2 Timoti 1:6 - Maləmce Məfele mala Ɓakuli: Kurcau Məbəshe

⁶ Ace mani ka ǝn nggǝ kasǝ ɓalǝo ama, ɓoro mala Bangŋo mǝnana Ɓakuli po a pwari mǝnana ǝn tsǝk abuam a muro ka, lo ci aɓa turo nǝ pi mala ɓabum.

2 Timoti 1:6 ပူးပေါင်းရင်းမြစ်များ

Luka 19:13

Kaniama nǝ̀ o ka tunǝ ata amǝturo male lum, gakia wia mǝsǝboalo zǝnariya luru lum sǝ nea wia ama, “Boalo mǝnia ka wu kǝ nggaliki nǝi, she ɓǝn nyarǝna ka.”

Amǝ Mishan 19:6

Pǝlǝa Bulǝs tsǝk bui amuria, kara Bangŋo Mǝfele sulǝo amuria, à nacau nǝ akún-takuli, sǝ à hamnǝ cau mala Ɓakuli.

Amǝ Mishan 6:6

Amǝnia yia aɓwana ka, nda à yì tamsǝia a ɓadǝmbǝ amǝ'mishan, à pakkia wia hiwi, sǝ à tsǝkia wia bu ka.

1 Amǝ Tasalonika 5:19

Wu kǝa eare wu par Bangŋo Mǝfele ɗang.

1 Timoti 4:14

Ce a burice ɓoro mala Bangŋo mǝnana a ndanǝi, mana à po nǝ na gi Ɓakuli, a pwari mǝnana amǝkurcau aɓwana-mǝgule amur ikǝlisiya tsǝko buia a muro ka.

1 Timoti 4:6

We ka, ɓǝ̀ a kǝ lidǝmbǝa nǝ bǝli amǝkpata Ɓakuli ɓalǝ amǝnia yì agir ka, a nǝ duk mǝturo mǝɓoarne mala Kǝrǝsti Yesu, a nǝ lǝmndǝ ama a gulna aɓalǝ acau mala do kwaɗi andǝ kanigir mǝ'mǝsǝcau nì mǝnana a kpana te ka.

2 Timoti 2:14

Wu kǝ kasǝ ɓalǝ aɓwana arǝ amǝnia yì agir ka, sǝ wu nunkiria a ɓadǝm Ɓakuli, ɓǝa ɗeki makgir amur acau. Amǝno yì amakgir ka, à pànǝ ɓoaro ɗang, à nǝ̀ kiɗiki aɓwana mǝnana à kǝ okia ace ka.

2 Timoti 4:2

We ka, hamnǝ cau mala Ɓakuli. Do aɓa gilǝrǝu ace mǝnia yì turo ka, ko njar na kam ko pà kàm ɗang. Lǝmndǝi aɓwana ɓwarkio malea, nunkiria, sǝ wu ɓak ɓabumia nǝ munyi mǝgule andǝ kwarkiru ɓukɓuk.

Amǝ Ibǝru 6:2

Sǝ ɓǝ̀ sǝm ngga camarǝ ɓǝsǝlǝki kanigir amur batisǝma, andǝ tsǝkbu amur aɓwana, andǝ lo mala alú, andǝ amur kasǝ ɓashi mǝnana masǝlǝate pà kàm raka ɗang.

2 Bitǝrus 1:12

Ace mani ka, mǝ ndanǝi a ɓabumam mǝ nggǝ kasǝɓalǝ wun koya pwari arǝ amǝnia yì acau ka, kat andǝ amani ama wu surǝnia, sǝ wu tamsǝna kusǝ wun kàngkàng amur mǝsǝcau mǝnana wu angŋǝni ka.

2 Bitǝrus 3:1

Wun amǝ'eamrǝarǝu, mǝnia ka nda ɓaria cautera mem aban ká aban wun. Aɓalǝia kǝm ngga, ǝn ɓariki mǝ nǝ kasǝɓalǝ wun arǝ agir mǝnana wu surǝnia, sǝ mǝ loasǝ aɗenyicau mǝɓoarne aɓalǝ wun.

Yahuda 1:5

Ən nggǝ earce kasǝ ɓalǝ wun, kat andǝ amani ama wu surǝna rǝ agir mǝnia kat ka, ama, Mǝtalabangŋo amsǝ aɓwana male, pusǝia aɓa nzali Masar, sǝ nǝ̀ nzǝmo ka, yi twalta aɓwana mǝnana à guli a rǝì raka.