2 Timoti 1:12 - Maləmce Məfele mala Ɓakuli: Kurcau Məbəshe

¹² Nda gir mǝnana tsǝa sǝ ǝn nggǝ nu tanni kǝla mǝno mǝ nda a ɓalǝi ka. Sǝ mim ngga, kǝsǝkya kǝ pakkam arǝ mani ɗang, acemǝnana ǝn surǝna rǝ ɓwa mǝnana ǝn guli a rǝì, sǝ ǝn sǝlǝna ama gir mǝnana ǝn nyingŋǝni wi a bui ka, nǝ̀ gandǝ bwale ba pwari nyare male.

2 Timoti 1:12 ပူးပေါင်းရင်းမြစ်များ

Matiu 12:21

A rǝì sǝ aɓwana kat a ɓanza nǝ̀ tsǝkɓalǝia.”

Matiu 24:36

Kǝ ɓwa surǝ pwari ko bu-pwari mǝnana Muna mala Ɓwa nǝ̀ yiu nǝi ka ɗang. Amǝturonjar mǝnana a kuli ka à surǝì ɗang, ko nggearǝ Muna mala Ɓakuli ka surǝì ɗang, she kǝ Ɓakuli nǝmurǝì.

Matiu 7:22

A masǝlǝata apwari ka aɓwana pas nǝ̀ yiu à nǝ̀ nam ama, “Mǝtalabangŋo, Mǝtalabangŋo, nǝ lullǝo sǝ sǝm hamnǝ cau re, sǝ nǝ lullǝo sǝ sǝm pusǝki akukwar, sǝm pakki agir-ndǝlǝki pas re?”

Luka 10:12

Ən nggǝ na wun, a pwari ɓashi ka, ɓashi mala Ɓakuli amur mǝno yì la ka nǝ̀ cande nǝ̀ kuti mala amǝ Sodom.

Luka 23:46

Pǝlǝa Yesu loasǝ gi bang-bang ama, “Dâ! A ɓabuo sǝ ǝn nggǝ pa bangŋo mem!” Lang bangŋǝna anggo ka, kara yilǝmi puro.

Yohana 17:15

Ən pa aban zǝmbǝa nǝma wu pusǝia, ɓǝa nying ɓanza ɗang. Mǝ nda aban zǝmbǝa ama, wu bwalia, ɓǝa ká kuti a ɓabu Shetan, mǝɓealɓikea ɗang.

Yohana 6:44

Kǝɓwa pà nǝ̀ yiu abanam, mǝnana ɓǝ̀ Tárram mana turam ngga nǝ̀ nunni a rǝam raka. Sǝ mim ngga mǝ nǝ loasǝi nǝ yilǝmu a masǝlǝata apwari.

Amǝ Mishan 13:46

Pǝlǝa Bulǝs andǝ Barnabas nea wia nǝ mǝsǝkang-kangŋa ama: Wun amǝ Yahudi, wun nda mǝnana ɓoaro sǝm nǝ̀ bangga wun cau mala Ɓakuli peatu ka. Sǝ acemǝnana wu ɓinǝkini, sǝ wu lǝmndǝna ama wu gattini kum yilǝmu mana málá male pà kàm raka, adyan ngga sǝm ɗekina wun, sǝm nǝ̀ o aban aɓwana mana amǝ Yahudi na raka.

Amǝ Mishan 13:50

Pǝlǝa aɓwana-mǝgule mala amǝ Yahudi soakita aɓwana-mǝgule mala nggeala, andǝ aɓea amamǝna amǝgulo mala aɓwana mǝnana amǝ Yahudi na raka, mana à kǝ peri aban Ɓakuli ka. A tita pe Bulǝs andǝ Barnabas tanni, pǝlǝa à pǝria à puri ɓa nzali malea.

Amǝ Mishan 21:13

Sǝ yì ka, na ama, “Mana wu pakkiyi anggo, wu tsǝk mǝrǝm a mǝsǝ wun, wu nǝ̀ ɓunggi ɓabumam? Yale kùrban na ǝn nakiyi ce ka ɗang, ko nggearǝ lú ka ǝn earǝna mǝ nǝ ngga wu, acau mala Mǝtalabangŋo Yesu.”

Amǝ Mishan 7:59

Lang à ndarǝ ɓukki ka, Itǝfanu loasǝ gi pak hiwi ama, “Mǝtalabangŋo Yesu, ak yilǝmem.”

Amǝ Mishan 9:16

Mǝ nǝ lǝmndǝì wi agir mǝnana nǝ̀ tanni a rǝia kat ace lullǝam ngga.”

Amǝ Roma 1:16

Mim ngga kǝsǝkya kǝ pakkam arǝ Cau Amsǝban mala Kǝrǝsti ɗang, acemǝnana mǝnia ka rǝcandǝa mala Ɓakuli na ace amsǝ aɓwana mana à paɓamuria ka, tite nǝ ɓwa Yahudi, sǝ ɓwa mǝnana ɓwa Yahudi na raka.

Amǝ Roma 9:33

Kǝla mǝnana à gilǝì aɓa Malǝmce ama: “Sǝni, mǝ ndya ǝn nggǝ tsǝk muna-tali a Siyona, mǝnana nǝ̀ tsǝk aɓwana à nǝ̀ anndǝ́ ka, andǝ nggea-tali mǝnana nǝ̀ cia à nǝ̀ kpa ka. Sǝa ma ɓwa mǝnana é guli a rǝi ka, pà nǝ̀ kum kǝsǝkya ɗang.”

1 Amǝ Korinti 1:8

Yì ka, nǝ̀ bwala wun nggam, wu nǝ̀ dum nǝ rǝcandǝa ba masǝlǝate, ace mǝnana ɓǝa kǝa kum wun nǝ ɓe kǝ cau arǝ wun a pwari yiu mala Mǝtala sǝm Yesu Kǝrǝsti ɗang.

1 Amǝ Korinti 3:13

turo mala ko ya ɓwa ka nǝ̀ pusǝrǝi, acemǝnana a Pwari mala Kǝrǝsti ka, tea nǝ̀ puro. Bǝsa na nǝ̀ pusǝ tea ka. Sǝ bǝsa na nǝ̀ karǝki koya turo nani ɓwa pè ka.

Amǝ Filipi 1:20

Ən nggǝ sǝn dǝmbǝa nǝ tsǝkɓalǝu ama pà mǝ nǝ nu kǝsǝkya ɗang ko bǝti. A kuni ka mǝ nǝ kum mǝsǝkang-kangŋa pepe, acemǝnana ado, kǝla mǝnana a koya pwari ka, Kǝrǝsti nǝ̀ kum gulo a ɓalǝam, ko nǝ yilǝmu ko aɓa lú.

Amǝ Filipi 3:10

Ən nggǝ earce surǝ Kǝrǝsti andǝ rǝcandǝa mǝnana loasǝi a ɓembe ka. Ən earǝna mǝ kum kāmbe mem aɓa nu tanni ate, mǝ nǝ wú a cau male,

Amǝ Filipi 3:21

Nǝ́ rǝcandǝa male mala gandǝ nyesǝ agir kat aɓata yalban male ka, nǝ̀ yia nggaɗi nggūrǝ sǝm mǝ ká lui ɓǝ̀ pâ kǝla nggūrǝi mǝɓoarɓwe.

Amǝ Filipi 3:8

Sǝ kǝgir pà kàm à nǝ̀ kani arǝ surǝ Kǝrǝsti Yesu Mǝtalem ɗang. Ən nying girbunda kat ace cau male. Ən sukkinia, ǝn twalia à pà a kun kǝgir ɗang, ace mǝnana ɓǝ̀ ǝn kum Kǝrǝsti,

1 Amǝ Tasalonika 2:16

acemǝnana à kǝ ɓariki ama à nǝ̀ mgbali kun sǝm, ɓǝ̀ sǝm ngga hamnǝ cau mala yilǝmu aban aɓwana arǝ aɓea nzali ɗang. Yì cau mǝnana nda nǝ̀ yinǝi aɓwana amsǝban ngga. Sǝ anggo ka, kara à camarǝ gwaliki cauɓikea amur acauɓikea malea aban káne a lumsǝo. Sǝ bumlulla mala Ɓakuli a masǝlǝate ka sulǝna amuria!

1 Amǝ Tasalonika 5:4

Sǝ wun amǝ'eambǝam ngga, wu pa ɗǝm aɓa pǝndǝa ɗang, mǝnana mǝno yì pwari ka nǝ̀ yia yasǝlǝ wun kǝla yiu mala mǝn'i ka ɗang.

1 Timoti 6:20

Timoti, tsǝk kir gir mǝnana Ɓakuli po a buo ka. Yal ɓamuro arǝ naki acauɓana mala agir mǝnana à kǝ yinǝi Ɓakuli gulo raka, andǝ acau a mgbasho mǝnana aɓea ɓwana tunǝi aɓa ɓwarkio ama “Sǝlǝe” ka.

2 Timoti 1:14

Tsǝk kiro arǝ cau mǝ'mǝsǝcau nì, mǝnana à po a buo, nǝ rǝcandǝa mala Bangŋo Mǝfele mǝnana do a ɓabum sǝm ngga.

2 Timoti 1:16

Ɓǝ̀ Ɓakuli lǝmndǝì Onisǝforǝs andǝ amǝ ɓala male ɓwamuru, acemǝnana kǝ yiu abanam tutu, sǝ kǝ ɓakɓabum, sǝ ko kǝsǝkya pakki wi a rǝam acemǝnana mǝ nda aɓa nsolo ka ɗang.

2 Timoti 1:18

Ɓǝ̀ Ɓakuli lǝmndǝì wi ɓwamuru ɓǝ̀ kum earmuru a pwari nyare yiu mala Kǝrǝsti. Sǝ we ka a sǝlǝna rǝ ulang gbasha mǝnana pam a Afisu ka.

2 Timoti 1:8

Ace mani ka, ce kǝsǝkya pakko arǝ banggia aɓwana cau amur Mǝtalabangŋo ɗang. Sǝ ce kǝsǝkya pakko a rǝam gbal ɗang, kat andǝ amani ama mǝ nda a ndàkurban ace Kǝrǝsti ka. Nǝ rǝcandǝa mǝnana Ɓakuli po ka, dum nǝ kur rǝǔ ace nutanni atam ace hamnǝ Cau Amsǝban.

2 Timoti 2:9

Sǝ acemǝnana ǝn nggǝ hamnǝ mǝnia yì Cau Amsǝban ngga, mǝ ndya ǝn nggǝ tanni, à kùrram nǝ ansolo kǝla ɓwa mǝnana mǝɓealɓikea na ka. Sǝa ma cau mala Ɓakuli ka, à kùrrì ɗang.

2 Timoti 4:8

Sǝ ado ka, tangnakusǝam, yì jeko mala turo-cauɓoarna ka, nda rǝ kundǝam, mǝnana Mǝtalabangŋo, Mǝɓashi aɓa mǝsǝcau nǝ̀ pam a Pwari nyare male ka. Sǝ tangnakusǝu man ngga pa acem nǝmurǝam ɗang, nda gbal acea aɓwana mǝnana kat à kǝ earce yiu male ka.

Titus 3:8

Mǝnia yì cau ka, cau na à nǝ̀ guli a rǝì. Ən nggǝ earce nǝma wu cam nǝ rǝcandǝa amur amǝnia yì akanigir ka, acemǝnana aɓwana mana à nyingŋǝna ɓabumia aban Ɓakuli kat ka, ɓǝa pà ɓamuria arǝ pakki agir mǝɓoarne. Amǝnia yì akanigir ka nggea mǝɓoarne na, sǝ à ndanǝ mbweban mala bwali ko yana ka kam.

Amǝ Ibǝru 12:2

Ɓǝ̀ sǝm soa mǝsǝ sǝm arǝ Yesu, yì ɓwa mǝnana kwakita paɓamuru ma'sǝm, sǝ nda mǝnana nǝ̀ yinǝ lumsǝo male ka. Ace bumpwasǝa mǝnana à tsǝki wi a dǝmbǝi ka, shakminǝi aɓa tanni mala gbaliban amur nggun-gangndi, burice kǝsǝkya mǝnana nǝ̀ kum ate ka, sǝ adyan ngga nda aban do a buno, aban gulo a bu-mǝli mala bunomurǝm mala Ɓakuli.

Amǝ Ibǝru 2:18

Sǝ acemǝnana yì nǝ nggearǝì ka, kutina aɓa tanni andǝ karǝkiban ngga, nǝ̀ gandǝ bwali aɓwana mǝnana à kutio aɓa karǝkiban ngga.

Amǝ Ibǝru 7:25

Ace mani ka, nǝ̀ gandǝ amsǝ aɓwana mǝnana à yiu aban Ɓakuli nǝ bani ka, a koya njari, acemǝnana ko aya pwari ka ndakam nǝ yilǝmu ace zǝmbǝa acea.

1 Bitǝrus 1:5

Sǝ ata cau mala paɓamuru ma'wun ngga, Ɓakuli na rǝ yal wun nǝ rǝcandǝa male ace kum amsǝban mǝnana gilǝkini nǝ̀ yia lǝmndǝi, a masǝlǝata apwari ka.

1 Bitǝrus 4:16

Ɓǝ̀ ɓwa nu tanni acemǝnana yì ka, mala Kǝrǝsti na ka, gir kǝsǝkya na ɗang. Ɓwangsǝ Ɓakuli, acemǝnana à kǝ tunǝo nǝ lullǝi ka.

1 Bitǝrus 4:19

Ace mani ka, ɓǝ̀ wu nda ban tanni aɓa kane mala Ɓakuli ka, wu lidǝmbǝa aɓa pak gir mǝnana nda a nzongŋi ka, sǝ wu nying ayilǝmi wun a ɓabu Ɓakuli mǝnana pusǝ wun ngga, acemǝnana yì ka, pà nǝ̀ pà wun kǝsǝkya ɗang.

Yahuda 1:24

Adyan ngga, gulo ka ɓǝa pe Ɓakuli, mǝnana nǝ̀ gandǝ bwal wun, wu kǝa kpa raka, sǝ nǝ̀ yinǝ wun a ɓadǝmbǝi, mana lumsǝ nǝ ɓoarɓwa ka, nǝ banɓoarnado mǝgule andǝ ɗwanyi cau a rǝǔ.