Pǝris Mǝgule mǝnana ndanǝ mǝsǝswatǝr aban aɓwana, à nǝ̀ earnǝi aɓa turo male aban Ɓakuli ka. Anggo ka sǝ́ nǝ̀ pa gir'nkila ace twalban cauɓikea mala aɓwana mala Ɓakuli.