2 Timoti 2:18 - Maləmce Məfele mala Ɓakuli: Kurcau Məbəshe

¹⁸ À ɗekini njar mala mǝsǝcau, à kǝ na ama loapi ɓembe mala alú kutina. Nǝ ulang mǝnia yì kanigir ka, à tsǝngŋǝna aɓwana pas à ɗekina paɓamuru malea aban Ɓakuli.

2 Timoti 2:18 ပူးပေါင်းရင်းမြစ်များ

Matiu 15:13

Sǝ Yesu pǝlǝia wia ama, “Ɓǝ̀ ya girpwala nani à pandǝi mǝnana Tárram mana a kuli ka nǝ̀ pandǝi raka, à nǝ̀ ui.

Matiu 22:29

Yesu pǝlǝa earia wia ama, “Wu ɓwarkio ace ɗwanyi surǝ Malǝmce andǝ rǝcandǝa mala Ɓakuli.

Luka 8:13

Amǝnana amur tali ka, à ndaka aɓwana mǝnana à ok cau ka, à é nǝ bumpwasǝa, sǝ cau kum kutio a ɓabumia ɗang. Paɓamuru malea ka banì sau ɗang, pwari karǝkiban yiu ka kara à kpa.

Amǝ Mishan 5:39

sǝ ɓǝ̀ pè mala Ɓakuli na yinǝ gir man ngga, wu pa wu nǝ̀ gandǝia ɗang, ɓǝa na raka, wu nǝ̀ ngga kum ɓamur rǝ wun aban munǝo arǝ Ɓakuli! Pǝlǝa kpapi kat kpata kwarkiru mala Gamaliyel,

1 Amǝ Korinti 11:19

Dumǝna púp kun wun nǝ̀ gakia, ace mǝnana aɓwana mǝnana aɓalǝ wun nǝ mǝsǝcau mala Ɓakuli ka, ɓǝa surǝia.

1 Amǝ Korinti 15:12

Cau mǝnana sǝm hamnggiyi nǝi ka nda mǝnana ama, Kǝrǝsti ka à loasǝi a ɓembe nǝ yilǝmu, sǝ palang ado sǝ aɓea aɓwana aɓalǝ wun kǝ na ama lo mala alú a ɓembe pa kàm ɗang?

Amǝ Kolosi 3:1

Acemǝnana à loasǝna wun nǝ bǝsa yilǝmu aɓa Kǝrǝsti ka, wu tsǝk ɓabum wun arǝ agir mǝnana a kuli, aban mǝnana Kǝrǝsti dukam abuno gulo a bu-mǝli mala Ɓakuli ka.

1 Timoti 1:19

Bwal kàngkàng arǝ paɓamuru mo aɓa Kǝrǝsti, nǝ ɗenyicau mǝɓoarne. Acemǝnana aɓea ɓwana ka, à ɓinǝi oki ɓabumia, gandǝa à kiɗikina paɓamuru malea.

1 Timoti 6:10

Acemǝnana rufi ata boalo ka, nda nlerǝ koya ɓealɓikea. Aɓea aɓwana mana bumia kǝ pi ace alta gǝna ka, gandǝa à kpana, à ɗekina paɓamuru malea aban Ɓakuli, à soana ɓabumia nǝ agir bumkiɗikea.

1 Timoti 6:21

Aɓea ɓwana twali ama à ndanǝ mǝno yì “Sǝlǝe” ka, gandǝa warinia à ɓwarkini tanjar mala dokwaɗi. Ɓǝ̀ ɓwamuru mala Ɓakuli do ata wun kat.

2 Timoti 2:14

Wu kǝ kasǝ ɓalǝ aɓwana arǝ amǝnia yì agir ka, sǝ wu nunkiria a ɓadǝm Ɓakuli, ɓǝa ɗeki makgir amur acau. Amǝno yì amakgir ka, à pànǝ ɓoaro ɗang, à nǝ̀ kiɗiki aɓwana mǝnana à kǝ okia ace ka.

Titus 1:11

Amǝnia yia aɓwana ka, ɓǝa tamsǝia arǝ kani amǝkwaɗi gìr, acemǝnana nǝ akanigir mǝɓane malea ka, à nda ban tsǝk amǝɓala kat ɓǝa nying kpata kanigir mǝnana nda pepe ka. Tǝ́r kanigir mala amǝnia yì aɓwana ka, nda ace alta boalo mǝnana à nǝ̀ kumo a ɓalǝi ka.

Amǝ Ibǝru 3:10

Nda gir mǝnana tsǝa sǝ bumam lullo arǝ amǝno yì aɓwana ka, sǝ ǝn bangŋa nǝma, ‘Ɓabum amǝnia yì aɓwana ka, pà a rǝam ɗang, sǝ à earce kpata nggurcau mem ɗang.’

Jemis 5:19

Wun amǝ'eambǝam, ɓǝ̀ kǝ ɓwa aɓalǝ wun ɓwarki tanjar mala Ɓakuli, wu nyesǝi a tanjar.

1 Yohana 2:19

Amǝnia yì aɓwana ka, à ma'sǝm na ɗang, nda gir mǝnana tsǝa sǝ à nying sǝm ngga. Ɓǝ̀ yia ka à ma'sǝm na ka, ɓǝ́ à dumǝna ata sǝm. À nying sǝm ace mǝnana ɓǝ̀ lǝmndǝ bwāng ama yia ka à ma'sǝm na raka.