2 Timoti 1:4 - Maləmce Məfele mala Ɓakuli: Kurcau Məbəshe

⁴ Ɓǝ̀ ǝn ɗenyi nǝ mǝrǝm mǝnana a sukki a pwari gauwa ma'sǝm ngga, nzal sǝno kǝ pakkam. Ban nǝ̀ ɓoaram kǝrkǝr, yi mǝnana ɓǝ̀ sǝm kum ɓamur rǝ sǝm a tarǝ sǝm ɗǝm ngga.

2 Timoti 1:4 ပူးပေါင်းရင်းမြစ်များ

Yohana 16:22

Anggo sǝ wu pa: Adyan ngga wu ndanǝ bumkiɗikea, sǝ ǝn nggǝ na wun ama, mǝ nǝ ngga sǝn wun ɗǝm, sǝ ɓabum wun ngga nǝ̀ pakiɗire, ulang bumpwasǝa mǝnana kǝɓwa pà nǝ̀ é arǝ wun raka.

Yohana 16:24

Yale ado ka wu malaká zǝm kǝgir aɓa lullǝam ɗang: wu zǝmbǝa sǝ à nǝ̀ pà wun, sǝ bumpwasǝa ma'wun nǝ̀ lumsǝo.

Amǝ Mishan 20:19

Nǝ nyesǝɓamuru andǝ mǝrǝm a mǝsǝam sǝ ǝn pakki Mǝtalabangŋo turo, acemǝnana mǝ nda mǝguro male. Ən do nǝ gandǝrǝu aɓa nutanni mala agir mǝnana à yipam nǝ kurkunarǝu mala amǝ Yahudi mǝnana amǝkwaɗi na raka.

Amǝ Mishan 20:31

Ace mani ka, wu tsǝkir wun pepe! Wu ɗenyi ama, nǝ amǝrǝm a mǝsǝam, du andǝ pwari, mǝ nda aban kani ko yan ata wun ngga cau mala Ɓakuli kat ba apǝlǝa tārú.

Amǝ Roma 1:11

Mim ngga ǝn earce kǝrkǝr a ɓabumam ɓǝ̀ ǝn kya sǝn wun, ɓǝ̀ ǝn pa wun aɓoro ɓa Bangŋo mǝnana nǝ̀ pa wun rǝcandǝa ka.

Amǝ Filipi 1:8

Ɓakuli surǝna rǝ lime mala earcearǝu mǝnana mǝ ndanǝi ace wun, andǝ nzal wun kat mǝnana ǝn nggǝ oe, nǝ ulang earceban mǝnana Kǝrǝsti Yesu ndanǝi ace wun ngga.

Amǝ Filipi 2:26

Ado ka, rǝì kǝ ɓǝla ace sǝn wun. Banɓoari wi ɗang, mǝnana sǝlǝ ama wu ongŋǝna ce rǝkwana male ka.

1 Amǝ Tasalonika 2:17

Sǝ sǝm ngga, wun amǝ'eam sǝm, lang à gauwuna sǝm zuku sǝnǝa wun ngga (gauwa mǝnana nda aɓa nggūrǝu sǝ pà aɓa bangŋo raka) sǝm ɓariki kǝrkǝr, nǝ nzal wun a ɓabum sǝm ama sǝm nǝ̀ yia sǝn ɓamǝsǝarǝ sǝm ɗǝm.

2 Timoti 4:21

Ɓariki, yiu sǝ ɓǝ̀ kunɗwal sulǝo. Yubulǝs kǝ makko kun, sǝ anggo gbal Pudem, andǝ Linos, andǝ Kǝlaudiya, andǝ acilia amǝ'eamrǝarǝu kat.

2 Timoti 4:9

Timoti, ɓariki, yiu abanam a kaurǝa.

1 Yohana 1:4

Sǝm nggǝ gilǝ amǝnia yì agir ka, ace mǝnana ɓǝ̀ banɓoarnado ma'sǝm kat ɓǝ̀ lumsǝo.

Sǝna 21:4

Nǝ̀ esǝki mǝrǝm kat a mǝsǝia, sǝ lú, andǝ bumkiɗikea, andǝ ɓua andǝ kwanban ngga, à pà nǝ̀ pàk kàm ɗǝm ɗang. Amǝnia yì agir mǝnana ɗiɗyal ka, à umna ɗǝɗak.

Sǝna 7:17

Acemǝnana Mǝgam mana nda a ɓaɓalǝu aban bunomurǝm ngga, nǝ̀ dupia wia yalgir amuria; nǝ̀ kánǝia aban amgbeaɗe mǝnana à pākiyi mur yilǝmu ka. Sǝ Ɓakuli ka nǝ̀ esǝkia wia mǝrǝm kat a mǝsǝia.”