2 Timoti 1:16 - Maləmce Məfele mala Ɓakuli: Kurcau Məbəshe

¹⁶ Ɓǝ̀ Ɓakuli lǝmndǝì Onisǝforǝs andǝ amǝ ɓala male ɓwamuru, acemǝnana kǝ yiu abanam tutu, sǝ kǝ ɓakɓabum, sǝ ko kǝsǝkya pakki wi a rǝam acemǝnana mǝ nda aɓa nsolo ka ɗang.

2 Timoti 1:16 ပူးပေါင်းရင်းမြစ်များ

Matiu 25:17

Mǝturo-ɓala mǝnana ak luru mǝsǝboalo ɓari ka wari gbal kya kum mur luru ɓari amur amǝno.

Matiu 5:7

Amǝ sǝn mǝsǝswatǝr ka à ndanǝ tsǝkbu mala Ɓakuli, acemǝnana à nǝ̀ sǝn mǝsǝswatǝr malea.

Amǝ Mishan 21:33

Mǝsarǝban mala asoje yi bwal Bulǝs, bangŋa ama ɓǝa ta abui nǝ ansolo ɓari. Pǝlǝa ɗiban ama, “Yana nda man, sǝ mana ɗe pa?”

Amǝ Mishan 28:20

Nda gir mǝnana tsǝa sǝ ǝn na nǝma ɓǝa tunǝ wun mǝ nǝ na cau nǝ wun ngga. Aɓa mǝsǝcau ka, nda ace gir mǝnana amǝ Isǝrayila tsǝk ɓalǝia a rǝì ka, sǝ à kùrram nǝ ansolo man.

1 Amǝ Korinti 16:18

Yia ka, à nongsǝam ɓabumam andǝ ɓabum wun gbal. Aɓwana mǝnana à kǝ pak turo mǝ'mǝsǝcau nì kǝla amǝnia ka, ɓalǝ wun ɓǝ̀ kǝa lorǝia ɗang.

Amǝ Afisu 6:20

Àkǝ̀ ce mǝnia yì cau ka sǝ mǝ nda a ndàkurban ado, sǝa ma ǝn lidǝmbǝa nǝ hamnǝ cau, acemǝnana Ɓakuli nǝ́ turam kǝla mǝ'pwantu male. Wu pak hiwi acem ama mǝ camarǝ nakuni nǝ mǝsǝkang-kangŋa, kǝla mǝnana ɓoaro ɓǝ̀ ǝn ne ka.

2 Timoti 1:12

Nda gir mǝnana tsǝa sǝ ǝn nggǝ nu tanni kǝla mǝno mǝ nda a ɓalǝi ka. Sǝ mim ngga, kǝsǝkya kǝ pakkam arǝ mani ɗang, acemǝnana ǝn surǝna rǝ ɓwa mǝnana ǝn guli a rǝì, sǝ ǝn sǝlǝna ama gir mǝnana ǝn nyingŋǝni wi a bui ka, nǝ̀ gandǝ bwale ba pwari nyare male.

2 Timoti 1:17

Yiu male a Roma ka, altam kǝrkǝr, gandǝa yi kumam.

2 Timoti 1:18

Ɓǝ̀ Ɓakuli lǝmndǝì wi ɓwamuru ɓǝ̀ kum earmuru a pwari nyare yiu mala Kǝrǝsti. Sǝ we ka a sǝlǝna rǝ ulang gbasha mǝnana pam a Afisu ka.

2 Timoti 1:8

Ace mani ka, ce kǝsǝkya pakko arǝ banggia aɓwana cau amur Mǝtalabangŋo ɗang. Sǝ ce kǝsǝkya pakko a rǝam gbal ɗang, kat andǝ amani ama mǝ nda a ndàkurban ace Kǝrǝsti ka. Nǝ rǝcandǝa mǝnana Ɓakuli po ka, dum nǝ kur rǝǔ ace nutanni atam ace hamnǝ Cau Amsǝban.

2 Timoti 4:19

Makkia Pǝrisǝla andǝ Akila kun, andǝ amǝɓala mala Onisǝforǝs.

Filimon 1:20

E, mǝ'eambǝam, ǝn nggǝ zǝmbǝo, lǝmndǝam mǝnia yì earmuru ka, ace Mǝtalabangŋo; kǝla mǝ'eambǝu aɓa Kǝrǝsti ka, ciem ɓabumam ɓǝ̀ nongŋo.

Filimon 1:7

Earcearǝu mo panam banɓoarnado kǝrkǝr andǝ girikiban, mǝ'eambǝam, acemǝnana pe mǝɓoarne mo yina nǝ bumpwasǝa aban aɓwana mala Ɓakuli kat.

Amǝ Ibǝru 10:34

Aɓwana mǝnana à turia aɓa ndàkurban ngga, wu sǝn mǝsǝswatǝr malea. Ko nggearǝ akume ma'wun mǝnana à ea arǝ wun nǝ rǝcandǝa ka, wu pak bumpwasǝa nǝ mǝno, acemǝnana wu sǝlǝna ama wu ndanǝ kume mana kuti mǝno ka, sǝ ɗǝm ngga pà nǝ̀ mal raka.

Amǝ Ibǝru 6:10

Ɓakuli ka mǝ'ɗwanyi mǝsǝcau na ɗang; ɓālǝi pà nǝ̀ lorǝ aturo ma'wun andǝ earcearǝu mǝnana wu lǝmndǝi ace, nǝ ɗenyi mǝnana wu ɗenyi nǝ aɓwana male, sǝ wu ndarǝ lidǝmbǝa nǝi ka ɗang.